MIKHA 7:10 - Khumi Common Language Bible

¹⁰ Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

MIKHA 7:10 Iomraidhean Croise

2 SAMUELA 22:43

Kai ly nichi ai tamyh nai deaungkho y, nichi ly spryh kamta dei lawm u na bo; lam salo i aneaung kapan chiu nai kamta, kai ly nichi ai kachiu bo.

SAM 109:29

Kai i paleung ka-echi ly tahm awm u moh sy; nichi ly angji ngailai nai hawimy, mychi ai kanih kamta khiu na sy.

SAM 115:2

“Nangchi i Tameuh ly ma y awm mo?,” nanai khumi cheng cheaungkhangchi ly ati mana nai y kaichi teng y deng u lawh mo?

SAM 18:42

Ali my hm iy ahei pawn nai spryh kamta lawm hai ai nai nichi ai kaimy tamyh pawn bo. Lam salo i aneaung kapanchi kamta, nichi ai kaimy chiu piupa bo.

SAM 35:26

Kai i patang nai molam y paleung amo theu nai khumichi ly khri pa-rei sum iy, ahei u phro na sy. Mymychi ai kai tleaung y hawi keh, nanai thui nai khumichi ly kangji nga iy meimai phra u na sy.

SAM 42:10

Kai i paleung ka-echi my, “Nang i Tameuh ly ma y mo?,” nanai kai ai avawvawirei angdeng i, nichi mei aniu y nai molam y, kai ly khri pa-rei paleung phra atho di bo.

SAM 42:3

Kai ly vum, kanithun vo nai deaungkho y, mei katuichi ly kai i teicha teinei lawm na bo. Paleung ka-echi my kai teng y, “Nang i Tameuh ly ma mang y awm mo?,” nanai avawrei angdeang u bo.

SAM 58:10

Khumi kahawichi ly kamngo sa nai khumichi ai pajeng naira avum nai niu nai khala, amo theu u ai; nichi ly khumi aso y naichi i thi y kheu asi u ai.

SAM 79:10

“Nangchi i Tameuh ly ma mang y mo?,” nanai khumi cheng cheaungkhangchi ly ati mana nai y deng u lawh mo? Nang i khumichi i thi leaung hai nai khumichi i tlang tleaung y kamngo pajeng nai ly kaichi niu ai nai ngai.

SAM 92:12

Khumi kahawichi ly chamleaung keungchi kamta, apu parai naimy awm ai; nichi ly Lebanon mawi i saitleang keungchi kamta, achaw angvai ai.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 41:25

“Kai ly nisi pri mang i khumi leaungrei ai vawi yb bo. Ni ai palau iy tosyh mang dengdairei tiu hai ai. Laawm beu nai keung ly khaileaung laikan ai kheu hawi ati piu nai kamta, ni ly pri peang nai samrangchi ai chiu piupa ai.

JEREMIA 49:15

Areng ly nangchi i pri ai atho bai hai iy, ami py nangchi ai tahm ang khai u ai ny y.

JEREMIA 51:24

Areng my, “Jerusalem mary ai Babulon mary i khumichi my sa nai hawi y nairachi molam y, kaimy vawitheung tha nai ly nangchi nui u ai.

JEREMIA 51:51

Nangchi my, ‘Kaichi ly tahm anem iy kangji kanga u bo. Achura yhm i meingtym kachaichi ai cheng takhra khumichi my peang vui nai deaungkho y, kaichi ly jeaungmang u nai ne,’ nanai thui u bo.

Ezekiela 7:18

Nichi ly paisiu akhiu iy ngan tlang verei kaso tahyn theu u ai. Lu tabiuliu iy kangji kangai nga u ai.

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.

JOELA 2:17

Maicham hawi Achura yhm katheu pa-kho sala y Areng i kalop sa nai pathyp pi nai keungchi ly vo naimy chiu sa ai; “Aw Areng, nang i khumichi ai pahen pi kyh ba. Cheng takhrachi ly ‘Nichi i Tameuh ly ma y mo?’ nanai thui i, kaichi ai niu ngai y iy panui hai u moh sy,” nanai chiu sa u ai nai tla ai.

OBADIA 1:10

“Nang ly nangmy i amjo amnauchinapi nai Jakob i katu chanauchi ai lawm iy padei nai deaungkho y, taphra nai avum ai. Deungtasarei kangji nga ai.

OBADIA 1:12

Nang ly Juda pri i nangmy i amjo amnauchi, taham kasi avum nai ai paleung ateng hai ai nai avo y. Nichi phra nai kani y amo theu ai nai avo y. Nichi paleung bi u nai thym khala nang ly amlyh ai nai avo y.

MIKHA 4:11

Khumi cheng neangneangchi ly nangchi ai tiu ai nai, jeu achu u bo. Nichi my, “Jerusalem mary taphra u sina! Achi ly mary kaphra niu nai deaungkho y amo theu u ai!,” nanai thui u bo.

MIKHA 7:8

Kaichi i paleung ka-echi ly kaichi i kamngo nai molam y amo theu ai nai lam by y. Kaichi atlym i py, ang thau teang ai. Vai i neng y kaichi ly kaveng theung y awm i py, Areng ly kaichi i tlang tleaung y kangvang sangso tym hai ai.

ZEPHANIAH 3:15

Areng ly nangchi i kamngochi taphra ai; Mymy ly nangchi i paleung ka-echi ai, tama hai vui bo. Israela chengchi i samrang Areng ly nangchi hawi vanrei awm; Vai, nangchi ly jei ai naira by y leang bo.

ZEKHARIAH 10:5

Juda khumichi ly lamchira i aneaung kapan theung y, paleung ka-echi ai chiu piupa nai tavaimichi kamta, eaung naira nga u ai. Areng ly nichi hawi vanrei awm nai deaungkho y, nichi ly paleung ka-e keaungngo atang nai risachi ai malawn py tiu nai pajau vui ai.

MALAKHI 1:5

Israela chengchi ly mychi kypkyp naimy, hini atitichi niu u nai deaungkho y, “Areng ly Israela pri angam mang y malawn py, sa thai naira phum-ang awm na lawh ly!” nanai thui u ai.

MALAKHI 4:3

Kai i tara chih ai nai neng kani khala y, khumi hawi y naichi ai eaung naira nga u ai. Nichi ly nangchi kheu padawi anui i spryh kamta lawm ai.

MATTHAI 27:43

Ni ly Tameuh ai ym chy bo; hawi mang, mymy ly ni ai ngai baly vai palawi sy; ‘Kai ly Tameuh i Chapo ne,’ na chy bo,” napi nai panui hai u.

JOSUA 7:9

Kanan cheng dengdairei, hini pri y awm nai khumi bawibawichi ly huni satang thai u i, kaichi ai katanmeuh iy leaungrei py tleaung y na pa-rei ang tleh u ai. Huna nai khala, nang i nang parai nai sai khumichi my tahm panem y ai nai mana sa ai mo?” napi.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.