MIKHA 6:15 - Khumi Common Language Bible

¹⁵ Nangchi ly amti amjang pati u i py, pateung achu ai nai ngo y ai. Nangchi ly olive asitui nip i py, cha ai nai ngo y ai. Kreip athai ati i py, kreip hang nei ai nai nga ai ny y.

MIKHA 6:15 Iomraidhean Croise

JOBA 31:8

kai i amti amjangchi ly phra pawn sy. Kai i li ra i theu nai ly khumi takhrachi i vui teicha teinei lawm sy.

JEREMIA 12:13

Kai i khumichi ly choh pati teu i py, kabeng alengchi naini tyn u ai. Nichi ly khri pa-rei kalop sa u teu i py, ati sai py kamran by y. Kai i kado theu ala nai deaungkho y, nichi ly kaji ai hawi nai athai pakym u ai,” napi.

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

Levi 26:20

Nangchi i khaileaung ly amti amjang thawn ai ny y, thengthai khulawn py athai y nai deaungkho y, nangchi atho no kalop sa nai ngierei ly atyhtyh lawm ai.

AMOS 5:11

Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.

HABAKKUK 3:17

Thaidu keungchira y athai by y, kreip keungchi ly kreip athai athai y; Olive keungchi eaung y, li hlauchira y amti amjang thawn y, beramchi ly dei be i, tawnbawi yhmchi akeu rang teu i py,

ZEPHANIAH 1:13

Khumi takhrachi ly huni khumichi i yhmtheaung katuichi lawm iy, nichi i yhmchi taphra u ai. Nichi ly mychi sa nai yhmchira y, mana khala py awm ai nai nga u ai ny y. Mychi i ui nai kreip akhochira i kreip hang py, nei ai nai nga u ai ny y,” napi.

HAKAI 1:6

Nangchi ly chohpui chomaw neangneang pati u teu i py, maidenreichy naini pakym u khyh. Nangchi teng y teicha teinei awm i py, bym pa-rei cha ai nai aleu y, kreip hang awm i py pavui na pa-rei nei ai nai aleu y, baichu ateaungchi awm i py bi-um na pa-rei ateaung ai nai alawn y, kalop sa keung py kajeu ka-rei kawi pa-rei, sa nai vang ngo y.

JOHAN 4:37

‘Leaungrei ly hei, khumi takhra my tyn,’ nanai leu ly hunira y ly teng parai.

TARA CHIH NAI KEUNGCHI 6:4

Nichi ly Israela chengchi i khaileaungra tai u iy, tokalawi mang i Kaza mary sahawi tengpang y tym pa-rei, amti amjangchi taphra u reng nai ne. Nichi ly beramchi, sichi, keaungngo kano kasauchi hawi, awm nai ngiereichi la pi pawn nai deaungkho y, Israela chengchi i vui cha nei ai nai ati sai py by y na bo.