NEHEMIA 13:15 - Khumi Common Language Bible

¹⁵ Huni neng khala y Juda mipui phyreichi ly anawn kani y kreip athai hang nip u nai py, phyreichi ly choh, kreip hang, kreip athai hawi thaidu athaichi ai, mymychi i keaungngo kano kasauchi tleaung y tang iy, Jerusalem mary mang y syn naichi py kaniu. Hunai deaungkho y anawn kani y ly ati sai py jo y ai nai, nichi teng y leu kapei nai ne.

NEHEMIA 13:15 Iomraidhean Croise

2 NENG SATANG 24:19

Areng ly amochi ai pato iy huni khumichi ai mymy teng y ali u teang ai nai pany hai teu i py, nichi ly tangai u y.

NEHEMIA 10:31

Cheng takhrachi my anawn kani y mo, khai takhra nai pawi kani y mo, choh, ti y baly takhra sai sairei jo ai nai syn lawh baly, kaichi ly van pi ai ny y. Saryh saneng tym nai tleirei kaichi ly li sa ai ny y. Kalum kalai awm nai bawibawi py palawi pi vui ai.

NEHEMIA 10:32

Kaichi ly saneng tleitleirei khumi leaungrei i tangka kram 5 rei ly Achura yhm i vui pasum ai nai molam y pei talam ai.

NEHEMIA 13:16

Jerusalem mary y awm nai Turu mary i khumi phyreichi ly ngo hawi takhra vawnsaichi ai, kaichi i chengchi teng y anawn kani y jo ai nai syn u bo.

NEHEMIA 13:21

Kai ly nichi teng y, “Nangchi ly khutawi pa-rei mary angam mang y ajeng u teu i py, atyhtyh teu; nangchi vai tlenrei hina nai sa u baly, kai ly nangchi ai khrukhra hai naira kang tym hai iy, kang paryh pawn ai,” napi. Huna khala i dengdairei nichi ly anawn kani y jeu u y bo.

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

JOBA 39:12

Ni ly nang i choh tawn pi iy, talang prang i nai chohpaira tawn pi na a?

SAM 50:7

Mymy ly “Kai i khumichi awi, tangai u; kaimy leu pei ai. Aw Israela chengchi awi, kai ly nangchi ai kang chih ai. Kai ly Tameuh, nangchi i Tameuh ne.

THEU NAI 31:12

Areng my Mosi ai Israela chengchi teng y thui hai nai ly

THEU NAI 31:16

Israela chengchi i vui Anawn kani ly Leu Maikawm sa nai ka-ma-ra ne i, ja ai nai tla.

THEU NAI 34:21

Nangchi ly kani tariurei sala y kalop so u ly saryh kani y ly anawn ai nai tla; li thawn nai neng hawi hlau i amti amjang pakym nai neng khala py, anawn ai nai tla.

THEU NAI 35:2

Nangchi ly kani saryhrei sala y kani tariurei kalop sa pajau; na i py saryh kani ly Kai, Areng i vui khai takhra nai, ja patyp nai kani ne ai nai tla. Huni kani y kalop sa nai khumi ai ly padei ai nai tla.

LEU KACHENG 28:4

Tara leu reita ai tahm khai y nai khumi ly khumi hawi y naichi mang y asa hai naichi ne. Na i py tara leu reita ai tahm khai nai khumi ly huni khumi ai tiu nai khumi ne.

ISAIA 58:13

Areng my, “Nangchi ly Anawn kani ai kani kachai, nanai khai takhra iy, huni kani y amy i vui kamran nga ai nai kalopchi so u y ai nabaly, nangchi ly nangmychi kangai khuleaung chei nai, nangmychi kangai kalop sa nai, ti y baly ati sai py ny y nai leuchi katheu nai, hunichi amkyn iy kai i kani kachai ai tahm khai u ai nabaly,

JEREMIA 17:24

“Kai i leu pei nai bawibawichi tangai u ai nai tla, nanai nichi teng y thui pi. Nichi ly Anawn kani y hini mary apai katheu pa-khochi tako prei iy, mani myn kajichi py tawn ai nai ngo y. Anawn kani ai ly khai takhra nai kani palawn nai teaung patawm iy ati sai py kalop so u y baly,

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 42:19

Hunaibaly kaimy thui pi bi nai ly “Juda pri y awm rai nai nangchi ai, Aikupta pri y chei y ai nai Areng my leu ang pei nai ne.

Ezekiela 20:13

Na i py nichi ly daichi ka-vym y my kai ai amtang u nai ne. Kai i leu pei nai tangai nai ngiereichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Hunai deaungkho y kai ly nichi ai daichi ka-vym y, kai i kado katheu pajeng naira avum hai iy tamyh pawn ai nai adawn vai nai ne.

AMOS 8:5

Nangchi my thui nai ly “Kaichi ly chohpui chomaw jo ai nai ngai; chai nai kani kheih ai nai malawn py ajeng pajau y na bo. Anawn kani ly mana khala y kheih ai mo? Huni kani kheih baly kaichi ly teng y nai takhu teaung hawi, teng y nai sie khyrychi teaung iy vang palyn nai jo ai.

MIKHA 6:3

Areng my, “Kai i khumichi awi, nangchi ly hina tanrei sa tamang u a? Nangchi i tlang tleaung y kai ati kang sa mo? Kai ai pathang pi u.

AMTAW 2:40

Naibaly leu takhra takhra neangneang hawihai palai thui pi i, “vai deung kangthau sa ta-li naichi theung i nai apalawi u,” nanai pachei.

AMTAW 20:21

Judachi hawi Krikchi teng y py Tameuh mang y uikhei nai leu hawi, achi i Areng Isu Krista mang y ym ai nai leu kang thai hai reng nai ly.

KALATIA 5:3

Ne, Reita i leu bawibawi patawm ai nai awm nai keung ne, nanai lengkhym takip hai nai ngierei teng y kang pany hai bi nai he.

EPHESI 4:17

Hunaibaly kai ly huna nai thui iy Areng y kang pany hai nai ne: Cheng Takhrachi i dawn rumrang nai tako nai kamta ly tako u bi moh; nichi i pany naira y ly veng nai ne;

Leu Thui Nai 8:19

Nangchi i Areng Tameuh ai tami vui iy, tameuh takhrachi ai chiu u moh. Huna nai sa lawh baly nangchi ly phra takengkei ai, nanai nangchi teng y vaini kang pany hai nai bo.

I THESALONIKA 4:6

hunira y ly ami py tamang iy amy i amjo amnau i tlang tleaung y atiti hawi y nai so moh sy; ati mana nai mo nabaly Areng ly huni bawibawira y ly vawitheung tha nai keung ne; kaichi py kang thui pi rym iy kang pany hai chum veng bo.