NEHEMIA 13:2 - Khumi Common Language Bible

² Ati mana nai mo na baly Ammon hawi Moba khumichi ly Israela chengchi Aikupta pri i dengdairei theu u nai thym khala y, teicha teinei hawi tui py pei y nai deaungkho y ne. Huni khyh chang y i, Balam ai alai iy Israela chengchi ai pasawi hai bo. Na i py kaichi i Tameuh ly huni amsawi leu ai amtheaung hai nai leu mang y lawm hai nai ne.

NEHEMIA 13:2 Iomraidhean Croise

SAM 109:28

Nichi my kai ai pasawi u teu i py, nang ly amtheaung naira pei ai; kai ai ana nai khumichi ly sum u na sy; nang i miseaung kai ly amo theu sy.

MIKHA 6:5

Kai i khumichi awi, Moba samrang Balak my, nangchi phra tleaung phra ra ai nai mana dawn mo, nanai py, Bera i chapo Balam my samrang teng y ati mana thui pi mo, nanai py, pany u jo. Akasia taira i dengdairei, Kilakala mary mang chei nai lam y avum nai leaungsaichi pany u jo baly, Areng ly nangchi ai ati mana atleu pi mo, nanai nangchi pany u ai,” napi.

Kati Nai 23:18

Naibaly Balam ly hina nai kamta amo leu thui pi: “Zipor i chapo Balek awi, kai teng y jeu ly kaimy kang thui pi ai nai leu tangai ba.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

Leu Thui Nai 23:3

“Ammon cheng, Moba cheng hawi nichi i kangpreang deung ho khrairei ly Areng i khumichi theung y tabawi ngau y.

Leu Thui Nai 23:4

Nangchi Aikupta pri i dengdairei theu u nai khala, nichi ly nangchi i ngai nai teicha teinei hawi tui pei u y. Mesopotamia pri Pethor mary i khumi Beora i chapo Balam ai alai iy, nangchi ai ang pasawi hai bo.

Leu Thui Nai 23:5

Na i py nangchi i Areng Tameuh ly nangchi ai tamen nai deaungkho y, Balam i pasawi nai ai tangai pi y; ni ly nangchi ai pasawi ai nai jeng y amtheaung hai bo.

II PETERA 2:15

Nichi ly Bosara i chapo Balam, kamngo sa nai vang ngai parai nai keung i lam y tako chum nai deaungkho y, lam kateng ai ly khai u su i, lam tamang veng bo;