NEHEMIA 11:22 - Khumi Common Language Bible

²² Jerusalem mary y awm nai Levi theaungchi ai lu sa nai keung ly Hashabiah i katu, Bani i chapo Uzi ne. Ni i amsi pajochi theung y Mattniah hawi Mika nini abawi. Ni ly Achura yhm y chiu sa nai khala, katyn kapau beu kawp naichi i lu Asap i nupai kangpreang ne.

NEHEMIA 11:22 Iomraidhean Croise

2 SAMUELA 9:12

Mephiboseth ly Mikha napi nai chapo leaungrei awm. Ziba i yhm dengtheung bawibawichi ly Mephiboseth i miseaung lawm u bo.

EZARA 8:19

Iddo hawi ni i ahawi kamkawmchi ly Merari nupai Hashabiah hawi Jeshaia nini ai py, my ni i amjo amnau leaung apomreichi hawi vanrei pato nai ne.

NEHEMIA 11:11

Meshulam i katu, Hilkia i chapo Seraiah. Ni i amsi pajochi theung y Zadok, Meraitho hawi pathyp pi nai keung kalen keh Ahitubchi abawi nai ne.

NEHEMIA 11:14

Hini nupaichi theung y atiu kawp keh nai sorai risa 128 rei awm. Nichi i lu ly yhm dengtheungchira y lu sa nai Zabadiel ne.

NEHEMIA 11:9

Zikhri i chapo Joela ly nichi i lu ne i, Hasenua i chapo Juda ly pa-nyh lu ne.

NEHEMIA 12:42

Nichi i nithun mang y Maaseiah, Shemaiah, Eliaza, Uzi, Jehohanan, Malakhijah, Elam hawi Ezachi abang u; Jezrahiah my lu sa nai khulym kamkawmchi ly tao pajeng parai naimy thui u nai ne.

NEHEMIA 12:46

Jangni khala y samrang Davida hawi katyn kapau beu kawp nai Asap nini deung i dengdairei amteaung nai, Tameuh teng y kawn nai leu thui nai khulym ly katyn kapau beu kawp nai keungchi my lu sa iy, thui u bo.

NEHEMIA 13:13

Kai ly pathyp pi nai keung Shelemiah, reita leu kawp nai Zadok hawi Levi khumi Pedaiah ai, vawnsai kry nai kalop khai takhra bo. Mattaniah i katu, Zakura i chapo Hanan ai ly nichi i bangtang y khai; hinichi ly mymychi hawi vanrei kalop sa ahawi naichi teng y, ka-ym awm parai naimy cha nei vawn paji pi ai, nanai kai ly ym nai ne.

NEHEMIA 3:17

Anui mang i Levi theaungchi ly mary apai sa nai kalopra y sabawm nai khumichi ne Bani i chapo Rehum ly mary apai phyrei ai sa; Keila ka-peang ka-hyhrei ai peang nai keung Hashabiah ly huni bo i ka-hyhrei ai, my i ka-peang jeng y sa.

NEHEMIA 8:7

Naibaly khumichi ly mymychi meingtym i nai ang thau iy angdo u. Hunaibaly nichi teng y Levi theaung Jeshua, Bani, Sherebiah, Jamin, Akub, Shabethai, Hodiah, Maaseiah, Kelita, Azariah, Jozaba, Hanan hawi Pelaiahchi my Reita leu cha-iu i awm nai sai thui pi pachai.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.