NAHUM 3:5 - Khumi Common Language Bible

⁵ Ati cheaungkhang sa thai nai Areng my, “Aw Ninevi mary, kai ly nang ai kang pajeng ai! Tlang ka-keu awm hai iy, khumi cheaungkhangchi ai khen ai nai pei ai. Nang i kangji nga nai ly prichi my niu u ai.

NAHUM 3:5 Iomraidhean Croise

JEREMIA 13:22

Nangchi my, “Hini atitichi ly ati mana nai deaungkho y tym nai mo? Kaichi i ateaungchi ly ati mana nai y aseih pawn lawh mo? Kaichi ly ati mana nai khrukhra hai nairachi avum nai mo?” nanai deng u lawh baly, “Nangchi i kamngo ly ka-jeira hawi parai nai deaungkho y ne,” nanai pathang ai nai tla.

JEREMIA 13:26

Areng mymy kypkyp my, nangchi i ateaungchi ang lei pawn iy, nangchi ai kangji nga hai ai.

JEREMIA 50:31

“Aw Babulon mary, nang ly amlyh am-e naira y kyh chawn nai deaungkho y, ati cheaungkhang sa thai nai keung Tameuh, kai Areng ly nang ai ka-awi sa ai! Nang ai kaimy pajeng ai nai neng kani ly tym bo.

Ezekiela 16:37

Hina nai molam y kai ly nang i paleung abie nai, nang i khrei nai khumichi ai angym hai chum baly, nang i paleung bie nai hawi niu ngai y nai bawibawichi ai angym hai iy, nang ai taki teungtareung hai ai. Naibaly nang i ateaungchi aleng hai iy nang i tlang ka-keu awm nai patei ai.

Ezekiela 21:3

Khumichi teng y kai, Areng ly nangchi i paleung ka-e ne, nanai py, kaimy i haisau aphiu iy nangchi bawibawi ai khumi hawi nai, hawi y nai py patleh y naimy, tamyh pawn ai nanai py,

Ezekiela 23:25

Kai ly mei angai y i, kado theu nai deaungkho y nang ai kado katheu hawimy tara chih ai nai nichi teng y kapei ai. Nichi ly nang i notareang hawi kanochi seithlau iy cho chanauchi ai haisau y tleh ai. Nang i cho chanauchi ai ly hawi u pawn iy, kangheng tang naimy mai y leng angchi khyp ai.

Ezekiela 23:29

Nichi ly nang ai niu ngai y i, nang i pateung achu nai vawnsai ngiereichi la vui iy, nang ai tlang ka-keu naimy ang khai u su ai. Nang ai tlang ka-keu naimy awm nai bima kamta lawm hai ai. Nang ly kamleaung paleung awm nai hawi bima kalop sa nai deaungkho y,

Ezekiela 26:3

“Huna nai y vai sa thai naira angym nai kai, Areng my leu pei nai ly nang, Turu mary awi, kai ly nang i paleung ka-e ne. Nang ai tiu ai nai khumi cheng cheaungkhangchi ai kaimy kang hawi ai. Nichi ly pangli tui sampyhchi kamta, nang i awm naira mang y ang tym u ai.

MIKHA 1:11

Saphir mary i khumichi awi, tlang ka-keu naimy kangji nga u iy, langheng hawi nai avum u. Zaanan mary i khumichi ly mary angam mang y theu u vam y. Bethezela mary i khumichi vo nai raawi nangchi thai nai khala, huni mary theung y abyh ai nai ngo y, nanai pany ai.

NAHUM 2:13

Ati cheaungkhang sa thai nai Areng my, “Kai ly nang i paleung ka-e ne. Nang i ka-richi mai y leng pawn ai. Nang i tavaimi risachi ly tavai keung y dei u ai. Amichi teng i nangchi my lawm vui nai vawnsai ngiereichi ai, kaimy taphra vui ai. Nang i savaichi hnei nai raawi thai u ai ny y leang bo,” napi.

HABAKKUK 2:16

Nangchi ly tahm awm ai nai tleaung y, kangji nga ai nai neng tym ai. Nangmychi kypkyp py, neicha iy pavui tapai u ai. Areng ly nangchi ai kamngo pajeng nai khau nei hai ali teang iy, nangchi i tahm awm nai ai ly kangji nga nai mang y tym hai ai.