NEHEMIA 13:23 - Khumi Common Language Bible

²³ Huni neng khala y Juda cheng neangneangchi malawn py Ashado, Ammon, hawi Moba cheng neampachychi hawi apom u nai py kai avum nai ne.

NEHEMIA 13:23 Iomraidhean Croise

1 ARENG KEH 11:1

Solomon i khrei nai cheng takhra neampachy neangneang awm. Ni ly Aikupta samrang i chaniu khyh chang y i, Hiti neampachy, Moba neampachy, Ammon neampachy, Edom neampachy hawi Sidon neampachychi ai py aju palawn.

EZARA 10:10

Pathyp pi nai keung Ezara ly ang thau iy leu pei. Ezara my, “Nangchi ly leu atangai u y; cheng takhra neampachychi hawi apom u iy, Israela chengchi i tlang tleaung y kamngo tym hai bo.

EZARA 10:44

Hini khumi bawibawichi ly cheng takhra neampachychi hawi yhmtheaung sa naichi ne. Nichi ly mymychi i ajuchi ai py, nichi hawi nga nai cho chanauchi ai py khai u su bo.

NEHEMIA 10:30

Kaichi ly hini pri y awm nai cheng takhrachi hawi apom ai ny y.

NEHEMIA 10:31

Cheng takhrachi my anawn kani y mo, khai takhra nai pawi kani y mo, choh, ti y baly takhra sai sairei jo ai nai syn lawh baly, kaichi ly van pi ai ny y. Saryh saneng tym nai tleirei kaichi ly li sa ai ny y. Kalum kalai awm nai bawibawi py palawi pi vui ai.

NEHEMIA 13:1

Naibaly huni kani y Mosi i Reita leu pei nai ai khumichi i mo y phain u i, Ammon chengchi hawi Moba chengchi ai, Tameuh i khumichi theung y mana khala py tabawi pajau y, nanai leu sai tym bo.

NEHEMIA 13:24

Nichi i cho chanau ka-hyhreichi ly kaichi i leu katheu u thai y; Ashado, ti y baly takhra leu ha harei naini, katheu u thai khyh.

NEHEMIA 13:27

Huna nai y kaichi ly cheng takhra neampachychi hawi apom nai nangchi i sa nai sai molam y, Tameuh i tlang tleaung y kamngo sa ai a?,” napi.

NEHEMIA 4:7

Sanbala, Tobiah hawi Arab cheng, Ammon cheng, Asadod chengchi ly Jerusalem mary sa palum nai kalop amcheang nai satang hawi, mary apai phra nairachi pathyp dudu nai satang py, thai u nai deaungkho y khri pa-rei kado theu u.

THEU NAI 34:11

Vaini nang teng y kaimy kang pei nai reita leuchi tangai. Nangchi tako nai lam i Amori cheng, Kanan cheng, Hiti cheng, Perizi cheng, Hivit cheng, Jebusi chengchi ai kaimy paryh pi pawn ai i, tlamsa ra nga u ai.

II KORINTH 6:14

Ym y nai khumichi hawi ly adyh y nai langvui savan u ahawi reng moh; hawi naira hawi kamngo naira ly ati amtawm naira awm mo? Ti y baly kangvang hawi kaveng ly ati atawm naira awm mo?

Leu Thui Nai 7:1

Nangchi i Areng Tameuh ly nangchi peang ai nai pri y nangchi ai pahawi nai khala, huni pri y awm yb nai khumi vuikanai nawi iy, haiho len nai Hiti cheng, Kirakashi cheng, Amori cheng, Kanan cheng, Perizi cheng, Hevit cheng hawi Jebusi cheng napi nai cheng saryhreichi ai paryh pi pawn ai.

RUTHI 1:4

chapo leaung nyhrei ly Moba cheng neampachy Orpah hawi Ruthi ai pom hawi bo. Nichi ly huni pri y saneng horei awm nai bo y,

1 SAMUELA 5:1

Philistia chengchi ly Leu Maikawm Pawm nga vui chum baly, Ebenezar mary i dengdairei mychi i awm nai Asadod mary mang y kajeaung u i,