MIKHA 7:18 - Khumi Common Language Bible

¹⁸ Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

MIKHA 7:18 Iomraidhean Croise

ATITI AWM ANGCHEI NAI 4:7

Nang atiti kahawi sa baly amo theu pajau ai;na i py nang kahawi so y nai deaungkho y kamngo ly nang my i katheu pa-kho y amo ryhryh na bo. Kamngo my nang ai peang ai ngai, na i py, kamngo ai ly nang my pajau vui ai nai tla,” napi.

1 ARENG KEH 8:23

“Aw Israela chengchi i Areng Tameuh, kani mang y py, khaileaung y py, nang hawi atawm nai tameuh ly by y; nang i khumichi ly nang i leu ai paleung hawi verei tangai nai khala y, nang ly nichi hawi asa nai Leu Maikawm ai khaw hai iy, nang i pahen nai patei pi ba.

2 NENG SATANG 30:9

Nangchi ly Areng teng y jeu u ali teang baly patiu iy langheng y hawi nai nangmychi i amjo amnauchi ai nichi my pahen ai i, nangchi i pri y vawi hai ali teang ai. Nangchi i Areng Tameuh ly tamen nai hawi pahen nai keung ne. Nangchi ly mymy teng y jeu u ali teang baly, mymy ly nangchi ai kawn ai,” nanaichi abawi nai ne.

2 NENG SATANG 6:21

Kai i chiu sa naichi py, hini meingtym mang y motha iy nang i khumichi chiu sa nai py tangai pi kyh ba. Nang i awm nai kani pri mang dengdairei, kaichi i hnei takeng naichi tangai pi iy, kaichi i kamngochi pahen pi kyh ba.

NEHEMIA 9:17

Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

SAM 103:13

Ampo ly chanauchi ai pahen nai kamta, Areng ly mymy ai jei naimy tahm khai naichi ai pahen nai ne.

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 35:10

“Nang hawi ami atawm mo? Ami nai ly nang kamta, atho di nai khumi ai atho awm nai khumi my patang hai naira i nai py, ngari kamtang avum nai khumi ai ana nai khumi teng i nai py, ami my ama hai mo,” nanai Areng teng y kaimy i avum nai ka-dawn hawimy amti pi ai.

SAM 65:3

Kaichi i tamang nairachi ly khri pa-rei nawi i py, nang ly kaichi i kamngo palawi pi nai ne.

SAM 65:4

Nang i Achura yhm y awm iy, nang teng y ahihawi ai nai nangmy vawi takhra nai khumichi ly taham hawi nai ne. Kaichi ly nangmy i yhm dengdairei hawi nairachi, nang i Achura yhm kachai i amtheaung nairachi nga u nai deaungkho y, paleung tienem ai.

SAM 71:19

Aw Tameuh, nang i leu meitang adyh adawi nai ly kani mang y khrairei tym nai ne; ati mana nai mo nabaly nang ly nang parai nairachi sa nai deaungkho y ne. Nang hawi atawm nai khumi leaungrei py by y.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

SAM 89:6

Aw Areng, kani pri mang y nang hawi atawm nai ami awm mo? mani kanicho ly nang hawi pata pajau ai mo?

SAM 89:8

Ati cheaungkhang sa thai nai keung Areng Tameuh, nang kamta phum-ang len parai nai ly by y; aw Areng, nang ly cheaungkhangra y ka-ym awm nai ne.

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 34:9

“Aw Areng, nang ly kai ai paleung no baly, kaichi hawi vanrei chei ai nai kang takeng. Hini khumichi ly paleung tang nai cheng ne; na i py kaichi i sa tamang nai hawi kamngo naichi pahen pi kyh ly kaichi ai nang i khumichi ne, nanai palawn teang kyh ba,” napi.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 38:17

Kai i paleung bi naira ly paleung savairu nai mang y amtlau vui ai. Nang ly kai i tlang ai ka-jeira cheaungkhangra i nai atleupi bo. Kai i kamngo ngierei py pahen pi bo.

ISAIA 40:18

Tameuh ai ly ami hawi pata pajau ai mo? Mymy i mo-cha ai nangchi ati mana thui thai ai mo?

ISAIA 40:25

Chai parai nai Tameuh ai ami hawi pata ai mo? Mymy hawi atawm nai khumi leaung leaungrei awm na a?

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 44:22

Kai ly nangchi i kamngochi ai khupanym kamta, akheang hai pawn bo. Kai teng y jeu u ali teang; nangchi ai atleu nai keung ly kai ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 57:10

Nangchi ly tameuh takhrachi ai hau nai deaungkho y akawm i py, mana khala py athosi u y. Nangmychi i mynchi teng i dengdairei atho nga nai ne, nanai dawn u iy, nangchi ly mana khala py paha u y.

ISAIA 57:16

Kai ly kaimy i khumichi ai heng ai nai kapei. Nichi ai thui tamawn bi iy, kado theu hai jojo y leang bo.

ISAIA 62:5

Mymy ly nang ai deaung vawi nai anglo kamta pom ai. Deaung vawi nai anglo ai, aju palyn nai keung my khrei nai kamta, Tameuh my nang ai tamen ai.

ISAIA 64:9

kaichi i tlang tleaung y kado theu hai ala moh, ti y i py, kaichi i kamngochi ai pany pi jo moh kyh ba. Kaichi ly nang i khumichi ne i, kaichi ai pahen kyh ba.

