MIKHA 7:17 - Khumi Common Language Bible

¹⁷ Nichi ly pavui kamta speung theung y jawn ai. Nichi ly mychi i amtangra dengdairei jei naimy theu u iy, achi i Areng Tameuh teng y ahihawi u ai.

MIKHA 7:17 Iomraidhean Croise

2 SAMUELA 22:46

Nichi ly sorai paleung tama u veng bo i, mychi i lengseaung yhmchi ra i nai, kaso theu naimy theu u bo.

2 NENG SATANG 17:10

Areng ly tengpang sahawi i pri bawibawichi ai Jehoshapha hawi tavai atiu ai nai jei hai bo.

SAM 18:45

Nichi ly sorai paleung by y bo i, mychi i khengsi apaichi theung i dengdairei, kaso theu naimy ang thau u bo.

SAM 72:11

Samrang bawibawichi ly mymy i mo y ambeu u ai; khumi cheng cheaungkhangchi py, samrang i miseaung lawn u ai.

SAM 72:9

Khutaha daichi ka-vymra i khumi bawibawichi ly samrang i mo y lu meung u sy; samrang i paleung ka-echi ly my i kheu keung y angbeu u ai.

SAM 9:20

Aw Areng, nichi teng y jei hyn naira tym hai ba. Mychi ly dei ai nai khumi teu, nanai pany hai ba.

ISAIA 25:3

Sathai naira haiho len nai khumichi ly nang ai palo u ai. Pahyp y naimy ana nai khumichi awm nai marychi py, nang ai jei naimy awm u ai.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 59:19

Nidym mang dengdai nisi mang khrairei, khumi bawibawichi ly mymy i amyn hawi sa thai naira haiho ai, jei hyn naimy tahm khai u ai. Mymy ly ho parai nai tavo tui kamta py, ho parai nai ali kamta py ang jeu ai.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

ISAIA 64:2

Nichi ly mai salo y kado thlauthlo nai tui kamta, kaso theu u ai. Jeu ly paleung ka-echi teng y nang i sa thai naira patei pi ba. Khumi cheng cheaungkhangchi ai, nang i mo y kaso theu hai ba!

ISAIA 65:25

Kasui hawi beramchi ly vanrei teicha tlai iy, khrangsichi ly si, painochi kamta acha cha ai. Pavuichi ly spryh naini cha u ai. Kai i chai parai nai Zion mawi salo y patang hai nai hawi, hawi y nairachi ati sai py awm ai ny y,” napi.

ISAIA 7:19

Nichi py lengseaung nawi parai nai leaunghawichi, lengseaung tapiuchi, aleng reaung awm nai ngiereichi hawi, sui tlai naira ngiereichira y, adeng mengmeaung naimy tym u ai.

JEREMIA 16:16

Areng my, “Kai ly hini khumichi ai patiu ai nai ngo sara neangneangchi pato ai. Mawi katheang kalen ngiereichi hawi lengseaungchi sala y, nichi ai hau ai nai mawi sara neangneangchi kapato ai.

JEREMIA 33:9

Jerusalem mary ly kai i amo theu naira, tahm asang naira hawi amlyh naira lawm ai. Khaileaung pri i khumi cheng cheaungkhangchi ly huni mary ai kaimy peang nai hawi nairachi py, huni mary y kaimy tym hai nai nang chawn nairachi py, thai u nai khala ly kaso theu u ai,” napi.

TANGAM NAI LEU 3:29

Athang khai naira awm py awm lym ai i, achi ly ahui naimy khaileaung y lu meung ai nai avo.

ZEKHARIAH 14:5

Nangchi ly mawi aseih thla nai nyhrei, leaunghawi lam mang preang iy tleaung u ai; Juda samrang Uzia deung y kaleih theu nai thym khala, nangchi i amsi pajochi preang u pawn nai kamta, nangchi py preang u teang ai. Kai i Areng Tameuh ly mymy hawi vanrei, kani pri amtaw thauchi ai hawi iy ang jeu ai.

Leu Thui Nai 32:24

Nichi ly kajeu kanglam hawi keaung nosora dei u ai; ka-jei awm nai no-na hawimy dei u bebe ai. Mawi kasichi ly nichi ai kei ai; pavui kangsochi my nichi ai patiu ai.

JOSUA 9:24

Huna nai khala nichi my, “Nang i Areng Tameuh ly hini pri verei, nangchi teng y pei ai nanai py, mipui bawibawichi ai padei pawn ai nanai py, mymy i miseaung Mosi teng y leu pei nai kaichi thai i, dei ai nai jei nai deaungkho y, huna nai kamta kasa u nai ne.

AMTENG HAI NAI 3:9

Khen cham, Juda tatang ny y naimy, ka-chawi thui iy Juda angam nai Setan i achu nai kamkawmchi ai ly, khen cham, nichi kypkyp ai ly nang teng y katym hai iy, nang i kheu keung y ambeu hai ai i, nang ai katamen, nanai nichi ai kang pany hai ai.

1 SAMUELA 14:11

Hunai baly nini ly Philistia chengchi ai mo niu hai i, Philistia chengchi my, “Khen u cham! Hebrai cheng phyreichi ly mychi abyh nai khaileaung kho theung i dengdairei ang theu u bo,” nanai thui u.