MIKHA 7:14 - Khumi Common Language Bible

¹⁴ Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

MIKHA 7:14 Iomraidhean Croise

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 143:5

Kai ly lawm veng nai neng kanichi ai tami pajau y; kai ly nang i sa nai ngiereichi ai dawn pasym bo; nang i sa nai kuchi bawibawichi ai py dawn pasym nai ne.

SAM 28:9

Aw Areng, nang i khumichi ai atleu kyh ba. Nangmy peang nai khumichi ai amtheaungra pei kyh ba. Nichi ai beram typ keung kamta, kry jojo kyh ba.

SAM 95:7

Mymy ly achi i Tameuh ne; achi ly mymy i kry nai khumichi, mymy pacho panei nai beram kanghuchi ne. Mymy i leu pei nai ai, vaini tangai u sina:

THEU NAI 33:16

Nang ly kaichi hawi vanrei chei hai y lawh baly, nang ly nangmy i khumichi hawi kai ai paleung no, nanai ami pany thai ai mo? Nang ly kaichi hawi vanrei awm hai khala naini, kaichi ly khaileaung pri i cheng takhrachi hawi amtleh nai amny ai,” napi.

Solomon i khulym 4:1

Kai i khrei nai awi, nang ly khri pa-rei mo-cha hawi na ly! Meimai atleangra theung mang, nang i meichi ly khrei nai kangvang ko na bo. Nang i samchi ly Kilead mawichi mang ampyh naimy satla kathiu nai mi-i kanghuchi kamta ahyn dengdu na bo.

ISAIA 27:13

Huni neng kani tym nai khala y Asuria pri hawi Aikupta pri y pri pala nai avum nai Israela cheng bawibawichi ai palau nai baw eng ai. Nichi py Jerusalem mary y awm nai, mymy i mawi kachai salo y Areng teng jeu iy chiu ai.

ISAIA 35:2

Daichi ka-vym ly amo theu nai deaungkho y khulym thui nai aeu u ai. Lebanon mawi kamta apu parai naimy, Karamela hawi Sharon mawi aheung li khaileaungchi kamta, amti amjang thawn ai. Khumi bawibawichi ly Areng i nang parai nai ai py, mymy i sa thai naira phum-ang py niu u ai.

ISAIA 37:24

Nang ly nangmy i tavai ka-ri bawibawichi hawi asang keh nai Lebanon mawichi ai malawn py, tiu pajau nanai kai teng y amlyh ai nai savaichi pato nai ne. Huni meingtym y awm nai asang keh nai saitleang keungchi hawi, apu keh nai maicha keungchi ai paliu iy, atu thengreung pui theung y katym bo, nanai amlyh nai ne.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

ISAIA 65:10

Nichi ly kai ai chiu naimy, mymychi i beram hawi si, painochi ai nidym mang i Sharon adym y py, nisi mang i Akhaw leaunghawi sui tlai naichira y py, anawnra palawn iy typ u ai.

JEREMIA 49:31

‘Jeu u! achi ly chymme naira awm bo, nanai dawn nai huni khumichi ai tiu u sina! Huni khumichi i mary ly apai katheu hawi atleangra py by y; chymme naira py by y nai mary ne,’ napi.

TANGAM NAI LEU 1:7

Vai ly phra vui bo i, ahawi by y leang bo. Jerusalem mary ly jangni deung y, my i apu nai saichi ai aawi ali teang nai ne. Paleung ka-echi i kiu tleaung y tym nai thym khala, ni ai sabawm ai nai khumi leaungrei py by y. Ni ai tiu i pajau nai khumichi ly ni i jy nai sai ai panui pachem hai bo.

TANGAM NAI LEU 5:21

Aw Areng, nangmy teng y jeu ali teang ai nai pei kyh ba. Kaichi ai pahawi ali teang kyh ba! Jangni i kamta kaichi ai phum-ang haiho len hai kyh ba.

Ezekiela 36:11

Kai ly khumi hawi tawnbawichi peung hai ai. Nangchi ly cho chanauchi neangneang sa u ai. Jangni i kamta awm ai nai kang pei ai. Jangni tleaung y nang chawn hai ai. Huna nai khala kai ly Areng ne, nanai nangchi pany u ai.

Levi 27:32

Khawn nai tawnbawichi py horei y harei ly Areng i vui ne. Tawnbawichi ai kati nai khala y, horei y harei ly Areng i vui ne.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

OBADIA 1:19

“Juda pri tokalawi ngan mang i khumichi ly Edom pri ai py, nidym mawi kheutangchi mang i khumichi ly Philistia pri ai py peang vui ai. Israela chengchi ly Ephraim hawi Samari khu ka-peangchi peang u ai i, Benjamin khumichi my Kilead pri peang ai.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

ZEKHARIAH 10:10

Kai ly nichi ai Aikupta pri hawi Asuria pri dengdairei hawi ali teang iy, mychi i saleaung khutengra y meingtym tahyh pi ai. Nichi ai Kilead pri hawi Lebanon prira y py, meingtym tahyh pi ai. Naibaly khumichi awm naira meingtym akeaung y na pa-rei awm ai.

ZEKHARIAH 11:7

Beram ka-jo ka-van sa nai khumichi my kai ai alai nai deaungkho y, kai ly ana naira avum nai beramchi ai typ nai keung lawm bo. “Pahen naira” napi nai amyn nga nai beram cheaungvawi harei hawi, “Amkawm naira” napi nai amyn nga nai beram cheaungvawi harei la iy, beram kanghuchi ai typ ai nai tla bo.

MALAKHI 3:4

Naibaly Juda khumichi hawi Jerusalem mary i khumichi, Areng teng y syn nai kapathyprachi ly jangni khala i kamta Areng my kawn nairachi lawm ai.

Kati Nai 23:9

Kai ly lengseaung puichi saleung mang nichi ai kaniu; kai ly mawi aheungchi mang nichi ai kaniu. Nichi ly mychi tlairei awm nai cheng vuijyn harei ne; Nichi ly khumi cheng bawibawichi tleaung y amtleh takhra nai khumichi ne. Takhra khumichi tleaung y malawn py amtheaungra nga keh naichi ne, nanai nichi apany u.

Kati Nai 32:1

Ruben theaung hawi Kad theaung ly tawnbawi khri pa-rei nawi nai ne. Jaze pri hawi Kilead pri y sui tlaira meingtym kahawichi awm nai pany nai khala,

MATTHAI 2:6

amo my ly, ‘Judai pri i Bethlehem avang awi! Nang ly Judai pri i avang theung y theang keh y leang! Kai i khumi Israelachi ai typ nai keung lawn ai nai, Nang theung i dengdairei peang nai keung leaungrei theu ai,’ nanai hina nai tajiu,” napi.

JOHAN 17:16

Kai ly khaileaung pri i khumi ny y nai kamta, nichi py khaileaung pri i khumi ny y.

Leu Thui Nai 33:28

Hunai deaungkho y Jakob i kangpreangchi ly kani mang dengdairei kadam tla hai nai pri, choh hawi kreip hang nang nai pri y tlamsa naimy awmnem u bo.