NAHUM 1:6 - Khumi Common Language Bible

⁶ Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

NAHUM 1:6 Iomraidhean Croise

1 ARENG KEH 19:11

Naibaly Areng my ni teng y, “Tapiu theung i nai theu iy, mawi saleung kai i mo y angdo ba,” napi. Hunaibaly Areng ly ni i sahawi mang tako prei i, ali kamchai aho hai bo. Hunai deaungkho y mawichi ly ako i, lengseaungchi py kawi phro pawn nai ne. Na i py Areng ly huni ali kamchai theung y awm nai ny y; ali aho nai anawn nai khala y kaleih theu; na i py huni kaleihra y awm nai ny y.

JOBA 26:11

Kani khusang y tawi nai yhmtawichi ly mymy parip nai khala jei nai deaungkho y anghyn u bo.

JOBA 40:11

Nang ly amy i kado theu nai haiho patheu iy, paleung len amlyh naichi ai khen patyp iy, panem pawn ba.

JOBA 9:5

Mymy ly mawichi ai vaimy asyh hai tamangtang bo. kado theu iy taphra pawn bo.

SAM 130:3

Nang ly kaichi i kamngochi tajiu pi typ jo ai nabaly, kamngo pajengra i nai ami tleaung pajau ai mo?

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

SAM 76:7

Na i py aw Areng, nang ai khumi bawibawichi ly jei u nai ne; Nang kado theu nai khala y ami py nang i mo y angdo vam y nai ne.

SAM 76:8

Nang ly nangmy i tara chih nai sai ai kani pri mang dengdairei thai hai bo.

SAM 90:11

Nang i kado theu nai haiho ai ly ami avum bawi pajau ai mo? nang i kado theu nai ly mana tanrei jei ai hawi na mo, nanai ami pany pajau ai mo?

ISAIA 10:16

Ati cheaungkhang sa thai nai Areng ly vai i neng y bym pa-rei cha ai nga nai khumichi ai pajeng ai nai, no kanghawi tym hai ai. Nichi i ngan theung y ly mai kamta ango aninau ai.

ISAIA 13:13

Ati cheaungkhang sa thai nai keung kai, Areng my kado theu hai nai khala, kani khusang ly amchyh neung ai i, khaileaung py awm kari ra i nai asyh vui ai.

ISAIA 27:4

Kreip akho ai ly kai kado theu y leang bo. Aleng keung cheaungkhang prau lawh teu i khyly, kaimy tiu iy hunichi ai mai hawi leng pawn ai.

ISAIA 33:14

Kamngo sa nai Zion mary i khumichi ly jei hyn naimy awm u nai ne. Nichi my, “Tameuh i tara chih nai ly angveaung jojo nai mai hawi atawm. Huna nai mai theung i achi law tleaung iy, dei y naimy awm na a?,” nanai thui u bo.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

TANGAM NAI LEU 2:3

Mymy ly khri pa-rei kado theu nai deaungkho y, Israela chengchi i atho taphra vui bo. Mymy ly paleung ka-echi tym nai thym khala, achi ai ang sabawm ai nai akhi vui. Mymy ly mai kamta angveaung naimy, ati cheaungkhang ai kang hai bo.

TANGAM NAI LEU 2:4

Mymy ly paleung ka-e kamta achi ai thailiho hawi ang patyp rym iy, atho nga, amo theu, tahm akhai amlyh nai khumi bawibawichi ai py padei bebe bo. Jerusalem mary theung y achi ly mymy i angveaung nanai kado theu naira avum u bo.

TANGAM NAI LEU 4:11

Areng ly mymy i khri pa-rei kado theu nai haiho angym pa-rei tym hai bo. Mymy ly Zion mary y mai paeng iy, huni mary ai maidym saprawi lawm hai bo.

Ezekiela 21:31

Kai ly mai kangveaung kamta kai i kado theu naira ly nang i tlang tleaung y kang tym hai ai. Nang i tlang tleaung y pahyp y naimy ana nai keung, kataphra kawp nai khumichi teng y kang au ai.

Ezekiela 30:16

Kai ly Aikupta pri ai mai angveaung hai ai i, Pelusium mary ai py khri pa-rei no patang hai ai. Huni mary i mary apaichi ly panawi pawn ai i, tui my um biu ai.

Ezekiela 39:6

Kai ly Makoka pri hawi khumichi tlamsa naimy awm nai pangli peang jeungrei mai kang hai ai. Huna nai khala kai ly Areng ne, nanai khumi lutengchi my pany u ai.

Ezekiela 7:8

“Kra y naimy nang ly kai i khri pa-rei kado theu nai kawi angym na pa-rei nang i tlang tleaung y kang leih ai. Kai ly nangmy i sa naichi molam y nang ai tara chih ai. Nangmy i sa nai amso ngai naichi vawilai ly nang ai vawitheung kang tha ai.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

MALAKHI 3:2

Na i py ami nai ly nang jeu ai nai neng kani y ami aheu vui vam ai mo? Nang i amteng nai neng khala y, heng nai khumi awm rai na a? Hawi keh nai saibeung hawi py, vang kateng tamo patlawn nai mai hawi py atawm ai.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

AMTENG HAI NAI 16:1

Naibaly meingtym kachai i dengdairei raawi pajeng parai nai my ly kani pri i amtaw thau nai leaung saryhreichi teng y, “Chei u ly, Tameuh i kado theu naira khau saryhrei i nai khaileaung pri y lei u keng,” napi nai kathai.

AMTENG HAI NAI 16:8

Naibaly palyh i nai ly mymy i khau i nai kanito y lei bo; naibaly huni teng y khumichi ai mai y akeaung tlau ai nai au bo.

AMTENG HAI NAI 6:17

nini i kado theu naira kani aly len parai nai ang tym nai bo he; hunaibaly ami angdo pajau ai mo?” napi.