NEHEMIA 1:5 - Khumi Common Language Bible

⁵ Tameuh teng y, “Aw kani pri mang y awm nai Areng Tameuh! Nang ly tahm asang nai deaungkho y kaichi ly jei kaji naimy tahm kang khai u nai ne; nang ly nangmy ai tamen iy leu pei nai tangai nai khumichi hawi leu maikawm asa nai khaw hai bo.

NEHEMIA 1:5 Iomraidhean Croise

1 ARENG KEH 8:23

“Aw Israela chengchi i Areng Tameuh, kani mang y py, khaileaung y py, nang hawi atawm nai tameuh ly by y; nang i khumichi ly nang i leu ai paleung hawi verei tangai nai khala y, nang ly nichi hawi asa nai Leu Maikawm ai khaw hai iy, nang i pahen nai patei pi ba.

1 NENG SATANG 17:21

Khaileaung pri y Israela chengchi hawi atawm nai khumi cheng by y. Nichi ly nangmy i khumichi lawm ai nai miseaung i nai atleu pi bo. Nichi i vui nang i sa pi nai atitichi molam y, amyn amthang nai ly khaileaung pri verei y ahei nai ne. Nang ly nangmy i khumichi ai Aikupta pri i dengdairei atleu iy, nichi theu u nai khala, cheng takhra khumichi ai paryh pawn bo.

EZARA 1:2

Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

NEHEMIA 2:4

Empara samrang my, “Ati amjy hnei ai nai ngai mo?,” nanai deng. Kai ly kani pri mang y awm nai Tameuh teng y chiu kasa chum baly,

NEHEMIA 4:14

Kai ly mipuichi paleung bi paleung mawn nai sai kaniu i, nichi hawi vanrei, nichi i miteaung kehchi hawi peang nai keungchi teng y, “Achi i paleung ka-echi ai jei u moh; Areng ly nang parai nai hawi ka-jei hawi parai, nanai pany u ly nangchi i amjo amnau, aju chanau, yhm hlauchi i vui atiu u,” napi.

NEHEMIA 4:8

Hunai deaungkho y nichi ly Jerusalem mary y tiu iy mary i khumichi ahei phrophra na pa-rei sa ai nai arum u bo;

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

SAM 47:2

Tahm asang parai nai Areng ly ka-jei hawi parai; mymy ly khaileaung pri verei y peang nai, nang parai nai samrang ne.

SAM 76:8

Nang ly nangmy i tara chih nai sai ai kani pri mang dengdairei thai hai bo.

SAM 89:2

Nang i tamen naira ly deungtasa khaw iy, ka-ym awm nai py kani khusang kamta khaw, nanai kai pany bo.

SAM 89:3

Nangmy ly “Kaimy vawi takhra nai khumi hawi Leu Maikawm asa bo; kai i miseaung Davida teng y,

SAM 89:8

Ati cheaungkhang sa thai nai keung Areng Tameuh, nang kamta phum-ang len parai nai ly by y; aw Areng, nang ly cheaungkhangra y ka-ym awm nai ne.

THEU NAI 20:6

Na i py kai ai tamen iy kai i reita patawm nai khumichi ai ly deung kangthau sang ho khrairei katamen ai.

Leu Thui Nai 7:12

“Nangchi ly hini leu pei naichi ai ka-ym awm parai naimy tangai u baly, nangchi i Areng Tameuh my nangchi i amsi pajochi teng y adeu nai kamta, Leu Maikawm ai khaw hai jojo ai i, mymy i khaw parai nai tamen nai sai py patei ai.

Leu Thui Nai 7:21

Hunai deaungkho y hini khumichi ai jei u moh. Nangchi i Areng Tameuh ly nangchi hawi vanrei awm; mymy ly sa thai naira len iy ka-jei hawi nai Tameuh ne.

Leu Thui Nai 7:9

Nangchi i Areng Tameuh naini Tameuh tatang ne; mymy ly ka-ym awm nai keung ne, nanai pany u. Areng ly mymy ai tamen iy leu pei naichi tangai nai khumichi ai, deung kangthau sang neangneang khrairei, mymy i Leu Maikawm khaw hai iy, nichi teng y tamen naira patei pi jojo ai.