NEHEMIA 13:12 - Khumi Common Language Bible

¹² Hunaibaly Israela cheng bawibawichi ly mymychi i horei y harei talam nai choh, kreip hang hawi olive asituichi ai Achura yhm vawnsai khai nai takunchi mang y syn u bo.

NEHEMIA 13:12 Iomraidhean Croise

2 NENG SATANG 31:4

Huni bo y pathyp pi nai keungchi hawi Levi theaungchi ly Areng i Reita leu pei nai kamta, neng tleirei sa akheng pajau ai nai nichi i aly ngai nai atitichi ly Jerusalem mary i khumichi my syn u ai nai leu pei bo.

2 NENG SATANG 31:5

Leu pei nai thai phai thai baly Israela khumichi ly choh, kreip hang, olive asitui, khawi hang hawi takhra li hlaura i amti amjang athai chuluchi py, nichi teng y awm nai vawnsaichi horei y harei py, syn u nai ne.

NEHEMIA 12:44

Huni neng khala y saneng tleirei amti amjang athai chuluchi hawi, myn man nai thengthaichi horei y harei hawi, takhra talam nai vawnsaichi khaira takunchi kry nai keungchi ai vawi takhra bo. Hini khumichi ly Reita leu pei naira i pany hai nai kamta, pathyp pi nai keungchi hawi Levi theaungchi i vui katalamrachi ai mary katheang kalenchi sahawi i, li hlau tleirei y cheaung ai nai ka-vo sa u.

Levi 27:30

Khaileaung i theu nai amti amjang, ti y baly thengthai horei y harei ly Areng i vui ne.

MALAKHI 3:10

Achura yhm y teicha teinei neangneang awm ai nai, nangchi i horei y harei angym pa-rei syn u. Kai ai cham u cham; hunaibaly kai ly kani pri thaibeng katheuchi paeaung iy, nangchi i tlang tleaung y amtheaung naira neangneang kang leih pi nai nangchi niu u ai.

MALAKHI 3:8

Khumi ly Tameuh ai li-tapawp ngau a?, nanai nangchi ai kang deng ai nai ngai. Hina nai sa ai nai avo y i py, nangchi ly kai ai li-tapawp u nai ne. Nangchi my, ‘Kaichi ly mana kang tapawp u mo?’ nanai thui baly horei y harei talam nai hawi katalamrachi talam nai ngiereichi molam y ne, nanai pathang ai.

Leu Thui Nai 14:22

“Nangchi i li hlauchira i saneng tleirei theu nai amti amjang bawibawi theung i horei y harei khai takhra ai nai tla.