MIKHA 7:12 - Khumi Common Language Bible

¹² Nangchi i khumichi ly nisi mang Asuria pri dengdairei py, tokalawi mang Aikupta pri dengdairei py, Euphrat tavo jawnbai dengdairei py, palo parai nai panglichi hawi mawichi dengdairei py, nangchi teng y vawi u teang ai.

MIKHA 7:12 Iomraidhean Croise

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 43:6

Nichi theu u ai nai tosyh mang py, nichi ai paka y ai nai tokalawi mang py, kaimy thuipi ai. Khaileaung pri meingtym tleirei y awm nai pri kamlora i, kai i khumichi vawi u ali teang ai.

ISAIA 49:12

Kai i khumichi ly kamlo paraira i nai py, tosyh hawi nidym mang i nai py, tokalawi mang y awm nai Asavanpri i nai py, ang jeu u ai,” napi.

JEREMIA 23:3

Kai ly kai i khumichi ai ahei hai nai prichira i awm rai naichi ai kala iy, mychi i pri y katha ali teang ai. Nichi ly cho chanau neangneang sa iy, khumi peung u ai.

JEREMIA 3:18

Israela ly Juda hawi amkawm iy khumichi hawi vanrei, nangchi i amsi pajochi teng y kaimy pei nai pri y, tosyh mang dengdairei ang jeu u ai,” nanai thui hai bo.

JEREMIA 31:8

Kai ly huni khumichi ai tosyh mang dengdairei kapahawi ai. Nichi ai khaileaung katem i nai kapahawi ai. Nichi hawi vanrei mei kamjuchi hawi, kheu kambaichi py, neampachy jeubomchi hawi tapen enten nai neampachychi py abang u ryp ai. Nichi ly cheng kalenchi kamta ang vawi u ai.

JEREMIA 46:27

“Kai i khumichi awi, jei u moh, Israela khumichi awi, kaso tahyn theu u moh. Nangchi ai langheng y hawi iy dei u ai nai pri, huni pri kamlora i dengdairei, nangchi ai kaimy atleu ai. Nangchi ly vawi u ali teang iy tlamsa naimy awm u ai. Chymme naira awm ai; ami my py nangchi ai ka-jeira tym hai ai ny y.

Ezekiela 29:21

Huni atitichi tym nai khala y kai ly Israela chengchi ai atho ham hai ai. Naibaly Ezekiela awi, kai ly Areng ne, nanai khumi bawibawichi pany thai ai nai, nang ai thui hai ai,” napi.

Ezekiela 37:21

Hunaibaly sa thai naira angym nai kai Areng ly Israela chengchi ai, nichi tym nai khumi cheng cheaungkhangchi theung i nai pangym achu chum baly, mymychi i saleaung khuteng pri y kapahawi ai, nanai nichi teng y thui pi.

HOSEA 11:11

Tavochi kamta Aikupta pri i dengdairei py, buhu kamta Asuria pri i dengdairei py, akheang u kaliki ai. Kai ly nichi ai mychi i saleaung khuteng y hawi ali teang ai. Hini ly kai, Areng my pei nai leu ne.”