MIKHA 6:7 - Khumi Common Language Bible

⁷ Kai ly beram sang neangneangchi ai py, olive asitui tavo leaung na pa-rei py, kasyn baly Areng my kawn pi na a? Kai i kamngo lawi ai nai nang teng y kai i chapo chalu talam ai a?

MIKHA 6:7 Iomraidhean Croise

2 ARENG KEH 16:3

Israela samrangchi i sa nai kamta sa. Ni ly Israela chengchi my tavai tiu nai thym khala, Areng my patheu pi vui nai khumichi i amso ngai hawi nai reitachi kamta sa iy, amy i chapo ai malawn py leng patlum nai kapathypra palawn nai mynchi teng y talam bo.

2 ARENG KEH 21:6

Ni ly my i chapo ai py leng patlum nai katalamra palawn iy apathyp nai ne. Dawi kawp naichi hawi mo mang i satang thui kawp naichi amtiu iy, leung sarachi, vawinam pakun kawp naichi hawi amkawm. Ni ly Areng i tlang tleaung y khri pa-rei kamngo sa i, kado patheu nai ne.

2 ARENG KEH 23:10

Huni bo baly ami py Mole tameuh teng y cho chanauchi ai mai y leng patlum nai kapathypra talam pajau y ai nai, samrang Joseah ly hinnom leaunghawira i mynchi ai chiu nai Topheth napi nai meingtym ai py, chai nem hai y bo.

2 ARENG KEH 3:27

Hunai deaungkho y ni ly my i meingtym amtym ai nai chapo chalu ai, mary apai salo y Moba tameuh teng y apathyp vui bo. Huna nai khala Israela chengchi ly jei u i, Moba chengchi i tameuh my saisairei so hai lawh na mo, nanai jei nai deaungkho py, ti y baly Israela chengchi i Areng Tameuh my saisairei so hai lawh na mo, nanai jei nai deaungkho py, huni mary i nai anaw iy mymychi i pri mang y vawi u bo.

JOBA 29:6

Kai i sichi, mi-ichi teng i kanu hang neangneang nga; kai i Olive keungchi ly lengseaung nawi nai meingtymra y malawn py, prau nai ne.

SAM 50:9

Na i py nangchi i hai theung y awm nai si kataichi ai py, nangchi i mi-i kanghu theung i mi-ichi ai py, kai aly ngai y.

SAM 51:16

Nang ly apathyp naira aly ngai y; ti y khyly, kai ly apathyp ai. Nang ly leng patlum nai katalamrachi aly ngai y bo.

SAM 51:18

Aw Tameuh, Zion mary ai pahen iy sabawm kyh ba; Jerusalem mary apaichi ai so pi teang kyh ba.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

ISAIA 1:1

Hini cha-iu theung y Juda samrangchi napi nai Uzia samrang, Jotham samrang, Ahaz samrang hawi Hezekia samrangchi i deung y Juda pri hawi Jerusalem mary tlang tleaung y ati mana tym ai mo, nanai Amoz i chapo Isaia teng y Tameuh my pei nai amo leuchi abawi nai ne.

ISAIA 40:16

Lebanon mawi y awm nai daichi mawi ngiereichi ly achi i Tameuh teng y apathyp ai nai aleu y. Huni daichi theung i dengkeaung keungchi py, mai paeng ai nai lawm y.

JEREMIA 19:5

mychi i cho chanauchi ai leng patlum nai kapathypra talam ai nai, Bala tameuh i vui meingtym ka-sangra y maichamchi sa u nai ne. Mychi i cho chanauchi ai hini bala tameuh teng y mai hawi leng patlum hai ai nai, kai ly mana khala py leu pei vai y, thui py thui vai y, paleung y py dawn y.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

JEREMIA 7:31

Nichi ly mychi i cho deaungdichi ai leng patlum iy apathyp ai nai hinnom leaunghawira y Topheth, napi nai maicham sa u bo. Huna nai sa ai nai nichi ai leu pei y, paleung ka-dawn py by y.

Ezekiela 23:37

Nini ly kamleaung sa nai, khumi ai padei nai, mynchi ai juvo palawn iy kai hawi nga nai chanauchi ai padei bo. Nini ly kai i chanauchi ai mynchi teng y apathyp hawi nai ne.

HOSEA 5:6

Mychi i beramchi hawi sichi ai Areng teng y apathyp ai nai syn u teu i py, atyhtyh teu. Mymy ly nichi ai khai su veng bo i, nichi ly mymy ai niu pajau u y leang bo.

HOSEA 6:6

Kai ly nangchi i tawnbawi hawi apathyp nai aly ngai y, nangchi teng i tamen naira naini ngai khyh. Kai i khumichi my kai teng y leng patlum nai kapathypra talam nai tleaung y, kai ai pany u naini aly ngai khyh nai ne.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Levi 20:1

Areng my Mosi teng y

AMOS 5:22

Nangchi i leng patlum nai kapathyp, teicha teinei talam naichi ai kai aly ngai y. Veung hawi nai tawnbawichi hawi apathyp nai py, kai aly ngai y.

PHILEMON 1:12

mymy kypkyp ai ly, kai i paleung khypkhyp ai ly nang teng y kang pato bi bo;

TARA CHIH NAI KEUNGCHI 11:31

kai ai lamchung ai nai yhm i theu man nai khumi ai, leng patlum nai kapathypra palawn iy, nang teng y kang talam ai,” napi.

TARA CHIH NAI KEUNGCHI 11:39

Lo nyhrei bo baly ni ly ampo teng y vawi ali teang. Ampo py Areng teng y, my i adeu nai kamta sa nai deaungkho y, anglo ly anglo thym naimy deung tlum nai ne. Huni ly Israela cheng theung y reita lawm bo.

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.