MIKHA 6:6 - Khumi Common Language Bible

⁶ Kani pri mang y awm nai Areng Tameuh teng y chiu sa ai nai jeu nai khala y, kai ly ati kapathypra syn ai mo? Veung hawi nai si cho ai leng patlum ai nai kasyn ai a?

MIKHA 6:6 Iomraidhean Croise

2 SAMUELA 21:3

Hunai deaungkho y Davida ly Kibeon mary i khumichi ai palau iy, “Kai ly nangchi i vui ati kang sa pi ai mo? Nangchi ly Areng i khumichi ai amtheaung naira pei u ai nai, kai ly nangchi i avum nai hawi y naira molam y, sai sairei kang sa pi ai nai ngai,” napi.

SAM 116:12

Areng ly kai ai hawi hai nai deaungkho y, kai ly mymy ai ati talam pi ai mo?

SAM 22:29

Paleung len nai khumi bawibawichi ly nang teng y lu meung u ai. Dei nai amjy khumi bawibawichi ly nang i mo y lu meung u ai.

SAM 95:2

Kawn nai leu thui naimy mymy i mo y chei u sina; amo theu parai naimy palo nai khulymchi thui u sina.

SAM 95:6

Jeu u, mymy ai lu meung iy chiu u sina; achi ai sa nai keung Areng i mo y, kheukhu di u sina!

THEU NAI 12:5

Beram ny y baly mi-i ha harei khai patyp sy; na i py no-na by y nai sanengrei awm khyp nai veung kahawi katai ne sy.

THEU NAI 23:15

Tako angbo abawi y nai pawi sa ai nai tla. Kaimy leu pei nai kamta Aikupta pri i dengdairei theu nai Abiba lo y kani saryhrei angbo abawi y nai tako cha ai nai tla. Ami py katalamra syn y naimy, kai teng y ahi hawi iy chiu ai nai so moh.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

ISAIA 40:16

Lebanon mawi y awm nai daichi mawi ngiereichi ly achi i Tameuh teng y apathyp ai nai aleu y. Huni daichi theung i dengkeaung keungchi py, mai paeng ai nai lawm y.

JEREMIA 6:20

Seba pri i dengdairei nichi syn nai kathan py, pri kamlora i syn nai mui katui py, kai aly ngai y. Nichi i katalamrachi kai ngai y; nichi i kapathyprachi py kai ngai y,” napi.

Ezekiela 46:9

“Mani pawi kani y py ne sy, Areng y chiu ai nai khumichi jeu u nai khala, tosyh katheu pa-kho mang kun naichi ly chiu sa chum baly tokalawi katheu pa-kho mang theu u ai nai tla. Tokalawi katheu pa-kho mang kun u baly, tosyh katheu pa-kho mang theu u ai nai tla. Ami py ne sy, amy i kun nai lam mang ali teang ai nai ngo y. Khumi luteng ly mymychi kun nai katheu pa-kho mang ali teang y naimy, mo kataw tako jo iy theu ai nai tla.

DANIELA 3:26

Hunaibaly samrang Nebukhadnezar ly khri pa-rei angveaung nai mai pui kangveaung pa-khora chei iy, “Tahm asang keh nai Tameuh i miseaung Sadraka, Meshaka hawi Abedanekochi awi, mai pui theung i nai theu u,” napi. Naibaly nichi ly vaimy theu u bo.

DANIELA 4:9

Kaimy ni teng y, “Leung sarachi i len keh nai Beltesazar awi, nang teng y chai parai nai tameuhchii phailo awm nanai py, thiu parai nai ati cheaungkhangchi ai nang ly pany thai nanai py, kai pany. Amang mang y kai i niu nai tangai iy, mo mang i satang kai teng y thui pi pachai ba.

DANIELA 5:18

“Tahm asang parai nai Tameuh ly ngampo samrang Nebukhadnezar teng y peang nai sa thai naira hawi tahm asang parai nai samrang leaungrei lawm hai iy, tahm awm nai hawi phum-ang angym hai bo.

DANIELA 5:21

Ni ly khumi kamkawm theung i nai patheu vui nai avum iy, amso tawnbawi paleung kun bo. Ni ly daichi keaungngo kano kasau karamchi hawi vanrei awm iy, si kamta acha cha nai ne. Abyhra by y naimy, kadam theung y i ai nai tla bo. Kangkhym y ly tahm asang parai nai Tameuh my khaileaung pri verei ai peang iy, mymy i ngai nai khumi ami ai py ne sy, huni prichi ai pei pajau, nanai samrang ly adawn vau nai ne.

HOSEA 5:6

Mychi i beramchi hawi sichi ai Areng teng y apathyp ai nai syn u teu i py, atyhtyh teu. Mymy ly nichi ai khai su veng bo i, nichi ly mymy ai niu pajau u y leang bo.

AMOS 5:22

Nangchi i leng patlum nai kapathyp, teicha teinei talam naichi ai kai aly ngai y. Veung hawi nai tawnbawichi hawi apathyp nai py, kai aly ngai y.

MATTHAI 19:16

Naibaly khumi leaungrei ly mymy teng y chei iy, “Sara awi, deungtasarei heng naira kanga thai ai nai kahawi atiti kasa ai mo?” napi.

MARKA 12:33

naibaly mymy ai ly paleung verei hawi, pany thai naira bawibawi hawi, atho bawibawi hawi tamen ai nai py, amymy ai atamen nai kamta saleaungchi ai tamen ai nai py bom leng nai atiti talam nai hawi apathyp naira bawibawi tleaung y khri pa-rei hawi keh,” napi.

MARKA 5:7

naibaly tao pajeng parai pa-rei my aeu nai, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Kai ai patang hai y ai nai Tameuh i amyn y kang takeng nai he,” napi.

LUKA 10:25

Naibaly khen cham, Reita pany nai keung ami mo angdo i mymy ai cham ai nai, “Sara, deungtasarei hengra nga ai nai mana kasa ai mo?” napi.

JOHAN 6:26

Naibaly Isu my nichi teng y, “Meitang khyp kang thui pi, nangchi ly kai i rengrang sa naichi niu nai deaungkho y kai ai hau nai ny y leang, nangchi ly tako phi cha nai kajeu kawi nai deaungkho y teu.

AMTAW 16:17

Huni anglo ly Pawla kaichi ai hui iy, “Hini khumi paheng nai lam ang thui pi nai keungchi ly Salo Keh i Tameuh i miseaungchi na a hi ly,” nanai aeu.

AMTAW 16:30

“Arengni awi, hengra nga ai nai mana kasa ai mo?” napi.

AMTAW 2:37

Naibaly huna nai leu thai i nichi i paleung y thun iy Petera hawi abangnai takhrachi teng y, “Amjo amnauchi awi kaichi mana sa ai mo?” napi.

EPHESI 3:14

Huna nai y mymy i nang parai naira i nang nai sai kamta mymy i Phailo i saho y theung mang i khumi mang y ly sa thai naira y nangchi ai ham hai naira ang pei thai ai nai hawi,

HEBRAI 10:11

Naibaly pathyp pi nai keung bawibawi ly mymy i sa avo nai kamta kani tleirei sa iy, kamngo nairachi mana khala y py tamo hai pajau y nai apathyp jojo naira talam nai angdo reng;

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.