NEHEMIA 12:24 - Khumi Common Language Bible

²⁴ Hashabiah, Sherebiah, Jeshua, Binnui hawi Kamielachi i lu sa nai anui y awm nai Levi theaungchi ly kamkawmchi phy iy, kalop sa u. Nichi ly Tameuh i miseaung Davida my lam patei nai kamta, tlenreira y kamkawm nyh nyhreichi ly Tameuh ai palo naimy kawn nai leu thui u bo.

NEHEMIA 12:24 Iomraidhean Croise

1 ARENG KEH 17:24

Naibaly neampachy my, “Vai, nang ly Tameuh i khumi ne, nanai hawi, Areng ly nang molam y leu ang pei nai bo, nanai py kai, kapany bo,” napi.

1 NENG SATANG 16:4

Israela chengchi i Areng Tameuh i Leu Maikawm Pawm mo y chiu sa nai khala, khulym thui nai, palo naira y lu sa ai nai, Davida ly Levi theaung phyreichi ai khai takhra bo.

2 NENG SATANG 8:14

Ampo Davida my sa pi yb nai reita kamta, samrang ly pathyp pi nai keungchi kani tleirei sa ai nai kalopchi py, Pathyp pi nai keungchi i kalop sa naira y sabawm iy khulym thui u nai Levi theaungchi i kalopchi py, pasym pi yb bo. Tameuh i miseaung Davida my leu pei nai kamta, Achura yhm typ nai tamcheaung risachi py, kani tleirei sa ai nai kalopchi kamkawm phy pi bo.

EZARA 2:40

Pri palara i vawi ali teang nai Levi theaung nupaichi i vuikanai ly: Jesua hawi Kadamiela (Hodaviah i kangpreangchi ne) - 74 Achura yhm i katyn kapau beu naichi (Asah i kangpreangchi ne) - 128 Achura yhm tamcheaungchi (Shalum, Ata, Talamon, Akub, Hatita hawi Shobaichi i kangpreangchi ne) - 139

NEHEMIA 11:17

Zabdi i katu, Mika i chapo Mattniah, ni ly Asap i kangpreang ne. Ni ly kawn nai leu thui nai chiu sa achu khala khulym thui nai, Achura yhm khulym kamkawm ai lu sa nai keung ne. Mattniah i bangtang ly Bakabukiah ne. Kalala i katu, Shammua i chapo Abda, ni ly Jeduthun i kangpreang ne.

NEHEMIA 12:23

Na i py Levi yhm dengtheungchi ai lu sa nai vuikanai ai Eliashib i katu Jonathan i deung ryrei naini, tajiu typ nai recordchi niu khyh nai ne.

NEHEMIA 12:36

Ni i nithun y ly my i nupai Shemaiah, Azarela, Milalai, Kilalai, Maai, Nethanela, Juda hawi Hananichi ly Tameuh i khumi samrang Davida my beu nai katyn kapau ateaungchi syn iy abang u. Reita leu kawp nai Ezara my, hini khumichi amki naira y lu sa.

NEHEMIA 8:7

Naibaly khumichi ly mymychi meingtym i nai ang thau iy angdo u. Hunaibaly nichi teng y Levi theaung Jeshua, Bani, Sherebiah, Jamin, Akub, Shabethai, Hodiah, Maaseiah, Kelita, Azariah, Jozaba, Hanan hawi Pelaiahchi my Reita leu cha-iu i awm nai sai thui pi pachai.

NEHEMIA 9:4

Levi theaungchi i vui sa pi yb nai chang salo y Jeshua, Bani, Kamiela, Shebaniah, Buni, Sherebiah, Bani hawi Khenanichi ly angdo u iy, mymychi i Areng Tameuh teng y aeu naimy chiu sa u bo.

Leu Thui Nai 33:1

Tameuh my vawi takhra nai Mosi ly mymy dei y rai khala, Israela khumichi teng y hina nai kamta, amtheaungra pei nai ne.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 3:17

patiu naira y hawi sum hai naira y hawi, parip naira y hawi, atiti kahawi patiu naira y ly chawn nai ne.

JOSUA 14:6

Kanirei nai khala Juda theaung phyreichi ly Kilakala mary y awm nai Josua teng y tym u bo. Nichi theung i Kenizi cheng jephonneh i chapo Kaleb my Josua teng y, “Kadesabana meingtym y Areng ly mymy i miseaung Mosi teng y, nang hawi kai i molam y leu pei nai nang pany ai.