MIKHA 7:8 - Khumi Common Language Bible

⁸ Kaichi i paleung ka-echi ly kaichi i kamngo nai molam y amo theu ai nai lam by y. Kaichi atlym i py, ang thau teang ai. Vai i neng y kaichi ly kaveng theung y awm i py, Areng ly kaichi i tlang tleaung y kangvang sangso tym hai ai.

MIKHA 7:8 Iomraidhean Croise

JOBA 31:29

Kai ly kaimy i paleung ka-echi patang nai khala, amo theu nai awm vai y; nichi khrikhri pa-rei patang naira avum nai khala py, paleung ateng hai vai y.

SAM 112:4

Tamen iy pahen naira kawi naimy, leu meitang teaung nai khumi kahawichi i vui ly kaveng theung y kangvang tym hai reng nai ne.

SAM 143:3

Paleung ka-e ly kai ai ang hui i, ang kai; kai ai sum hai be bo. Ni ly kai ai kaveng theung y ang paeung cheng iy, kai ly jangni khala y dei chum nai khumi kamta lawm bo.

SAM 20:8

Huna nai khumichi ly athei iy atlym u ai. Na i py achi ly ang thau iy khaw parai naimy angdo ai.

SAM 27:1

Areng ly kai i kangvang, kai i atleu keung ne. Kai ly ami ai jei hyn ai mo? Areng ly ka-jeira cheaungkhang i nai kai ai ama hai bo. Kai ly jei hyn ai ny y.

SAM 35:19

Kai i paleung ka-e, khumi katapawpchi i sum nai molam y, paleung ateng hai ai nai pei pi moh. Ati sai py ny y naimy kai ai niu ngai y nai khumichi ai ly kai i paleung si nai molam y panui hai ai nai pei pi moh.

SAM 37:21

Khumi hawi y nai ly kalai la iy py, pe teang vai y. Na i py khumi kahawi ly paawp y naimy pei reng.

SAM 37:24

Areng ly nichi ai sabawm pi ai i, nichi ly atlym i py, ang thau y naimy awm ai ny y.

SAM 38:16

Kai i patang nai molam y paleung ka-echi ai paleung ateng hai ai nai pei moh. Nichi ai kai i atlym nai molam y amlyh ai nai pei pi moh.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

SAM 97:11

Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

ISAIA 2:5

Jakob i katu chanauchi awi, vai, achi ly Areng my pei nai kangvangra y aleaung u sina!

ISAIA 49:9

Theaung tla nai khumichi teng y, ‘Amy ngaingai theu u!’ nanai py, kaveng theung y awm nai khumichi teng y, ‘Kangvang y theu u!’ nanai py kang thui pi ai. Nichi ly mawi aheungchira y teicha tlai nai beramchi hawi atawm ai.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

ISAIA 9:2

Kaveng theung y tako nai khumichi ly khri pa-rei angvang nai kangvang niu u bo. Nichi ly dei areng i ka-khui khiu nai pri y awm u teu i py, vai ly nichi i tlang tleaung y kangvang sangso tym hai bo.

JEREMIA 48:27

Aw Moba pri, Israela pri khumichi ai nangmy mana tanrei panui hai mo, nanai pany jo ba. Nang ly nichi ai kangviu sara, damra kamkawm hawi vanrei patiu nai palawn iy ana nai ne.

JEREMIA 50:11

Areng my leu pei nai ly “Babulon mary i khumichi awi, nangchi ly kai i pri ai lawm u bo. Nangchi ly choh ati nai si nu kamta py, hang nai keaungngo kamta py, amo theu naimy aki aleaung u teu i py,

JEREMIA 8:4

Khumichi teng y thui pi ai nai Areng i leu pei nai ly “Atlym iy ang thau teang y nai ly ami awm ai mo? Lam tamang iy ali teang y nai ly ami awm ai mo?

Ezekiela 25:6

“Sa thai naira angym nai Areng my leu pei nai ly: nangchi ly kiu tabeang iy amo theu nai sarai u. Israela pri ai paso u nai ne.

Ezekiela 35:15

nang phra nai thym khala py, khaileaung pri verei amo theu u ai nai, kai ly nang ai khumi angso savai tlang nai meingtym lawm hai ai. Seira mawi napi nai Edom pri verei ly khumi angso savai tlang nai meingtym lawm ai. Huna nai khala kai ly Areng ne, nanai khumi lutengchi my pany ai,” napi.

Ezekiela 36:5

Sa thai naira angym nai kai, Areng ly tengpang prichi hawi, Edom pri tlang tleaung y khrikhri pa-rei kado theu hai i, hina nai leu thui bo. Nichi ly kai i pri y mei anui y nai paleung, amo theu seu nai paleung hawi sui tlairachi raurei, kai i pri la u vui nai ne.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

OBADIA 1:12

Nang ly Juda pri i nangmy i amjo amnauchi, taham kasi avum nai ai paleung ateng hai ai nai avo y. Nichi phra nai kani y amo theu ai nai avo y. Nichi paleung bi u nai thym khala nang ly amlyh ai nai avo y.

MIKHA 4:10

Jerusalem mary i khumichi awi, vaimy nangchi ly mary khai su iy, daichi theung y awm u ai nai deaungkho y, deaungdi tapen nai neampachy kamta, tlang a-i-eng iy tangam naimy awm u. Nangchi ly Babulon pri mang y chei u ai nai tla ai. Na i py huni meingtym y Areng ly nangchi ai paleung ka-echi teng i nai atleu ai.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

ZEKHARIAH 12:8

Huni neng khala Jerusalem mary y awm nai khumichi ai, Areng ly kry ai. Hunaibaly nichi theung i atho di keh naichi malawn py, Davida kamta atho ham ai. Davida i katu chanauchi ly kani pri i amtaw thau nai kamta py, Tameuh mymy kypkyp py, nichi ai lu sa iy pahawi ai.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 4:16

kaveng y ateh naichi ly khri pa-rei kangvang niu u i, Deira meingtym hawi ka-khui y ateh naichi i tlang tleaung y kangvang theu bo,” nanai thui nai ly tym thai ai nai sa nai ne.

JOHAN 16:20

Meitang khypkhyp kang thui pi, nangchi ly mei katui tla ai i neangneang vo ai; khaileaung prichi naini kawn ai, na i py nangchi i paleung mawn naira ly kawn naira lawn ai.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II KORINTH 4:9

kaichi ly ana naira y awm, na i py ang khai su y leang; kaichi ai pakhau mawp nai awm,

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.