NEHEMIA 11:17 - Khumi Common Language Bible

¹⁷ Zabdi i katu, Mika i chapo Mattniah, ni ly Asap i kangpreang ne. Ni ly kawn nai leu thui nai chiu sa achu khala khulym thui nai, Achura yhm khulym kamkawm ai lu sa nai keung ne. Mattniah i bangtang ly Bakabukiah ne. Kalala i katu, Shammua i chapo Abda, ni ly Jeduthun i kangpreang ne.

NEHEMIA 11:17 Iomraidhean Croise

2 SAMUELA 9:12

Mephiboseth ly Mikha napi nai chapo leaungrei awm. Ziba i yhm dengtheung bawibawichi ly Mephiboseth i miseaung lawm u bo.

1 NENG SATANG 16:4

Israela chengchi i Areng Tameuh i Leu Maikawm Pawm mo y chiu sa nai khala, khulym thui nai, palo naira y lu sa ai nai, Davida ly Levi theaung phyreichi ai khai takhra bo.

1 NENG SATANG 16:41

Areng i tamen nai ly deungtasarei ne nai deaungkho y, palo nai khulym hawi mymy ai palo ai nai vawi takhra nai khumi Heman, Jeduthun hawi takhra khumichi py, huni meingtym y pathyp pi nai keungchi hawi vanrei awm u bo.

NEHEMIA 11:16

Achura yhm angam mang y kalop pacheang nai keung Levi theaung miteaung kehchi ly Shabethai hawi Jozaba nini ne.

NEHEMIA 11:18

Levi theaung 284reichi ly Jerusalem mary kachai theung y awm u nai ne.

NEHEMIA 12:24

Hashabiah, Sherebiah, Jeshua, Binnui hawi Kamielachi i lu sa nai anui y awm nai Levi theaungchi ly kamkawmchi phy iy, kalop sa u. Nichi ly Tameuh i miseaung Davida my lam patei nai kamta, tlenreira y kamkawm nyh nyhreichi ly Tameuh ai palo naimy kawn nai leu thui u bo.

NEHEMIA 12:25

Achura yhm y kun nai katheu pa-kho sahawi i vawnsai khai nai takunchira y kalop sa nai Achura yhm typ nai risachi ly Mattniah, Bakukiah, Obadia, Meshulam, Talamon hawi Akubchi ne.

NEHEMIA 12:31

Kai ly Juda luchi ai mary apai salo y angym hai iy mary amki i, Tameuh teng y kawn nai leu thui ai nai kamkawm pui nyhrei ai lu sa hai bo. Angchei kamkawm harei ly anyn angso katheu pa-kho mang y lu amhi naimy, mary apai salo y lamtang ka-mi amki u.

NEHEMIA 12:46

Jangni khala y samrang Davida hawi katyn kapau beu kawp nai Asap nini deung i dengdairei amteaung nai, Tameuh teng y kawn nai leu thui nai khulym ly katyn kapau beu kawp nai keungchi my lu sa iy, thui u bo.

PHILIPI 4:6

Ati sai py paleung bi u moh; ati cheaungkhangra y chiu sa nai hawi hnei nai ly kawn nai leu thui nai abawi iy, nangchi i ngai nairachi ly Tameuh teng y pany hai nai awm sy.