NAHUM 3:1 - Khumi Common Language Bible

¹ Tiu lawm nai avum ai nai, nang chawn nai mary, li-tapawp iy khumi ai padei reng nai mary ly taham si.

NAHUM 3:1 Iomraidhean Croise

SAM 62:10

Khrukhra naira ai a-ym u moh; lawm nai kalop hawi ly hawi naira nga ai, nanai athang khai u moh; nangchi i yhmtheaung katuichi ly peung hai teu i py, hunichi ai a-ym u moh.

ISAIA 17:14

Nichi ly khumichi ai dym tengsa neng khala jei hyn hai teu i py, khutawi en neng khala ly by y leang bo. Hini ly kaichi pri y tiu nai khumichi i khym taham ne.

ISAIA 24:9

Nichi ly kreip hang nei iy khulymchi thui u y leang bo. Ami py kreip hang i hawi nai sai avum u y leang bo.

ISAIA 42:24

Ami nai ly Israela chengchi ai, tiu lawm nai khumichi kiu y au lawh mo? Ni ly achi my tamang nai Areng ne na a! Achi ly mymy i ngai nai kamta awm u y. Mymy i leu pei naichi py tangai u y.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

NAHUM 2:12

Khrangsi ly mawi kei chum baly khrangsinu hawi chochi i vui, keibaw keibaw iy, huni mawi akawichi hawi, mawi tapiu y kawi mang hai reng nai ne.

NAHUM 2:13

Ati cheaungkhang sa thai nai Areng my, “Kai ly nang i paleung ka-e ne. Nang i ka-richi mai y leng pawn ai. Nang i tavaimi risachi ly tavai keung y dei u ai. Amichi teng i nangchi my lawm vui nai vawnsai ngiereichi ai, kaimy taphra vui ai. Nang i savaichi hnei nai raawi thai u ai ny y leang bo,” napi.

HABAKKUK 2:12

Nangchi ly taham si u! Nangchi ly reita taphrara y sangum pala i, khumi ai padei iy mary sa bo.