MIKHA 6:4 - Khumi Common Language Bible

⁴ Kai ly nangchi ai Aikupta pri i dengdairei kang pahawi iy miseaung i nai atleu pi bo. Nangchi ai lam patei ai nai Mosi, Aron hawi Miriamchi ai kang pato pi nai ne.

MIKHA 6:4 Iomraidhean Croise

2 SAMUELA 7:23

Mani cheng py nang i khumi Israela cheng hawi pata pajau y. Nang ly nangmy i khumichi tavai amsa nai thym khala y, takhra khumichi hawi nichi i tameuhchi ai patheu pi pawn nai ne. Aikupta pri y miseaung i nai lawira nga nai khumichi ai, nangmy i khumi lawm hai bo.

SAM 77:20

Nang ly Mosi hawi Aron nini i lu sa nai hawimy, nangmy i khumichi ai, beram tym nai keung kamta pahawi bo.

THEU NAI 12:51

Huni kani y my Areng ly Israela chengchi ai, Aikupta pri i dengdairei theu hai khyp nai ne.

THEU NAI 20:2

“Kai ly nangchi ai miseaung achei nai, Aikupta pri i dengdairei pahawi nai keung nangchi i Areng Tameuh ne.

THEU NAI 3:10

Kai i khumi Israela chengchi ai Aikupta pri i nai patheu iy pahawi ai nai, vai kai ly nang ai Aikupta samrang teng y kang pato ai,” napi.

THEU NAI 4:10

Na i py Mosi ly “Aw Areng, kai ai pato mo kyh; kai ly leu haidau by y, nangmy kai ai leu pei nai thym khala malawn py leu haidau by y, kai ly labeaung palai ham y nai ne,” napi.

THEU NAI 4:16

Ni ly Israela chengchi teng y thui pi ai nai awm nai ngierei, nang i jeng y thui pi ai. Ni ly nang i leu thui pi pateang nai keung lawm ai. Ni py nang i thui nai ngiereichi ai Tameuh i leu kamta palawn ai.

THEU NAI 6:27

Israela chengchi ai Aikupta pri i nai theu ai nai samrang teng y hnei nai ly Aron hawi Mosi nini ne.

JEREMIA 32:21

Paleung ka-echi ai jei hyn hai ai nai rengrang ka-ma-rachi hawi lyh ai awm naichi hawimy, nang ly nangmy i sa thai nairachi teaung iy nang i khumi Israela chengchi ai Aikupta pri dengdairei theu hai bo.

AMOS 2:10

Kai ly nangchi ai Aikupta pri i dengdairei, kang pahawi nai ne. Daichi ka-vym theung y saneng vui palyh ryrei pahawi iy, Amori khumichi i pri ai nangchi peang ai nai kang pei bo.

Kati Nai 12:1

Mosi ly Midianneampachy leaungrei ai pom nai deaungkho y Miriam hawi Aron nini my, huni molam y leu nawi hai nai ne.

Kati Nai 33:1

Mosi nini Aron my lu sa iy Israela chengchi ly Aikupta pri i dengdairei cheng theaung ka-thui ka-thui theu u i, nichi i khuleaung satang pany hai ai.

AMTAW 7:36

Mymy ly Aikupta pri y hawi, Pangli Tui Kamsen y hawi daichi ka-vym y saneng vui palyhrei sala y py atiti rengrang hawi ka-ma-rachi patei veng iy, mymychi ai theu hai iy pahawi bo.

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

Leu Thui Nai 24:18

Nangchi ly Aikupta pri y miseaung achei vai nai ai py, nangchi i Areng Tameuh ly nangchi ai atleu nai ai py pany u; hunai deaungkho y kai ly nangchi teng y hini reita kang pei nai ne.

Leu Thui Nai 4:20

Na i py nangchi ly tamang mai kangveaung kamta lawm nai Aikupta pri i dengdairei Areng my pahawi nai khumichi ne. Mymy i khumichi lawm ai nai nangchi ai pahawi bo. Hunai deaungkho y nangchi ly mymy i khumichi lawm iy, vaini khrairei khaw jo nai ne.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

Leu Thui Nai 5:6

‘Kai ly nangchi ai Aikupta pri miseaung i nai atleu pi nai, nangchi i Areng Tameuh ne.’

Leu Thui Nai 7:8

Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.

Leu Thui Nai 9:26

Naibaly kai i chiu sa nai ly ‘Sa thai naira awm nai Areng, nang i sa thai naira atho hawimy Aikupta pri i dengdairei pahawi nai, nangmy i khumichi ai tamyh moh kyh.

1 SAMUELA 12:6

Samuela my thui bi nai ly “Mosi hawi Aron nini ai vawi takhra nai, nangchi i amsi pajochi ai Aikupta pri i dengdairei pahawi nai keung ly Areng ne.