NEHEMIA 1:11 - Khumi Common Language Bible

¹¹ Kai i chiu sa nai py, nang ai tahm khai nai nang i miseaungchi i chiu sa nai ai py, tangai pi kyh ba; vaini kai ai eaung ai nai pei ba. Empara samrang my kai i tlang tleaung y pahen ai nai ka-dawn so pi ba,” nanai kai ly chiu kasa. Huni neng khala y kai ly empara samrang teng y kreip hang talam pi nai keung ne.

NEHEMIA 1:11 Iomraidhean Croise

ATITI AWM ANGCHEI NAI 24:42

Vaini kai tuikan y tym nai kha y, ‘Kai ly kai i yhmkeung Abraham i Areng Tameuh, kai i sa naira ai eaung naira pei kyh ba.

ATITI AWM ANGCHEI NAI 32:11

Kai i amjo Esaw teng i nai kai ai atleu kyh ba, kai ly khri pa-rei paleung mawn na bo. Deaungdichi hawi neampachychi ai py, kaichi bawibawi ai py ang tiu iy ang padei pawn ai nai ni ly ang jeu nai bo.

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

ATITI AWM ANGCHEI NAI 40:1

Neng kra kyh nai bo y Aikupta pri i samrang ai kreip athai hang talam pi nai keung hawi, biu an amsi pi nai keung nini ai ly samrang my kado theu hai bo.

ATITI AWM ANGCHEI NAI 40:2

Samrang ly nini i tlang tleaung khri pa-rei kado theu nai ne.

ATITI AWM ANGCHEI NAI 40:21

Samrang ly kreip athai hang talam pi nai keung ai ly mymy i sa reng nai angchei i kalop au teang.

ATITI AWM ANGCHEI NAI 40:23

Na i py kreip athai hang talam pi nai keung my ly Josepha ai dawn y i, tami veng nai ne.

ATITI AWM ANGCHEI NAI 41:9

Huna nai khala kreip athai hang talam pi nai keung ly samrang teng y, “Kai ly nang teng y amti pi ai nai sairei dawnhi nai molam y pahen kyh ba.

ATITI AWM ANGCHEI NAI 43:14

Benjamin hawi Simeon nini ai ang pei teang ai nai, ati cheaungkhang sa thai nai keung Tameuh my huni khumi i paleung ai py so pi sy; nangchi i amjo hawi Benjamin ai py vawi hai teang ai nai ang pei ai mang. Kai i chapochi tama lawh teu i py tamo teu jau sy,” napi.

2 NENG SATANG 6:40

“Aw kai i Tameuh, vai kaichi ai khen iy, hini meingtym y chiu sa naichi tangai pi kyh ba.

EZARA 1:1

Pasia samrang Kuru ly empara samrang lawm nai angchei i saneng y, Areng ly ni i paleung y pacheang nai deaungkho y, empara pri verei y satang ahei hai ai nai cha patheu bo. Hina nai sa nai ly amo Jeremia molam y Areng my amteng hai nai hawi vanrei atiti tym hai ai nai ne.

EZARA 7:6

Ezara ly Israela chengchi i Areng Tameuh my Mosi teng y pei nai Reita leu angym pa-rei kawp nai khumi kacheng ne. Ezara ly my i Areng Tameuh teng i amtheaung naira nga nai khumi ne nai deaungkho y, samrang ly ni i hnei nai ngiereichi pei pi nai ne. Ezara ly pathyp pi nai keungchi, Levi theaungchi, Achura yhm katyn kapau beu kawp naichi, Achura yhm tamcheaungchi hawi kalop sa naira y abawi nai Israela chengchi hawi vanrei, empara samrang Artazeret my peang nai saryh saneng y Babulon mary i dengdairei Jerusalem mary y jeu nai ne.

NEHEMIA 1:6

Aw Areng, kaichi ai khen ly nang i miseaung Israela chengchi i vui, vum kanithun kai i chiu sa hnei takeng nai tangai pi kyh ba. Israela chengchi ne nai kaichi ly kamngo sa tamang nai khumichi ne, nanai kai my ahui bo. Kaichi i amsi pajochi hawi kai ly kamngo sa bo.

NEHEMIA 2:1

Lo palyhrei khei nai bo y kanirei nai khala, empara samrang Artazeret biu oh nai thym y, kai ly ni teng y chei iy kreip hang talam pi nai ne. Samrang ly kai i meimai hawi y nai mana khala py niu vai y nai deaungkho y,

NEHEMIA 2:8

Achura yhm angdeangra apai katheuchi, mary apaichi hawi kaimy awm ai nai yhm i vui py, dengkeaung pei ai nai samrang i daichi peang nai keung Asaph teng y cha patheu pi ai nai takeng. Tameuh ly kai hawi vanrei awm nai deaungkho y, empara samrang ly kai i hnei nai bawibawichi ang pei.

SAM 106:46

Mymy ly nichi ai ana patang hai nai khumichi i paleung theung y pahen thai nai ka-dawn pakun pi bo.

SAM 130:2

Aw Areng, kai i aeu nai raawi tangai pi kyh ba; sabawmra nga ai nai kai i takeng nai raawi tangai pi kyh ba!

SAM 61:5

Aw Tameuh, nang ly kai i adeu nai leu ai tangai pi bo; mymy i nang parai nai sai ai palo u nai khumi teng y, pei pi nai yhmtheaung katui ly kai ai pei ba.

SAM 86:6

Aw Areng, kai i chiu sa nai tangai pi kyh ba; sabawm naira nga ai nai kai i aeu nai raawi thai pi kyh ba.

LEU KACHENG 1:29

Nangchi ly tau cheng naira ai mana khala py, ngai nai paleung by y; Areng i leu ai mana khala py tangai u vai y.

LEU KACHENG 21:1

Areng ly tavo micheaung tui leaung nai ai paka nai kamta, samrang i paleung ai rai y naimy peang nai ne.

JEREMIA 42:12

Ati mana nai mo nabaly kai ly nangchi i tlang tleaung y pahen nai deaungkho y, ni my nangchi ai ang pahen ai i, nangmychi i pri y vawi hai ali teang ai. Hini ly kai, Areng i thui nai leu ne,” napi.

MALAKHI 3:16

Naibaly Areng ai jei kaji naimy tahm khai nai khumichi, mychi tengtawi arum u nai leuchi ai Areng ly tangai nai deaungkho y thai bo. Areng ly mymy ai jei kaji naimy tahm khai nai khumichi i amynchi ai, mymy mo i cha-iura y tajiu typ bo.

HEBRAI 13:18

Kaichi i vui chiu so pi kyh; kaichi ly cheaungkhangra y hawihai palai awm ai nai tau iy, hawi nai hawi y nai pany naira chai parai nai ly awm, nanai kaichi ly teng khyp naimy apany bo.