ISAIA 65:19

Kaimy kypkyp malawn py, Jerusalem mary deaungkho y py, huni mary i mipuichi deaungkho y py, amo theu ai. Huni mary y vo nai hawi kasabawmra hnei nai khumichi awm ai ny y.

JEREMIA 3:12

Mymy ly kai ai tosyh ngan mang y pato iy Israela teng y, “Ka-ym by y nai Israela awi, kai teng y ali teang jau. Kai ly pahen nai keung ne nai deaungkho y, nang ai kado kang theu hai ai ny y. Kai ly deungtasarei kado kang theu hai ai ny y.

JEREMIA 3:5

Nang ly kado theu hai jojo y leang. Kai i tlang tleaung y deungrei kado theu hai ai ny y,’ nanai thui bo. Aw Israela, nang ly hina nai thui teu i py, amy sa thai nai ryrei hawi y naichi sa bo,” napi.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

JEREMIA 32:41

Nichi teng y hawi naira pei ai naini kangai khyh; hini pri y awm jojo ai nai meingtym sa pi ai.

JEREMIA 33:8

Khumichi my kai i tlang tleaung y sa tamang nai kamngochi paju pachai pi ai. Nichi i kamngochi hawi nichi i tiu naichi molam y kapahen pi ai.

JEREMIA 38:8

Hunai deaungkho y Ebadameleh ly samrang yhm i nai, huni meingtym y chei iy samrang teng y,

JEREMIA 50:20

Huni neng tym nai khala kai ly kaimy heng ai pei nai khumichi i kamngochi kapahen pi ai i, Israela pri y sa tamang nai kamngo ati sai py avum ai ny y. Juda pri y py tamang nai ati sai py niu ai ny y. Hini ly kai, Areng i thui nai leu ne,” napi.

JEREMIA 9:24

Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

Ezekiela 18:23

Kai ly khumi hawi y naichi dei nai niu nai khala y, kai ly kawnleaung ai nai athang khai u a?, nanai sa thai naira angym nai Areng my deng bo. Mymy ly huni khumi uikheih iy heng naini niu ai nai ngai keh.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 33:16

Ni i sa tamang nai kamngochi py kaimy pahen pi ai. Kataw kateng sa nai molam y ni ly heng ai.

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

HOSEA 14:5

Kani tui ly jengha nai khaileaung y suino hai nai kamta, kai ly Israela khumichi ai tlamsa hai ai. Nichi ly kaseaung kamta pau amthym u ai. Lebanon mawi i dengkeaung keung kamta, tangjyn aviu ai.

JOELA 2:32

Na i py Areng teng y kasabawmra hnei nai khumi bawibawichi ly atleu naira nga u ai. Areng my leu pei nai kamta, ‘Jerusalem mary y awm nai khumi phyreichi ly deira i nai tleaung u ai; kai i vawi takhra nai khumichi ly dei y naimy awm u jo ai,’ napi.”

AMOS 1:11

Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

AMOS 7:8

Mymy ly kai teng y, “Amo awi, nang ly ati niu mo?” nanai deng. Kaimy, “Siju amto harei kaniu,” kanapi. Mymy py, “Kai i khumichi ly cheaungkai vui nai angpang kamta lawm vui nai patei ai nai, hini siju amto ai teaung nai ne. Nichi ai kapajeng y ai nai paleung amtlau bi y leang bo.

AMOS 8:2

Areng my kai ai, “Amo awi, ati niu mo?” nanai ang deng. Kaimy, “Thengthai kangmynchi khai nai takhu kaniu,” kanapi. Areng my kai teng y, “Kai i khumi Israelachi ly kangmyn du iy vui ai nai, kangkhym i neng tym bo. Kai ly nichi ai kapajeng y ai nai paleung amtlau vui ai ny y.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

MIKHA 2:12

“Kai ly nangchi theung y awm rai nai Israela cheng bawibawichi ai pangym ai. Hai theung y vawi ali teang nai beram kamta, nangchi ai kapangym ai. Sui tlai naira y beram neangneang angym iy, teicha tlai nai kamta, nangchi i pri y khumi neangneang awm u teang ai,” nanai pathang pi teang bo.

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

MIKHA 5:3

Hunai deaungkho y Areng ly neampachy my chapo tapen nai neng tym pa-rei, mymy i khumichi ai paleung ka-echi teng y khai su ai. Naibaly pri palara avum nai khumichi ly mymychi i nupaichi hawi amkawm u teang ai.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

Kati Nai 23:21

Israela chengchi ly vai mo mang y py patang naira, taham si nairachi avum ai nai kai niu y. Nichi i Areng Tameuh ly nichi hawi vanrei awm; Areng ly nichi i samrang ne, nanai amthang hai bo.

LUKA 15:32

amo theu nai kawn parai naimy awm ai nai tla chy bo; hini ngamnau ly dei nai heng teang nai na a; tama nai niu teang nai na a,’ napi,” nanai thui pi.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

ROM AVANGCHI TENG Y PAWLA I CHA PA NAI 11:4

Na i py Tameuh ly mymy teng y mana pathang mo? Mymy ly, “Baala i mo y meung vai y nai khumi sang saryhreichi ai kaimy i vui kakhai nai awm rai,” nanai pathang.

Leu Thui Nai 33:26

Israela khumichi awi, nangchi i Tameuh ly ni hawi pata ai nai tameuh takhra by y; mymy ly phum-ang nang parai nai hawimy tamai atang iy, kani khusang tako prei naimy, nangchi ai sabawm ai nai ang jeu bo.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.