MIKHA 6:5 - Khumi Common Language Bible

⁵ Kai i khumichi awi, Moba samrang Balak my, nangchi phra tleaung phra ra ai nai mana dawn mo, nanai py, Bera i chapo Balam my samrang teng y ati mana thui pi mo, nanai py, pany u jo. Akasia taira i dengdairei, Kilakala mary mang chei nai lam y avum nai leaungsaichi pany u jo baly, Areng ly nangchi ai ati mana atleu pi mo, nanai nangchi pany u ai,” napi.

MIKHA 6:5 Iomraidhean Croise

SAM 111:4

Areng ly mymy i sa nai lyh ai hawi parai naichi ai, achi my tami y ai nai ang sa pi; mymy ly pahen naira, tamen naira hawimy kawi angym bo.

SAM 143:11

Aw Areng, nang i adeu nai kamta kai ai atleu kyh ba; nang i neaung hawi naira hawimy, kai ai ngari kamtangra i nai atleu pi kyh ba.

SAM 36:10

Nang ai pany nai khumichi ai tamen jojo kyh ba. Khumi kahawichi ai pahen pi jojo kyh ba.

SAM 71:19

Aw Tameuh, nang i leu meitang adyh adawi nai ly kani mang y khrairei tym nai ne; ati mana nai mo nabaly nang ly nang parai nairachi sa nai deaungkho y ne. Nang hawi atawm nai khumi leaungrei py by y.

ISAIA 1:27

Areng ly hawi nai deaungkho y, mymy ly Jerusalem mary hawi uikheih nai khumi ngiereichi ai atleu ai.

Kati Nai 22:41

Kani pa-nyh khawn mang y samrang Balek ly Israela cheng phyreichi my niu pajau nai Bamoth Bala mawi aheung y Balam ai hawi jo nai ne.

Kati Nai 23:27

Naibaly Samrang Balek my Balam teng y, “Meingtym takhra mang y abang rai; nang ai huni mang dengdairei nichi ai pasawi ai nai, Tameuh my aly ngai tan ngai lym ai,” napi.

Kati Nai 25:1

Israela chengchi ly Akasia leaunghawira tai u nai thym khala, neampachochi ly huni meingtym y awm yb nai Moba neampachychi hawi tamang u nai ne.

Kati Nai 25:2

Huni neampachychi my Moba tameuh teng y apathyp nai pawi sa naira y nichi ai palau. Israela chengchi ly Peor meingtym i Bala tameuh teng y apathyp nai teicha teinei cha iy,

Kati Nai 31:16

Hini neampachychi ly Balam my tau pei nai kamta, Peor meingtym y awm nai thym khala Areng ai ym y ai nai Israela neampachochi ai taphra nai ly pany u. Huna nai kamngo sa nai molam y, Areng i khumichi ai no kanghawi tym hai nai ne.

Kati Nai 31:8

Midian samrang leaung pangreichi Evi, Rekem, Zura, Hura hawi Rebachi raurei, neampacho bawibawichi ai tleh pawn nai ne. Beora i chapo Balam ai py tleh vui bo.

EPHESI 2:11

Hunai deaungkho y jangni y nangchi, tlang y Cheng Takhra awm nai, tlang mang y kiu y sa nai “Lengkhym Takip” napi naichi my ly nangchi ai “Lengkhym Takip y” nanai napi naichi awi;

Leu Thui Nai 16:3

Nangchi ly Aikupta pri i dengdairei theu u kathawnkarawn nai thym khala, angbo abawi y nai tako cha u nai kamta, Katlen vui nai Pawi sa baly, angbo abawi y nai tako kani saryh ryrei cha ai nai tla. Nangchi ly ngari kamtang avum nai Aikupta pri i dengdairei theu u nai kani ai, deungtasarei pany jo ai nai, ngari kamtang napi nai angbo abawi y nai tako cho u.

Leu Thui Nai 23:6

Nangchi i pri khaw jo nai ryrei ly huni khumi chengchi i vui hawi ai nai hau u moh, sabawm py sabawm u moh.

