NEHEMIA 13:3 - Khumi Common Language Bible

³ Huni Reita cha-iu phain pi nai thai u nai khala y, Israela chengchi ly mymychi kamkawm theung i nai cheng takhrachi ai patheu u bo.

NEHEMIA 13:3 Iomraidhean Croise

EZARA 10:11

Huna nai y nangchi i amsi pajochi i Areng Tameuh teng y nangmychi i kamngo ahui iy, mymy i kangai su u. Achi i pri theung y nangchi hawi vanrei awm nai cheng takhra khumichi hawi, nangchi i cheng takhra ajuchi hawi py amprei u,” nanai aeu naimy thui pi.

EZARA 9:2

Juda chengchi ly cheng takhra neampachychi hawi yhmtheaung sa u nai deaungkho y, Tameuh i khai takhra nai khumichi ly amso ngai veng bo. Hini kamngochi sa naira y lu sa naichi hawi miteaung kehchi ly ty keh nai ne,” napi u.

NEHEMIA 10:28

Achi i pri y awm nai cheng takhrachi hawi amprei u nai Israela chengchi, pathyp pi nai keungchi, Levi theaungchi, Achura yhm tamcheaung typ nai risachi, Achura yhm y katyn kapau beu kawp naichi, Achura yhm y kalop sa naichi hawi kaichi ly kaimychi i ajuchi, tleaungri acheang nai cho chanauchi hawi vanrei,

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 119:9

Thawndeang deaungdichi ly chai pyn pa-rei mana heng pajau ai mo? Nang i reita leu pei naichi tangai baly. chai parai naimy awm pajau nai ne.

THEU NAI 12:38

Nichi hawi vanrei Israela cheng ny y naimy cheng takhra khumi nawi parai naichi py beram, mi-i, si kanghuchi py syn naimy abang u teang.

LEU KACHENG 6:23

Reita leuchi ly maisi yhm kamta ne i, nichi i ang thui pi nai leuchi ly kangvang hawi atawm. Nichi i thui parip nai leuchi ly nang heng ai nai lam patei pajau.

Kati Nai 11:4

Israela chengchi hawi vanrei abang nai cheng takhrachi ly khri pa-rei mawi alam u; Israela chengchi malawn py, “Mawi kanglam pajau y na bo!

ROM AVANGCHI TENG Y PAWLA I CHA PA NAI 3:20

hunaibaly Reita i atiti sa nai deaungkho y khumi ami py mymy i mei ka-niu y eaung naira nga ai nai by y leang; ati mana nai mo nabaly Reita deaungkho y kamngo pany angym ai naira awm nai ne lawh veng.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.