NEHEMIA 1:2 - Khumi Common Language Bible

² Kai i amjo amnau Hanani hawi, khumi kamkawm harei ly Juda pri i nai tym u; naibaly kai ly nichi teng y pri pala nai chochi Babulon pri i dengdairei tym u ali teang nai Juda amjo amnauchi hawi, Jerusalem mary i satang deng nai ne.

NEHEMIA 1:2 Iomraidhean Croise

ATITI AWM ANGCHEI NAI 14:10

Huni leaunghawi theung y ly angawmchi, ketara humchi khri pa-rei awm nai deaungkho y Komora samrang hawi Sodom samrang ly tavai atiu nai thym khala y angpreng hawi vui i, huni angawm theung y tla hawi mei bo; na i py samrang leaung thomrei ly mawi mang y angpreng u i tleaung u nai ne.

2 ARENG KEH 24:14

Nebukhadnezar ly Jerusalem mary i khumichi, samrang i cho chanauchi hawi lu sa nai keung ngiereichi, khumi bawibawi leaung 10,000reichi ai patiu iy langheng hawi nai ne. Ni ly khumi kamawn kateuchi ai naini Juda pri y daw su iy, tami thip kawp naichi hawi kalop kawp keh naichi ai ly hawi pawn bo.

2 ARENG KEH 25:12

Na i py khumi kamawn phyreichi ai ly Juda pri y kreip akhochi hawi li, hlauchira y kalop sa ai nai daw jo bo.

EZARA 9:14

Kaichi ly nang i reita leu pei naichi tangai y bi naimy, hini amso ngai nai khumichi hawi apom lawh bi baly, nang ly kaichi i tlang tleaung y khri pa-rei kado theu hai iy, leaungrei py tleaung y pa-rei tamyh vui ai ny y a?

NEHEMIA 7:2

Naibaly kai ly Jerusalem mary y peang ai nai kaimy i amjo amnau Hanani hawi yhm ka-sang kry nai keung Hananiah nini teng y kalop au nai ne. Hananiah ly ka-ym awm nai khumi, Tameuh ai khri pa-rei jei kaji nai khumi ne.

JEREMIA 44:14

Aikupta pri y awm ai nai Juda pri i dengdairei theu u nai khumichi theung i ami py, huni ka-jeira i nai tleaung u ai ny y. Dei y nai ami py awm ai ny y. Nangmychi awm ali teang ai nai athang khai naimy kadeaung nai Juda pri y, nichi leaungrei py vawi u ali teang ai ny y. Ngari kamtang avum nai khumi phyrei ny y baly, ami py vawi ali teang ai ny y,” napi.

Ezekiela 6:9

Nichi ly huni meingtym y pri palara avum nai khumi kamta awm u ai. Huna nai khala law tleaung nai khumichi ly kai ai pany u ai. Mymychi i ka-ym by y nai paleung hawi kai ai khai su iy, mynchi ai kai tleaung y paleung bie u keh nai deaungkho y, kai ly mana tanrei paleung si na mo, nanai pany u ai. Hunaibaly mymychi i sa nai hawi y naichi molam y mymychi naimy apaso u ai.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.