MIKHA 7:3 - Khumi Common Language Bible

³ Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

MIKHA 7:3 Iomraidhean Croise

LEU KACHENG 16:30

Nang ai mei meang hai iy, ho amteng na pa-rei panuiyhm hai nai khumi ly hawi y naira dawn khyh nai ne.

LEU KACHENG 17:23

Sa nai sai teng y nai ai tara chih nai keungchi ly kangviu y pei nai un langseaungchi talam u reng. Hunai deaungkho y, kateng lam tara chih pi thai y.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 26:21

Areng ly khaileaung pri i khumichi ai, kamngo pajeng ai nai mymy i awm naira dengdairei ang jeu ai. Khaileaung salo y kangviu y khumi padei nai tamang nairachi ly pheaungrang ai. Tleh naira avum nai khumichi ai khaileaung my ly apha pi vui ai ny y.

ISAIA 3:5

Khumi luteng ly leaung leaungrei tlang tleaung y neng ka-pe dyp iy, amy i vui kamran hau ai. Thawndeang deaungdichi ly miteaung yhmrengchi tlang tleaung y py, khumi hawi y naichi ly khumi kahawichi tlang tleaung y py, tahm khai u y ai.

ISAIA 32:7

Ni ly khumi hawi y nai ne i, hawi y nairachi naini sa thai khyh. Khumi kamawnchi i nga ai avo naichi ngo y vui ai nai, li-tapawp iy dawn pasym reng.

ISAIA 5:23

Na i py nangchi ly un langseaung nga lawh teu baly, sa tamang nai khumichi ai pajeng y naimy patleaung vui iy, tamang y nai khumichi ai ly kataw kateng chih pi u y.

JEREMIA 3:5

Nang ly kado theu hai jojo y leang. Kai i tlang tleaung y deungrei kado theu hai ai ny y,’ nanai thui bo. Aw Israela, nang ly hina nai thui teu i py, amy sa thai nai ryrei hawi y naichi sa bo,” napi.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

Ezekiela 22:27

Achora miteaung kehchi ly amso mawichi ai kei piupa nai kasuichi hawi atawm. Nichi ly mymychi nang chawn ai nai molam y khumi ai padei u nai ne.

Ezekiela 22:6

Nang teng y awm nai Israela cheng lu sa nai khumi bawibawichi ly mymychi i atho a-ym iy khumichi ai padei u nai ne.

Ezekiela 34:21

Nangchi ly no nai beramchi ai tengpang mang y ie vui iy, beram kanghu theung i nai, taki hawi deng u phro bo.

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

HOSEA 4:18

Nichi ly kreip hang nei ala iy, bima kalopra y amo theu u nai ne. Nichi ly tahm awm nai kalop tleaung y, kangji nga nai kalop ai ngai u keh.

HOSEA 7:3

Areng my, “Khumichi ly mychi i hawi y nai katau molam y, samrang hawi ni i bangtangchi ai li-tapawp hyp bo.

AMOS 5:12

Nangchi ly mana tanrei kamngo sa tamang iy, nangchi i kamngo ly mana tanrei jei ai hawi na mo, nanai kai pany. Nangchi ly khumi kahawichi ai ana iy, un tangka cha u. Khumi kamawnchi ai kateng chih y naimy, nichi ai tara jeung i dengdairei patheu u nai ne.

MIKHA 2:8

Huna nai khala Areng my, “Nangchi ly kai i khumichi ai paleung ka-e palawn iy tiu u. Tavai keung i dengdairei yhm mang y chymme naimy vawi nai khumichi i salo baichuchi ai, nangchi my leng u vui bo.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 3:2

hawi nai kalop ai niu ngai y iy, hawi y nai kalop ai ly khrei u. Nangchi ly kai i khumichi ai kangheng tang my peih lei iy, hiura i bawichi tli u bo.

MATTHAI 26:15

“Mymy ai ly kaimy kang patiu hai ai nai majirei pei ai nai ngai mo?” napi. Naibaly nichi my ly tangka phairei vang pei.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.