MIKHA 7:2 - Khumi Common Language Bible

² Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

MIKHA 7:2 Iomraidhean Croise

SAM 10:9

Nichi ly amso mawi kei ai nai mawi angawmra y o nai khrangsi kamta abyh reng. Nichi ly khumi kamawnchi ai o iy mychi i deaung hawi patiu nai ryh jo bo.

SAM 12:1

Aw Areng, kaichi ai sabawm ba! Khumi kahawi leaungrei py by y; neaung hawi nai khumichi ai hau i py niu y leang bo.

SAM 12:2

Khumi bawibawichi ly leaung leaungrei ai atapawp u leungtang iy, apalo u naimy li-tapawp u bo.

SAM 57:6

Paleung ka-echi ly kai ai patiu ai nai py jang u bo; kai ly khrikhri pa-rei paleung mawn naira avum nai ne. Nichi ly kai i tako nai lam y angawm tau u bo; na i py huni angawm theung y mychi naimy tla u nai ne.

LEU KACHENG 1:11

Nichi ly “Jeu ly achi khumi padei ai nai hau u sina! kamngo by y nai khumichi teng i, atyhtyh naimy lawm u sina!

LEU KACHENG 12:6

Khumi hawi y naichi i leu ly khumi takhrachi ai rai naira avum hai reng; na i py khumi kahawichi i leu ly ka-jeira avum naichi ai lawi hai reng.

ISAIA 3:5

Khumi luteng ly leaung leaungrei tlang tleaung y neng ka-pe dyp iy, amy i vui kamran hau ai. Thawndeang deaungdichi ly miteaung yhmrengchi tlang tleaung y py, khumi hawi y naichi ly khumi kahawichi tlang tleaung y py, tahm khai u y ai.

ISAIA 57:1

Khumi kahawichi ly dei u nai ne. Huni khumichi hunai kamta dei nai ly ami py pany u thai y. Ati sai py dawndan u y. Na i py nichi ly dei nai khala y, patang naira by y nai meingtym y tym u nai ne.

ISAIA 59:7

Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

ISAIA 9:19

Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.

JEREMIA 16:16

Areng my, “Kai ly hini khumichi ai patiu ai nai ngo sara neangneangchi pato ai. Mawi katheang kalen ngiereichi hawi lengseaungchi sala y, nichi ai hau ai nai mawi sara neangneangchi kapato ai.

JEREMIA 5:16

Nichi i thailiho pa nai khumichi ly atho len iy, am-eaung jo nai tapreaung angawm kamta, pany y naimy padei u reng nai ne.

JEREMIA 5:26

“Kai i khumichi theung y khumi hawi y naichi awm. Nichi ly deaung hawi tavochi ai patym nai khumichi kamta, khumichi ai patiu ai nai amo u yb bo.

JEREMIA 8:6

Kai ly hawihai palai katangai pi teu i py, nangchi ly leu meitang katheu u y. Nangchi theung y ami py nangmychi i hawi y nai molam y paleung mawn u y. ‘Kai ly ati hawi y nai kasa lawh mo?’ nanai ami py deng u y. Tavai keung y athorei my angpreng nai keaungngo kamta, khumi luteng ly amy ngai ngai sa u lawh.

TANGAM NAI LEU 4:18

Paleung ka-echi ly kaichi ai ajeng i, khen patawm nai deaungkho y, kaichi ly lam y aki aleaung vam y. Kaichi i neng kanichi ly dym veng bo; kangkhym kani tym veng bo.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

Ezekiela 24:6

Sa thai naira angym nai Areng my leu pei nai ly “Khumi ai padei naichi i mary ly taham si! Huni ai ly mana khala py kachi vai y naimy khai nai deaungkho y, eicha nai laawm hawi atawm. Laawm theung i mawi akawichi ai akawi akawirei takhyh ly laawm theung y by y pa-rei takhyh.

HOSEA 5:1

“Pathyp pi nai keungchi awi, tangai u! Israela khumichi awi, hawihai palai tangai u! Samrang kangpreangchi awi, tangai u! Nangmychi kypkyp ly meitang khyp naimy, tara chih ai nai keungchi ne. Huna nai kamta nangchi py pajeng naira avum u ai. Nangchi ly Mizapa mary y pateung nai deaung, Tabor mawira y jang nai mawipy,

HOSEA 6:9

Pathyp pi nai keungchi ly tiu lawm ai nai oh nai damra kamkawm hawi atawm. Nichi ly Sekhem mary mang y chei nai lam y malawn py, khumi ai tleh u nai ne. Nichi ly hina nai hawi y nai kalopchi sa u lawh ly!

MIKHA 2:8

Huna nai khala Areng my, “Nangchi ly kai i khumichi ai paleung ka-e palawn iy tiu u. Tavai keung i dengdairei yhm mang y chymme naimy vawi nai khumichi i salo baichuchi ai, nangchi my leng u vui bo.

MIKHA 3:10

Nangchi ly khumi ai padei nai hawi, teng y nai sai pakhiu langdeng salo y, Tameuh i mary pui napi nai Jerusalem mary sa u bo.

MIKHA 3:2

hawi nai kalop ai niu ngai y iy, hawi y nai kalop ai ly khrei u. Nangchi ly kai i khumichi ai kangheng tang my peih lei iy, hiura i bawichi tli u bo.

ZEKHARIAH 11:6

(Areng my, “Kai ly khaileaung salo y awm nai khumi amimi ai py, kapahen y leang bo. Kaimy khypkhyp my, khumi bawibawichi ai, mychi i samrangchi kiu y kaau ai. Huni samrangchi ly khaileaung pri ai taphra i py, kai ly atleu ai ny y,” napi.)

AMTAW 24:9

Naibaly Judachi py, “Huni leu ly hunai kamta ne,” nanai asa hai teang.

1 SAMUELA 24:11

Kai i ngaai awi, khen cham rai, kai i kiu y syn nai baichu kangjiu tawmchy ai khen cham! Kai ly nang ai padei ai nai nga teu i py, hini baichu tawnchy ai naini kao khyh; nang ai tiu ai nai hawi padei ai nai kai ly paleung ka-dawn by y, nanai hinira y samrang nang ly pany ai nai avo. Kai ly nang ai sairei py tamang vai y teu i py, nang ly kai ai padei ai nai hau nai ne.

1 SAMUELA 26:20

Kai ai Areng hawi palo nai pri takhrara y dei hai moh kyh; Israela samrang ly ati mana nai uikasyh ryrei awm khyh nai, kai ai padei ai nai jeu lawh mo? Samrang ly ati mana nai kai ai daichi tavo kamta palawn iy patiu ai nai patyp lawh mo?,” napi.