NEHEMIA 10:37 - Khumi Common Language Bible

³⁷ Kaichi saneng tlei tleirei tyn man nai choh chalu hawi sa nai tako dei, takhra katalamra kreip hang, olive asitui hawi thengthai cheaungkhangchi ai, Achura yhm pathyp pi nai keungchi teng y syn pi ai. Li hlau sa nai avangchira y horei y harei talam nai ai cheaung u nai Levi theaungchi teng y kaichi ly kaimychi li hlaura i amti amjang phy ho phyrei syn pi ai.

NEHEMIA 10:37 Iomraidhean Croise

2 NENG SATANG 31:6

Juda marychira y awm nai khumi bawibawichi py, mymychi i si, beram horei y harei hawi talam nai langseaung neangneangchi py syn u iy, Areng teng y talam u bo.

NEHEMIA 13:10

Naibaly Levi theaungchi hawi Achura yhm katyn kapau beu kawp naichi ly teicha teinei ka-leu pa-rei ngo u y nai deaungkho y, mymychi i li hlauchi awm nai mang y vawi u nai satang kathai nai ne.

NEHEMIA 13:12

Hunaibaly Israela cheng bawibawichi ly mymychi i horei y harei talam nai choh, kreip hang hawi olive asituichi ai Achura yhm vawnsai khai nai takunchi mang y syn u bo.

NEHEMIA 13:5

cha nei katalamrachi, mui katuichi, Achura yhm i vui ateaung alangchi, pathyp pi nai keungchi i vui katalamrachi hawi Levi theaung Achura yhm katyn kapau beu nai keungchi, Achura yhm tamcheaung typ nai risachi i vui horei y harei talam nai choh, kreip hang hawi olive asituichi khai ai naini teaung nai takun kalen pui ly Tobiah ai teaung ai nai pei pi nai ne.

NEHEMIA 13:9

Kaimy takunchi ai Reita leaungsai kamta kachai sa hai teang iy, Achura yhm i ateaung alangchi, cha nei katalamrachi hawi mui katuichi pakun ali teang ai nai leu pei bo.

THEU NAI 13:12

nangchi i tapen nai chapo chalu ngierei ly Areng teng y talam u ai nai tla. Nangchi i tawnbawi cho chalu katai ngierei py Areng i vui talam ai nai tla;

THEU NAI 13:2

“Chapo chalu ngierei ly kai i vui khai takhra ai nai tla; Israela chengchi i chapo chalu ngierei hawi tawnbawi cho chuluchi ngiereichi py kai i vui ne,” napi.

Levi 23:17

Yhm dengtheung tleirei tako phi nyhrei syn iy Areng teng y talam patyp ai nai tla. Huna nai talam naira y tako ha harei ai angbo katlen nai tako dei pound palyhrei paawp iy, angchei i chohleng talam nai ly Areng teng y talam ai nai tla.

MALAKHI 3:10

Achura yhm y teicha teinei neangneang awm ai nai, nangchi i horei y harei angym pa-rei syn u. Kai ai cham u cham; hunaibaly kai ly kani pri thaibeng katheuchi paeaung iy, nangchi i tlang tleaung y amtheaung naira neangneang kang leih pi nai nangchi niu u ai.

MALAKHI 3:8

Khumi ly Tameuh ai li-tapawp ngau a?, nanai nangchi ai kang deng ai nai ngai. Hina nai sa ai nai avo y i py, nangchi ly kai ai li-tapawp u nai ne. Nangchi my, ‘Kaichi ly mana kang tapawp u mo?’ nanai thui baly horei y harei talam nai hawi katalamrachi talam nai ngiereichi molam y ne, nanai pathang ai.

Kati Nai 18:15

“Israela chengchi my kai teng y talam nai chapo chalu hawi, tawnbawi cho chaluchi ly nangchi i vui ne. Na i py chapo chalu py ne sy, reita y chai y nai tawnbawi cho chalu py ne sy, tangka hawi atleu teang ai nai tla.

Kati Nai 18:18

Talam patyp naira i amsei hawi lamtang phai ly nangchi i vui phy lawn nai kamta, hunichi i nganbawichi py nangchi i vui ne.

Kati Nai 18:21

Areng my, “Israela chengchi my kai teng y talam nai horei y harei katalamra bawibawichi ly Levi theaungchi teng y kai i awmra Tabynako kry pi nai vang ne.

ROM AVANGCHI TENG Y PAWLA I CHA PA NAI 11:16

Katlen man nai tako kangheang phyrei ly chai nabaly, akawi bom verei ly hunai kamta ne teang; tangjyn py chai nabaly changpichi ly hunai kamta ne teang.

Leu Thui Nai 14:22

“Nangchi i li hlauchira i saneng tleirei theu nai amti amjang bawibawi theung i horei y harei khai takhra ai nai tla.

Leu Thui Nai 18:4

Choh, kreip hang, olive asitui hawi beram muichi theung i angchei phy py amtym ai nai tla.

Leu Thui Nai 26:2

nangchi ly amti amjang chaluchi ai takhu theung y khai iy, chiu nai meingtym harei khyh naira y syn u ai nai tla.