MIKHA 6:2 - Khumi Common Language Bible

² Khaileaung y khaw hai nai sangum langdeng mawichi awi, Areng i leu pei nai tangai u! Areng ly mymy i khumichi teng y thui tamawn ai nai awm nai ne. Mymy ly Israela chengchi ai thui tamawn ai nai leu ka-rum awm.

MIKHA 6:2 Iomraidhean Croise

2 SAMUELA 22:16

Areng ly paleung ka-echi tlang tleaung y kado theu iy hang hai nai khala, suida pangli paichi hawi khaileaung i langdengchi amteng seaungkhrang na bo.

2 SAMUELA 22:8

Hunaibaly Tameuh i kado theu nai molam y khaileaung ly amchyh na; kani mang i atitichi ly ahyn u bo.

SAM 104:5

Nang ly khaileaung ai mana khala py, asyh vui pajau y na pa-rei langdeng pala iy khaw hai typ bo.

LEU KACHENG 8:29

Mymy ly pangli tuichi py leu pei nai ryrei, tui tym khyh ai nai leu pei nai neng y kai ly hu y awm. Khaileaung i sangum langdeng panui nai neng khala py, kai ly awm yb nai ne.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 3:13

Areng ly mymy i kalop ai patei pi yb bo. Mymy ly khumi cheang cheaungkhangchi ai tara chih ai nai angchi yb nai ne.

ISAIA 43:26

“Tara jeung y achi chei u sina; nangchi i neng hai nai jeu hai u! Nangchi mang i teng, nanai pany hai naira patei pi ai nai, nangchi i ka-jo ka-thui amti pi u.

ISAIA 5:3

Hunai deaungkho y kai i ahawi my, “Nangchi Jerusalem mary i khumichi hawi Juda khumichi awi, kai hawi kai i kreip akhobai sa nai khen u cham.

JEREMIA 2:9

“Hunai deaungkho y kai ly nangchi ai tara kang chih bi ai. Nangchi i katu chanauchi ai py tara pasau ai,” nanai Areng my leu pei bo.

JEREMIA 25:31

Areng ly khumi cheng cheaungkhangchi ai tara pasau ai. Mymy i raawi ly khaileaung katem y khrairei avah na ai. Mymy ly khumi bawibawichi ai chih iy khumi hawi y naichi ai padei ai. Hini ly Areng i thui nai leu ne,’ nanai thui pi,” napi.

JEREMIA 31:37

Khumichi ly kani khusang ai saju angka pata pajau iy khaileaung i sangum langdeng ai hau nai niu khala naini, mymy ly Israela khumichi ai nichi i sa nai kamngochi molam y kaimy khai su ai. Hini ly kai, Areng i thui nai leu ne.

HOSEA 12:2

Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.

HOSEA 12:3

Nichi i amsi pajo Jakob ly amhm taku theung y awm nai khala my, amjo Esaw hawi ajo hawi bo. Jakob ly tleaungri acheang nai khala y, Tameuh ai ka-awi sa iy ajo hawi nai ne.

HOSEA 4:1

Israela chengchi awi, Areng i leu pei nai tangai u. Hini pri y awm nai khumichi ai Tameuh my seu nai awm. Mymy ly “Hini pri y ly tamen naira, ka-ym awm naira by y. Kai ly Tameuh ne, nanai khumichi my pany u y.

MIKHA 6:1

Israela chengchi ai Areng i thui tamawn nai leu pei nai tangai u. Aw Areng, ang thau ly nang i thui tamawn nai thui pi ba. Nang i leu pei nai ly mawi hawi mawi aheungchi thai u na sy.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.

Leu Thui Nai 4:26

Huna nai tamang u baly nangchi cheng ly huni pri i nai kra y naimy tama vui ai, nanai kai ly kani hawi khaileaung ai tau iy vaineng abeu bo. Nangchi Jordan tavo angpeang iy peang vui ai nai pri y kra parai pa-rei awm ai nai ngo y naimy, cheng verei tama vui ai.