MIKHA 7:19 - Khumi Common Language Bible

¹⁹ Nang ly kaichi ai pahen pi bi ai. Nang ly kaichi i kamngochi ai chiu piupa iy, pangli theung y aphi pi vui ai!

MIKHA 7:19 Iomraidhean Croise

2 SAMUELA 24:14

Davida my, “Kai ly khri pa-rei rai naira avum lawh bo hi ly! na i py khumi my pajeng nai ly tym hai mo sy; Areng my phai pajeng na sy. Mymy ly pahen nai keung ne,” nanai Kad teng y thui pi.

SAM 103:12

Nisi kangtem ly nidym kangtem hawi palo nai kamta, mymy ly achi i kamngochi ai py, achi hawi palo hai veng bo.

SAM 130:8

Mymy ly mymy i khumichi napi nai Israela ai kamngo bawibawira i nai atleu pi ai.

SAM 85:3

Nichi ai kado theu hai y leang bo i, nang i khri pa-rei kado theu naira py rym vui bo.

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 38:17

Kai i paleung bi naira ly paleung savairu nai mang y amtlau vui ai. Nang ly kai i tlang ai ka-jeira cheaungkhangra i nai atleupi bo. Kai i kamngo ngierei py pahen pi bo.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

JEREMIA 33:8

Khumichi my kai i tlang tleaung y sa tamang nai kamngochi paju pachai pi ai. Nichi i kamngochi hawi nichi i tiu naichi molam y kapahen pi ai.

JEREMIA 50:20

Huni neng tym nai khala kai ly kaimy heng ai pei nai khumichi i kamngochi kapahen pi ai i, Israela pri y sa tamang nai kamngo ati sai py avum ai ny y. Juda pri y py tamang nai ati sai py niu ai ny y. Hini ly kai, Areng i thui nai leu ne,” napi.

TANGAM NAI LEU 3:22

Areng i khei pajau y nai tamen naira hawi pahen naira ly

TANGAM NAI LEU 3:32

Mymy ly achi ai paleung si vo tangam naira ang pei teu i py, achi i tlang tleaung y ang pei nai pahen naira hawi tamen naira ly len parai nai ne.

Ezekiela 18:22

Ni ly kateng sa nai deaungkho y ni i kamngo bawibawichi pahen ai i, ni ly heng ai.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

ZEKHARIAH 3:4

Kani pri amtaw thau nai ly my i nithun abang nai kani pri chochi teng y, “Hini khumi i amchiu nai chai y nai ateaungchi leng pi vui,” napi chum baly Josua teng y, “Kai ly nang i kamngo kang la pi vui iy, nang amchiu ai nai ateaung kangthachi kang pei ai,” napi.

ROM AVANGCHI TENG Y PAWLA I CHA PA NAI 6:14

Kamngo naira my ly nangchi i tlang tleaung y aly peang ai nai ny y leang bo; ati mana nai mo nabaly nangchi ai ly Reita my peang nai ny y leang, pahenra my ang peang nai teu.

ROM AVANGCHI TENG Y PAWLA I CHA PA NAI 8:13

Nangchi ly tlang i reita y awm baly dei u takengkei ai nai tla; na i py nangchi ly Phailo y tlang i atiti sa naichi ai padei baly, heng u ai.

Leu Thui Nai 30:3

nangchi i Areng Tameuh ly nangchi ai ang pahen ai. Huni bo y mymy ly pri tleirei y ahei nai nangchi ai ang pahawi ali teang ai, naibaly mymy ly nangchi ai amtheaung hai ali teang ai.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

Leu Thui Nai 32:36

Areng ly mymy i khumichi atho kheih nai, paha nai niu nai khala atleu ai. Mymy teng y ahihawi iy chiu nai chiu nai khumichi jeaungmang nai niu nai khala, nichi ai pahen ai.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 8:12

Nichi i taphra naira y kapahen ai, Naibaly nichi i kamngochi py tlen py kapany pi jo y leang bo,” ang napi.

I JOHAN 3:8

kamngo sa nai keung ly diabola i ne: diabola ly angchei kha i dengdairei atiti kamngo sa nai ne. Tameuh i Chapo ly diabola i sa nai sai taphra thai ai nai amteng nai ne.