NEHEMIA 1:3 - Khumi Common Language Bible

³ Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

NEHEMIA 1:3 Iomraidhean Croise

1 ARENG KEH 9:7

kai ly kai i khumi Israela chengchi ai kaimy pei nai hini pri i dengdairei patheu vui ai. Kai ai chiu ai nai i vui y khai takhra nai hini Achura Yhm ai py nyn va vui ai. Huna nai khala y meingtym tleirei i khumichi ly Israela chengchi ai thui tamawn naimy panui hai ai.

2 ARENG KEH 25:10

Ni i tavaimi risachi ly mary apai panawi u.

2 NENG SATANG 36:19

Ni ly Achura yhm hawi mary ai mai leng iy, Jerusalem mary apaichi py taphra bo. Samrang yhmchi hawi vang kateng vawnsaichi hawi vanrei, mai leng pawn nai ne.

EZARA 2:1

Pri pala nai chochi ly Jerusalem mary hawi Juda pri, mymychi i saleaung khuteng mang y vawi ai nai Babulon pri i dengdairei theu u bo. Nichi yhm dengtheung bawibawichi ly samrang Nebukhadnezar my langheng hawi nai dengdairei Babulon pri y awm u jo naichi ne.

EZARA 5:8

“Kaichi ly Juda pri y kachei u i, nang parai nai Tameuh i Achura yhm ly lengseaung puichi hawi sa iy lengseaung dengpangchi salo y dengkeaung tapang pakau naimy sa nai kaniu u bo, nanai samrang nang teng y kang pany hai nai ne. Kalop sa nai sai atyp parai nai deaungkho y amcheang u.

NEHEMIA 11:3

Takhra mary katheang kalenchira y ly Israela chengchi, pathyp pi nai keungchi, Levi theaungchi, Achura yhm y kalop sa naichi, Solomon i miseaung kangpreangchi ly mymychi sa nai yhmchira y awm u nai ne. Naibaly Jerusalem mary y awm nai Juda pri khu ka-peang miteaung kehchi i amynchi thui pi ai:

NEHEMIA 2:13

Kaichi ly nidym leaunghawi katheu pa-kho mang theu iy, tokalawi naka tui sampum tako prei i, anyn angso aphi nai katheu pa-kho ryrei katako u; huna khala khutawi y leang rai. Kai ly hina nai kamta tako i, anawi seaungkhrang nai apaichi hawi, mai my kang iy phra nai mary katheuchi ai kakhen bo.

NEHEMIA 2:17

Na i py vai kai ly nichi teng y, “Jerusalem mary ly phra seaungkhrang bo i, mary apaichi py atlym pawn nai deaungkho y, achi mana tanrei rai naira avum mo, nanai nangchi pany u bo; achi kangji ngo bi y ai nai mary apaichi palum u teang sina,” nanai thui pi.

NEHEMIA 2:3

“Samrang nang ly deungtasarei heng sau na sy; kai i amsichi ai up nai mary ly phra seaungkhrang bo i, mary apaichi py mai y kang pawn nai deaungkho y, kai ly mana nai meimai kahawi awm pajau ai mo?” kanapi.

NEHEMIA 7:6

Babulon samrang Nebukhadnezar my langheng hawi nai dengdairei, Babulon pri y awm naira i vawi ali teang naichi ly mymychi i saleaung khuteng Jerusalem mary hawi, Juda pri i mymychi i marychi mang y vawi u nai ne.

ESTHER 1:1

Samrang Ahasuru ly Pasia pri Susa mary pui samrang i atehra bailang tleaung y ateh iy, India pri dengdairei Ethiopia pri tym pa-rei, pri khu ka-peang 127 reichi ai peang nai ne.

SAM 79:4

Tengpang sahawi y awm nai prichi my ly panui hai iy thui preaung u nai ne.

LEU KACHENG 25:28

Amy i kado theu nai ai am-yh pajau y nai khumi ly mary apai by y nai deaungkho y, daihaulau nai mary hawi atawm nai ne.

ISAIA 43:28

Nangchi i samrangchi ly kai i Achura yhm y chai hai ynai ne. Hunai deaungkho y kai ly Israela pri ai phra hai iy, kai i khumichi ai kangji nga hai bo,” napi.

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 39:8

Huna nai thym khala y Babulon chengchi ly samrang i yhm hawi khumichi ai mai leng iy, Jerusalem mary apaichi panawi u bo.

JEREMIA 42:18

“Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

JEREMIA 5:10

Kai ly paleung ka-echi ai kapato iy, nichi i kreip akhochi taphra hai ai. Na i py kreip keungchi myh pa-rei ly taphra hai ai ny y. Kreip changpichi ly kaimy peang y nai deaungkho y, hunichi ateng pawn ai nai paleung ka-echi teng y kaimy leu pei ai.

JEREMIA 52:14

Ni i risachi my py mary apaichi panawi u bo.

TANGAM NAI LEU 1:7

Vai ly phra vui bo i, ahawi by y leang bo. Jerusalem mary ly jangni deung y, my i apu nai saichi ai aawi ali teang nai ne. Paleung ka-echi i kiu tleaung y tym nai thym khala, ni ai sabawm ai nai khumi leaungrei py by y. Ni ai tiu i pajau nai khumichi ly ni i jy nai sai ai panui pachem hai bo.

TANGAM NAI LEU 2:9

Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

TANGAM NAI LEU 3:61

“Nang ly nichi my kai ai mei aniu y nai sa naichi thai iy, Aw Areng, nang ly nichi i kangviu y dawn tau nai bawibawichi py pany pi se.

TANGAM NAI LEU 5:1

Aw Areng, kaichi teng y tym naichi ly ati mana nai leaungsaichi mo, nanai pany pi jo kyh ba. Kaichi ai khen kyh ly kaichi i tahm anem nai sai niu pi kyh ba.

Levi 26:31

nangchi i marychi kataphra pawn iy nangchi i chiu nai meingtymchi py phra hai ai. Nangchi i kapathyprachi py kang kawn pi ai ny y.

Levi 26:33

Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.