NEHEMIA 11:3 - Khumi Common Language Bible

³ Takhra mary katheang kalenchira y ly Israela chengchi, pathyp pi nai keungchi, Levi theaungchi, Achura yhm y kalop sa naichi, Solomon i miseaung kangpreangchi ly mymychi sa nai yhmchira y awm u nai ne. Naibaly Jerusalem mary y awm nai Juda pri khu ka-peang miteaung kehchi i amynchi thui pi ai:

NEHEMIA 11:3 Iomraidhean Croise

EZARA 2:1

Pri pala nai chochi ly Jerusalem mary hawi Juda pri, mymychi i saleaung khuteng mang y vawi ai nai Babulon pri i dengdairei theu u bo. Nichi yhm dengtheung bawibawichi ly samrang Nebukhadnezar my langheng hawi nai dengdairei Babulon pri y awm u jo naichi ne.

EZARA 2:43

Pri palara i vawi ali teang iy Achura yhm y kalop sa nai nupaichi ly: Ziha, Hasupha, Tabaoth, Keros, Siaha, Padon, Lebanah, Hakaba, Akub, Hakaba, Shamlai, Hanan, Kidela, Kaha, Reaiah, Rezin, Nekoda, Kazam. Uz, Paseah, Besai, Asnah, Meunim, Nephisim, Bakabu, Hakupha, Harahu, Bazalu, Mehida, Harasha, Barakos, Sisera, Temah, Neziah hawi Hatiphachi ne.

EZARA 2:70

Pathyp pi nai keungchi, Levi theaungchi hawi khumi phyreichi ly Jerusalem mary, ti y baly huni mary sahawi y awm u. Katyn kapau beu naichi, Achura yhm tamcheaung typ nai risachi hawi Achura yhm y kalop sa naichi ly tengpang i marychira y awm u nai ne. Huni bo i Israela chengchi ly mymychi i amsi pajochi awm reng nai marychi mang y chei iy awm u bo.

NEHEMIA 11:20

Huni bo i Israela chengchi, pathyp pi nai keungchi hawi Levi theaungchi ly takhra Juda mary katheang kalenchi theung i, mymychi amtym nai khaileaung meingtymchira y awm u.

NEHEMIA 11:4

Juda cheng theaungchi: Zekhariah i katu, Uziah i chapo Athaiah. Ni i kangpreangchi theung y Juda i chapo Perez i kangpreang Amariah, Shephatiah hawi Mahalalelchi ne.

NEHEMIA 7:39

Pri palara i vawi teang nai pathyp pi nai keungchi i nupaichi ly anui mang i naichi ne. Jedaiah nupai (Jeshua i kangpreangchi) -- 973 Immera nupai -- 1,052 Pashura nupai -- 1,247 Harim nupai -- 1,017

NEHEMIA 7:43

Pri palara i vawi teang nai Levi theaung i nupaichi ly anui mang i naichi ne. Jeshua hawi Kadamiela nupai (Hodaviah i kangpreangchi) -- 74 Achura yhm i katyn kapau beu kawp nai Asaph i kangpreangchi -- 148 Achura yhm tamcheaung typ nai risachi (Shalum, Ata, Talamon, Akub, Hatita hawi Shobai kangpreangchi) -- 138

NEHEMIA 7:46

Pri palara i vawi teang nai theung i, Achura yhm y kalop sa nai nupai amynchi ly anui mang naichi ne. Ziha, Hasupha, Tabaoth, Keros, Sia, Padon, Lebanah, Hakaba, Shalmai, Hanan, Kidela, Kaha, Reaiah, Rezin, Nekoda, Kazam, Uz, Paseah, Besai, Meunim, Nephushesim, Bakabu, Hakupha, Harahu, Bazalith, Mehida, Harasha, Barakos, Sisera, Temah, Neziah hawi Hatipha.

NEHEMIA 7:6

Babulon samrang Nebukhadnezar my langheng hawi nai dengdairei, Babulon pri y awm naira i vawi ali teang naichi ly mymychi i saleaung khuteng Jerusalem mary hawi, Juda pri i mymychi i marychi mang y vawi u nai ne.

NEHEMIA 7:7

Nichi ai lu sa nai keungchi ly Zerubabela, Joshua, Nehemia, Azariah, Raamiah, Nahamani, Moradekai, Bilashan, Misaperet, Bikavai, Nehum hawi Baanachi ne,

NEHEMIA 7:73

Pathyp pi nai keungchi, Levi theaungchi, Achura yhm tamcheaung typ nai risachi, katyn kapau beu kawp naichi, mipui neangneangchi, Achura yhm y kalop sa nai khumichi, napi nai Israela cheng bawibawichi ly mary katheang kalenchira y khuteng chah u nai ne.