NAHUM 1:3 - Khumi Common Language Bible

³ Areng ly kado theu praw vai y leang; na i py mymy ly sa thai naira awm iy kamngo awm nai khumichi ai pajeng y naimy mana khala py khai su y leang. Areng i chei naira tleirei y, ali kamchai theu reng; khupanymchi ly mymy kheu anui i spryhchi ne.

NAHUM 1:3 Iomraidhean Croise

2 SAMUELA 22:10

Mymy ly kani katheu paeaung iy satla kathiu bo; kheu padawi anui y vengpang nai khupanymchi awm.

NEHEMIA 9:17

Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

JOBA 10:14

Nang ly kai i kamngo pahen y naimy khai ai nai, kai mana khala sa tamang ai mo, nanai khen ajeng ryry lawh nai ne.

JOBA 38:1

Hunaibaly Areng ly alipui khupui theung mang dengdairei, Joba teng y leu pei nai ne.

JOBA 9:4

Tameuh i cheng naira hawi sa thai naira ly len parai nai deaungkho y, ami py mymy ai tiu pajau ai ny y.

SAM 103:8

Areng ly tamen nai hawi pahen nai keung ne iy, paleung sau neaung hawi nai deaungkho y, khaw parai nai tamen naira hawimy kawi angym nai ne.

SAM 104:3

kani khusangra i tui salo y nangmy i yhm sa. Nang ly tamaichi ai nangmy i ka-ri kamta, ali ai nangmy i pakhichi palawn iy atang bo.

SAM 145:8

Areng ly tamen nai paleung ka-dawn hawi, neaung kham pajau nai paleung ka-dawn awm iy, khaw parai nai tamen naira angym nai ne.

SAM 147:5

Achi i Areng ly nang parai iy sa thai naira angym nai ne; mymy i cheng naira ai saju angka pata ai nai ngo y.

SAM 50:3

Achi i Tameuh ly ang jeu bo; na i py tyn kryh y naimy ang jeu nai ny y. Mymy i mo y ly mai kadeu kangveaung tawn kalawn naimy, mymy i sahawi y ali kamchai aho nai ne.

SAM 62:11

Tameuh teng y sa thai naira awm, nanai py, mymy i tamen naira ly khaw parai, nanai py, mymy i leu pei nai ly tlenrei khyh chang y nai kai kathai bo.

SAM 66:3

“Nang i sa nai saichi ly khrikhri pa-rei lyh ai hawi parai na ly! Nang i sa thai naira ly khri pa-rei len parai nai deaungkho y, paleung ka-echi ly nang i mo y jei naimy, abyh kajeaung kaji na bo.

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 29:6

Ati cheaungkhang sa thai nai Areng ly ali pui khu puichi, kalei theu hai naichi hawimy katyn amsau iy nangchi ai atleu ai. Mymy ly ali kamchaichi hawi mai kadeu py pato ai.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

DANIELA 7:13

Vum y huni paleung mei hawi niu naira y, kai ly khumi leaungrei ka-tawm niu bo. Ni ly khupanym my taki teungtareung iy, kai teng y ang jeu. Hunaibaly deungtasarei heng nai keung teng y tym vui nai deaungkho y, ni ly mymy i mo y kun ai nai nga.

HOSEA 8:7

Nichi ly ali ai hei nai khala, kamchai tyn u lawh ai! Li i chohpui chomaw myn y baly tako ngo pajau y. Huni lira i chohpui chomaw myn lawh tei u py pri takhrachi cha u ai.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

ZEKHARIAH 9:14

Areng ly mymy i khumichi awm naira y jeu iy, thailihochi hawi amlosadi theu nai kamta ko ai. Kani pri tavai luchi i Areng ly baw eng iy, tokalawi mang aho nai ali kamchai hawi vanrei, ang jeu ai.

Kati Nai 14:18

“Kai Areng ly neaung hawi nai ne. Tamen naira hawi ka-ym awm nai keung ne iy, kamngo nai hawi tiu naichi ai pahen pi nai ne. Na i py amhm ampochi i kamngo nai y, nichi i katu chanauchi ai deung thom deung palyh khrairei kapajeng ai, nanai adeu nai kamta kasa ai.

MATTHAI 26:64

Isu my ly ni teng y, “Nang ly thui khyp bo. Na i py kang thui pi, nangchi ly vai mo mang y Khumi i Chapo ly atiti py sa thai nai keung i lamtang mang y ateh nai, kani mang i khupanym tleaung y jeu nai niu u ai,” napi.

JAKOB 1:19

Amjo amnau ngai parai naichi awi, huna nai nangchi pany. Na i py khumi leaung leaungrei tangai akaneu sy, leu thui ai nai awn moh sy, kado theu ryp moh sy;

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.