NEHEMIA 1:7 - Khumi Common Language Bible

⁷ Kaichi ly nang i tlang tleaung y hawi y keh nai kamngo kasa u; nang i leu pei naichi katangai u y; nang i miseaung Mosi i dengdairei Reita leu pei naichi patawm u y bo.

NEHEMIA 1:7 Iomraidhean Croise

1 ARENG KEH 2:3

nang i Areng Tameuh my leu pei nai kamta so; Mosi i reita cha-iura y tajiu nai kamta, mymy i reitachi hawi leu pei nai ngiereichi tangai ba. Hunaibaly nang i sa naira tleirei y hawi, chei naira tleirei y eaung ai.

2 NENG SATANG 25:4

Na i py nichi i cho chanauchi ai ly “Cho chanauchi i sa nai kamngo molam amhm ampo ai padei moh; amhm ampochi i sa nai kamngo molam y cho chanauchi ai padei moh,” nanai Mosi i reitara awm nai Areng i Reita kamta padei y nai ne.

2 NENG SATANG 27:2

Ni ly ampo kamta Areng i mei ka-niu y kahawichi sa. Na i py ni ly ampo kamta Achura yhm theung kun iy kamngo so y leang. Khumi mipuichi naini kamngo sa kari sa u nai ne.

EZARA 7:6

Ezara ly Israela chengchi i Areng Tameuh my Mosi teng y pei nai Reita leu angym pa-rei kawp nai khumi kacheng ne. Ezara ly my i Areng Tameuh teng i amtheaung naira nga nai khumi ne nai deaungkho y, samrang ly ni i hnei nai ngiereichi pei pi nai ne. Ezara ly pathyp pi nai keungchi, Levi theaungchi, Achura yhm katyn kapau beu kawp naichi, Achura yhm tamcheaungchi hawi kalop sa naira y abawi nai Israela chengchi hawi vanrei, empara samrang Artazeret my peang nai saryh saneng y Babulon mary i dengdairei Jerusalem mary y jeu nai ne.

SAM 106:6

Kaichi ly amsi pajochi kamta, kamngo sa u; khumi aso y nai kasa u bo.

SAM 89:31

nichi ly kai i leu pacheang naichi ai dawndan y iy, kai i reita leu pei naichi ai patawm y lawh baly,

SAM 89:32

kai ly nichi i kamngo sa nai molam y pajeng ai; kai ly nichi i sa tamang nai molam y kapajeng ai.

ISAIA 1:4

Nangchi kamngo sa nai khumichi awi, sa tamang reng nai khumi kamngochi awi! nangchi ly taham si u bo. Nangchi ai ly kamngo mynji my ang ti cheng na lawh bo ly! Israela chengchi i chai parai nai Areng Tameuh ai khai su iy, mymy ai nithun thun u vui bo.

DANIELA 9:11

Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

HOSEA 9:9

Nichi ly Kibeahmary y awm nai kamta, khri pa-rei sa tamang u nai ne. Tameuh ly nichi i kamngo pany pi jo iy, huni molam pajeng ai.

Levi 27:34

Hini ly Areng my Sinai mawi salo y Mosi dengdairei, Israela chengchi teng y pei nai reitachi ne.

ZEPHANIAH 3:7

Huni neng khala kai i khumichi ly kai ai jei kaji naimy tahm khai iy, kai i pei nai reita tanga u ai, nanai py, kai i parip naichi ai mana khala py tami u ai ny y, nanai py kai athang khai. Na i py nichi ly avaw avawrei, hawi y nai kalop ai sa tleaung sa u ra nai ne.

MALAKHI 4:4

“Kai i miseaung Mosi i reita leuchi ai py, Israela chengchi tangai u ai nai Sinai Mawi salo y ni teng y kaimy pei nai Reita leaungsaichi hawi reita tanynchi py, pany u jo ba.

Leu Thui Nai 4:1

Naibaly Mosi my Israela chengchi teng y, “Nangchi teng y kaimy kang pei nai reita leu pei nai bawibawichi tangai baly heng hawi ai; naibaly nangchi amsi pajochi i Areng Tameuh my pei nai pri y peang ai iy, hu y awm ai nai nga u ai.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.

Leu Thui Nai 5:1

Mosi ly Israela cheng bawibawichi ai palau achu iy nichi teng y, “Israela khumichi awi, vaini nangchi teng y kaimy kang pei nai reita bawibawichi tangai u. Huni reitachi tangai ai nai dawn u patyp.

Leu Thui Nai 6:1

“Hini ly nangchi ai patiu pi ai nai nangchi i Areng Tameuh my kai tang y ang pei nai reita leu pei nai bawibawichi ne. Nangchi peang ai nai pri y hini reitachi tangai iy patawm u.

AMTENG HAI NAI 19:2

mymy i tara chih nai ngierei ly teng py teng, hawi py hawi; mymy ly neampchy kamleaung keh nai, ni i angai naira deaungkho y khaileaung pri ai kalu piupa nai keung ai ly tara chih iy, ni i kiu y mymy i miseaungchi i thi kavui y vawitheung tha pi bo,” napi nai kathai.