Leu Thui Nai 8:18

Nangchi i Areng Tameuh my pei nai sa thai naira y naini yhmtheaung katuichi nang nai tei, nanai pany u. Huna nai sa thai naira ang pei nai ly mymy ly nangchi i amsi pajochi hawi asa nai leu Maikawm ai vaini khrairei, khaw hai nai deaungkho y ne.

Leu Thui Nai 8:2

Nangchi i Areng Tameuh ly law veng nai saneng vui palyhrei sala, nangchi ai pahawi iy daichi ka-vym tako hai prei bo. Huni thym khala nangchi ly reita leu pei naichi patawm ai nai ngai mo, ngai y mo, nanai cham ai nai nangchi teng y ngari kamtang cheaungkhang tym hai nai ly pany u.

Leu Thui Nai 9:7

“Nangchi ly daichi ka-vym theung y awm nai thym khala, nangmychi i Areng Tameuh ai kado theu nai ly tami u moh. Nangchi ly Aikupta pri i nai theu nai kani dengdai, hini meingtym y tym nai kani khrairei mymy ai tiu u bo.

JOSUA 2:1

Naibaly Josua ly Kanan pri i awm nai sai, ngai keh nai ly Jeriko mary i awm nai sai khen paviu ai nai, Tai naira Akasia meingtym dengdairei, khen paviu ai nai khumi leaung nyhrei pato; nini ly Jeriko mary y tym nai khala, bimanu Rahabi i yhm y jeih hawi bo.

JOSUA 3:1

Huni bo i kani khawn angthodyh y Josua hawi Israela cheng bawibawichi ly Akasia Taira i dengdairei Jordan tavo mang y theu u bo. Tavo angpeang y rai khala, tavo peang y tai u.

JOSUA 4:19

Khumi bawibawichi ly angchei lo kani horei kani y, Jordan tavo angpeang u chum baly, Jeriko mary nisi mang i Kilakala meingtym y Tai u nai ne.

II PETERA 2:15

Nichi ly Bosara i chapo Balam, kamngo sa nai vang ngai parai nai keung i lam y tako chum nai deaungkho y, lam kateng ai ly khai u su i, lam tamang veng bo;

I JOHAN 1:9

Achi ly achi i kamngochi ahui baly, mymy ly achi i kamngochi pahen ai nai hawi, achi i hawi y naira bawibawi pachai ai nai py ka-ym nai hawi, hawi nai py ne.

JUDA 1:11

Nichi ly taham si! Mymychi ly Kaina i lam y tako i, vang nga ai nai Balam i tamang naira y angpreng lengleang naimy, korah i aei naira y ly tama nai bo.

AMTENG HAI NAI 2:14

Na i py kai ly sai sairei nang i tlang tleaung y thui ai nai awm; Balam i patiu naira patawm nai keung amichi mo nang teng y awm. Ni ly myn y chiu nai apathyp nai mawi cha ai nai hawi, angai ai nai py Israela kangpreangchi i mo y atlym naira khai pi ai nai Balaka ai patiu.

TARA CHIH NAI KEUNGCHI 11:25

Nang ly nangmy ai Moba samrang, Zipor i chapo Balek tleaung y len keh, nanai dawn a? Ni ly Israela chengchi ai ka-jo hau iy tiu vai nai sai a?

TARA CHIH NAI KEUNGCHI 5:11

Tangai u! tuikanchi sahawi y tukulula nai khumi mipuichi ly Areng i eaung nai pawi satang py, Israela chengchi i eaung nai pawichi satang py, thui u nai ne. Huna nai khala Areng i khumichi ly mymychi i marychi dengdairei amsa u bo.

1 SAMUELA 12:7

Nangchi ly vai, ang thau ly angdo u; Areng i mo y nangchi ai kang neng hai ai; mymy ly nangchi hawi amsi pajochi ai, rengrang tlai atleu pi nai ai pany u jo ba.