NEHEMIA 13:28 - Khumi Common Language Bible

²⁸ Jojada ly pathyp pi nai keung kalen keh Eliashib i chapo ne. Na i py ni i chapo leaungrei ly Beth Horon mary i Sanbala i chaniu hawi yhmtheaung sa nai deaungkho y, kai ly Jojada ai Jerusalem mary i nai kapatheu vui bo.

NEHEMIA 13:28 Iomraidhean Croise

EZARA 10:8

Tym angym y nai khumichi ly nichi teng i awm nai vawnsaichi la pi pawn veng iy, Israela cheng theaung theung i nai py pala vui ai, nanai Jerusalem mary hawi Juda pri verei y satang ahei hai bo.

NEHEMIA 12:10

Josua i chapo ly Jojakim, Jojakim i chapo ly Eliashib, Eliashib i chapo ly Jojada ne;

NEHEMIA 12:22

Pathyp pi nai keung kalen keh Eliashib, Jojada, Jonathan hawi Jaduachi i deung y Levi yhm dengtheungchi hawi pathyp pi nai keung yhm dengtheungchira y lu sa naichi i amyn vuikanai ly tajiu typ bo. Hini vuikanai ai ly Pasia empara samrang Dari deung y tajiu pajau nai ne.

NEHEMIA 13:25

Hunai deaungkho y kai ly huni neampachochi ai amsawi amtlau hawi josei naimy, kapakhau nai ne. Nichi i sam py katheng. Naibaly kaichi py, kaichi i cho chanau py, mo mang y ly mana khala py cheng takhra khumichi hawi yhmtheaung kaso y leang bo, nanai nichi teng y Tameuh i amyn y vaineng abeu hai bo.

NEHEMIA 2:10

Na i py Beth Horon mary i Sanbala hawi, Ammon pri ka-peangra i miteaung keh Tobiah nini ly Israela chengchi ai kahawi sa ai nai khumi leaungrei ang tym, nanai thai baly nini ly khri pa-rei kado theu hawi bo.

NEHEMIA 2:19

Naibaly huni satang ai Sanbala, Tobiah hawi Arab cheng Keshemchi my thai u nai khala y, kaichi ai ang panui hai nai tarawi y nichimy thui nai ly “Nangchi i katau ly ati mo? Nangchi ly empara samrang ai tiu u nai a?,” ang napi u.

NEHEMIA 3:1

Mary apai palum teang nai sai ly hina nai ne: Pathyp pi nai keung kalen keh Eliashib hawi, ni i ahawi pathyp pi nai keungchi ly beram katheu palum teang iy khai takhra i, katheu dawnchi tai u bo. Nichi ly apai chungvai angdeangra hawi Hananela angdeangra y tym pa-rei sa u bo.

NEHEMIA 4:1

Mary apai ly kaichi Juda chengchi my sa palum teang bo, nanai Sanbala my thai nai khala y khri pa-rei kado theu i, kaichi ai panui hai nai ne.

SAM 101:8

Kaichi i pri y awm nai khumi aso y naichi ai ly, kaimy kani tleirei tamyh vui ai; Areng i mary pui i dengdairei, khumi hawi y nai bawibawichi ai, kaimy patheu pawn ai.

LEU KACHENG 20:26

Cheng naira awm nai samrang ly tau hawi y nai khumi, nanai pany hai iy pahyp y naimy ana ai.

LEU KACHENG 20:8

Samrang ly tara bailangra y ateh iy, hawi y nai ngiereichi ai chih i, pany thai nai ne.