MIKHA 7:16 - Khumi Common Language Bible

¹⁶ Pri tleireichi ly atho awm i py, huni leaungsaichi niu i, jei u nai deaungkho y, mymychi i labeaung hawi kanochi tamym u ai.

MIKHA 7:16 Iomraidhean Croise

JOBA 21:5

Ati mana kado theu y ai mo? kai ai khen u chum; kai i mo-cha ly nangchi kiu hawi labeaung tamym vui ai nai pa-rei, kaso theu hai ai.

SAM 126:2

Achi ly khrikhri pa-rei panui u iy, amo theu naimy khulym thui ai nai nga u bo! Huna nai khala takhra khumichi my, “Areng ly hini khumichi i vui nang parai nairachi sa pi na a,” nanai thui u bo.

LEU KACHENG 30:32

Nang ly akhum iy paleung len naimy, hawi y naira sa ai nai dawn lawh baly anawn daw iy adawn pasym ba!

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 52:15

Na i py vai, ni ly khumi cheng cheaungkhangchi ai chai hai ai. Samrangchi py mynkym u ai. Nichi ly mana khala py pany vai y nai hawi thai vai y naichi niu iy, pany u thai ai,” napi.

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

Ezekiela 38:23

Hina nai hawimy kai ly nang parai iy chai parai, nanai khumi cheng cheaungkhangchi teng y kapatei ai. Naibaly kai ly Areng ne, nanai nichi pany u ai,” napi.

MIKHA 3:7

Mo mang i satang thui nai khumichi ly thui nai leu teng y nai deaungkho y, kangji nga u ai. Nichi ly Tameuh teng i thui nai leu ngo y nai y, tahm anem u ai.

MIKHA 5:8

Daichi mawi kanghu theung y tym nai khrangsi kamta py, beram kanghuchi theung y tym nai khrangsi kamta py, dei kamthum Israela chengchi ly cheng takhrachi theung y tym ai. Khrangsi ly beram kanghuchi theung y kun iy, beramchi ai kei piupa ai i, ami my py atleu pajau ai ny y.

HAKAI 2:22

pri bawibawichi ai taphra iy, nichi i sa thai naira jum hai ai. Tavai keaungngo ka-richi atang nai keungchi hawi vanrei akhum hai meuh ai; keaungngochi ly dei ai. Keaungngo atang nai risachi py, mychi tengtawi atleh u ai.

ZEKHARIAH 12:9

Naibaly kai ly Jerusalem mary y tiu nai khumi ngiereichi ai tamyh pawn ai.

ROM AVANGCHI TENG Y PAWLA I CHA PA NAI 3:19

Hunaibaly labeaung cheaungkhang ai amkym hai me thai ai nai hawi, Tameuh my khaileaung pri bawibawi tara chih thai ai nai py, Reita my ati py thui nai ngierei ly Reita i anui y awm naichi teng y thui nai ne, na nai achi pany;

AMTENG HAI NAI 11:18

Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.