NAHUM 1:7 - Khumi Common Language Bible

⁷ Areng ly hawi, mymy i khumichi patang naira avum nai khala, ama hai bo. Mymy teng y abyh nai khumichi ai kry.

NAHUM 1:7 Iomraidhean Croise

1 NENG SATANG 16:34

Areng ly hawi nai deaungkho y, kawn naimy palo u. Mymy i tamen nai ly deungtasarei ne.

1 NENG SATANG 5:20

Huna nai khala nichi ly Tameuh ai ym i, sabawm ai nai chiu sa u. Tameuh my py pathang pi nai deaungkho y, nichi ly Hakara theaungchi hawi nichi ai sabawm nai tavaimichi ai eaung vui bo.

2 NENG SATANG 13:18

Juda chengchi ly mymychi i Areng Tameuh ai ym u nai deaungkho y Israela chengchi tlang tleaung y eaung naira nga u nai ne.

2 NENG SATANG 32:11

Hezekia my nangchi i Areng Tameuh ly nangchi ai kai i kiu tleaung i nai atleu ai, nanai thui bo. Na i py Hezekia ly nangchi kajeu ka-lam y dei u tliu ai nai parawi hyp nai leu teu.

2 NENG SATANG 32:21

Areng ly kani pri amtaw thau ai pato iy, Asuria tavaimi risachi hawi tavai luchi ai padei hai nai ne. Naibaly empara samrang ly kangji nga naimy Asuria pri mang y vawi bo. Kanirei nai khala y ni ly my i tameuh achura yhm y awm nai thym khala, chapo phyreichi my ni ai haisau hawi tleh u bo.

2 NENG SATANG 32:8

Ni mang y khumichi i sa thai naira naini awm khyh; achi mang y ly ang sabawm iy achi i tavai atiu naira y abawi nai achi i Areng Tameuh awm,” napi. Hina nai samrang i leu deaungkho y, khumichi ly atho nga u bo.

EZARA 3:11

Nichi my Areng ai palo u nai ly “Areng ly hawi, mymy i tamen naira ly Israela chengchi i vui deungtasarei ne,” nanai khulym thui anawira anawira iy Areng ai palo u. Achura yhm leng amteaung chum nai deaungkho y khumi bawibawichi ly Areng ai aeu naimy palo u nai ne.

SAM 1:6

Areng ly khumi kahawichi ai pahawi iy kry ai; na i py khumi hawi y naichi ly tama u ai.

SAM 100:5

Areng ly hawi nai ne; mymy i tamen nai ly deungtasarei khaw iy, mymy i ka-ym awm nai sai py, deung bawibawi tym pa-rei awm jojo ai.

SAM 20:1

Patang nai neng khala nang i chiu sa nai Areng ly pathang pi sy! Jakob i Tameuh ly nang ai amo hai sy!

SAM 25:8

Areng ly neaung hawi nai deaungkho y, kamngo sa tamang nai khumichi ai, tako ai avo nai lam patei pi bo.

SAM 27:5

Patang naira tym nai neng khala y, mymy ly kai ai ang kry ai. Achura yhm y chymme naimy ang khai ai. Patang naira avum y ai nai lengseaung pui saleung y ang khai ai.

SAM 37:39

Areng ly khumi meitangchi ai atleu bo. Patang nairachi avum nai khala, nichi ai ama nai ne.

SAM 37:40

Mymy ly nichi ai sabawm iy atleu bo. Nichi ly mymy teng y abyh u nai ne i, mymy ly nichi ai khumi hawi y naichi kiu i nai atleu bo.

SAM 46:2

Hunai deaungkho y khaileaung ahyn naimy mawichi ly suida pangli theung y tla teu i py,

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 59:16

Na i py kai ly nang i sa thai naira satang khulym thui ai; nang i khaw parai nai tamen naira satang ai, khawn tleirei khulym thui ai. Nang ly kai i abyhra khengsi apai, patang naira avum nai khala y kai i abyhra ne.

SAM 71:3

Nang ly kai i abyhra lengseaung pui ne; kai ai ama hai ai nai molam y, khaw parai nai lengseaung apai lawm ba; nang ly ai i abyhra, kai ai ama hai nai keung ne.

SAM 86:7

Nang ly kai i chiu sa nai tangai pi nai deaungkho y, patang naira avum nai neng khala y, kai ly nang ai kang palau nai ne.

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JEREMIA 17:17

Nang ly kai ai kaso tahyn theu hai moh. Patang naira tym nai khala, nang ly kai i abyhra ne.

JEREMIA 24:5

“Babulon mary mang y abang naichi ly thaidu athai kahawichi hawi atawm, nanai Israela chengchi i Tameuh kai, Areng my adawn pasym iy, kai ly neaung hawi parai naimy kry ai.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

TANGAM NAI LEU 3:25

Areng ly mymy ai ym nai khumi lutengchi teng y ly hawi hai reng.

DANIELA 3:28

Samrang my, “Sadraka, Meshaka hawi Abedanekochi i chiu nai Tameuh ai palo u! Mymy ly kani pri amtaw thau ai pato iy, mymy ai ym u nai hini khumi leaung thomreichi ai atleu bo. Nichi ly mychi i Tameuh ai ny y baly, tameuh takhra teng y meung iy chiu ai nai tleaung y ly mychi i tlang dei vam nai, kai i leu tangai u y nai ne.

DANIELA 6:23

Samrang ly khrikhri pa-rei amo theu nai deaungkho y, Daniela ai khrangsi angawm i nai atheu kalau ai nai leu pei bo. Naibaly khumichi my atheu u i, Daniela ly Tameuh ai ym nai khumi ne nai deaungkho y, ati sai py phrumai by y nai niu u nai ne.

JOELA 3:16

Areng ly Zion mawi salo y aeu bo. Jerusalem mary i dengdairei aeu. Khaileaung hawi kani khusang py amchyh u bo. Na i py mymy ly mymy i khumichi ai ama hai ai.

ZEPHANIAH 3:12

Paleung apanem, neaung hawi nai khumichi ai, huni meingtym y kaimy khai ai. Nichi ly kai teng y jeu iy, abyh u ai.

MATTHAI 27:43

Ni ly Tameuh ai ym chy bo; hawi mang, mymy ly ni ai ngai baly vai palawi sy; ‘Kai ly Tameuh i Chapo ne,’ na chy bo,” napi nai panui hai u.

MATTHAI 7:23

Naibaly huni khala y ly kai ly nichi teng y, ‘Kang pany kang pacha y leang: nangchi atiti hawi y sa naichi awi, kai teng i nai leh u pawn,’ nanai kanapi ai.

JOHAN 10:14

Kai ly beram typ nai keung kahawi ne.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

ROM AVANGCHI TENG Y PAWLA I CHA PA NAI 11:22

Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

KALATIA 4:9

Na i py vai ly nangchi ly Tameuh ai pany u nai bo y ly--ny y leang, Tameuh my nangchi ai pany nai bo y ly--nangchi ly ham y nai hawi awm atyhtyh nai pakeungchi i miseaung y awm u bi ai nai ngai u nai ly, hunichi mang y ly nangchi ly ati mana nai ali u teang nai mo?

II TIMOTHEI 2:19

Na i py Tameuh i lengseaung leng nai kakhaw my ly awm jojo iy, hini pajawp typ nai ka-ma-ra ne i, “Areng ly mymy i khumichi ai ly ang pany,” nanai hawi, “Areng i amyn palau nai ngiereichi ly hawi y sa naira aheng u sy,” nanai py ne.