NEHEMIA 10:36 - Khumi Common Language Bible

³⁶ Reita leu pei nai cha-iu theung y dawn hai nai kamta, kaichi ly Tameuh teng y talam ai nai molam y kaimychi i chapo chalu ai py, kaimychi i si, beram, mi-ichi i tapen nai cho chalu ai py, Achura yhm i pathyp pi nai keung teng y syn pi ai.

NEHEMIA 10:36 Iomraidhean Croise

2 NENG SATANG 31:5

Leu pei nai thai phai thai baly Israela khumichi ly choh, kreip hang, olive asitui, khawi hang hawi takhra li hlaura i amti amjang athai chuluchi py, nichi teng y awm nai vawnsaichi horei y harei py, syn u nai ne.

NEHEMIA 12:44

Huni neng khala y saneng tleirei amti amjang athai chuluchi hawi, myn man nai thengthaichi horei y harei hawi, takhra talam nai vawnsaichi khaira takunchi kry nai keungchi ai vawi takhra bo. Hini khumichi ly Reita leu pei naira i pany hai nai kamta, pathyp pi nai keungchi hawi Levi theaungchi i vui katalamrachi ai mary katheang kalenchi sahawi i, li hlau tleirei y cheaung ai nai ka-vo sa u.

NEHEMIA 13:5

cha nei katalamrachi, mui katuichi, Achura yhm i vui ateaung alangchi, pathyp pi nai keungchi i vui katalamrachi hawi Levi theaung Achura yhm katyn kapau beu nai keungchi, Achura yhm tamcheaung typ nai risachi i vui horei y harei talam nai choh, kreip hang hawi olive asituichi khai ai naini teaung nai takun kalen pui ly Tobiah ai teaung ai nai pei pi nai ne.

THEU NAI 13:2

“Chapo chalu ngierei ly kai i vui khai takhra ai nai tla; Israela chengchi i chapo chalu ngierei hawi tawnbawi cho chuluchi ngiereichi py kai i vui ne,” napi.

THEU NAI 23:19

“Saneng tleirei nang i li hlauchira i amti amjang chaluchi ly nang i Areng Tameuh i yhm y tym hai iy talam ai nai tla. “Beram cho, ti y baly mi-i cho ai ly amhm i kanutui hawi byh ai nai tlo y.

THEU NAI 34:19

Chapo chalu, tawnbawi cho chalu ly kai i vui ne.

MALAKHI 3:10

Achura yhm y teicha teinei neangneang awm ai nai, nangchi i horei y harei angym pa-rei syn u. Kai ai cham u cham; hunaibaly kai ly kani pri thaibeng katheuchi paeaung iy, nangchi i tlang tleaung y amtheaung naira neangneang kang leih pi nai nangchi niu u ai.

KALATIA 6:6

Naibaly leu amtiu ai nga nai keungchi ly atiti kahawi bawibawi patiu nai keung teng y pei u vawitheung teang sy.

Leu Thui Nai 12:6

Nangchi ly huni meingtym y leng patlum nai kapathypra hawi takhra kapathypra tawnbawichi, horei y harei hawi katalamrachi, Areng teng y adeu nai katalamrachi, paleung kangai talam naichi, nangchi i si hawi beram cho chaluchi, hunichi ai Areng teng y talam ai nai tla.