MIKHA 6:13 - Khumi Common Language Bible

¹³ Hunai deaungkho y kai ly nangchi i kamngo nai molam y, vaimy nangchi ai pajeng iy phra hai ai; leu ka-chawi katheu u bo.

MIKHA 6:13 Iomraidhean Croise

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 14:18

Adym angdeang mang y kachei nai khala y, tavai keung y dei nai khumi tlaiveuchi kaniu nai ne. Mary theung y kun nai khala y, kajeu kanglam y dei nai kaniu bo. Amochi hawi pathyp pi nai keungchi ly mymychi ati sa mo, nanai tamang tyh naimy mychi ngaingai sa u bo.”

TANGAM NAI LEU 1:13

“Mymy ly salo mang dengdairei mai pato i, huni mai ly kai i tlang tleaung y angveaung nai ne. Mymy ly kai ai deaung pateung iy patiu i, khaileaung y patlym. Naibaly ang khai su iy kani khengrei, patang naira avum hai bo.”

TANGAM NAI LEU 3:11

Mymy ly lam teng y kai ai patiu iy, ang theih piupa naimy ang khai su bo.

TANGAM NAI LEU 5:16

Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

HOSEA 13:16

Samari mary i khumichi ly kai ai tiu nai deaungkho y, pajeng naira avum ai. Samari khumichi ly tavai molam y dei u ai. Deaungdichochi ly khaileaung y athyh iy, padei nai avum u ai. Neampachy jeubomchi i kajeu py, phokra nai avum ai.

HOSEA 5:9

Kamngo pajeng nai kani ang tym bo i, Israela chengchi ly phra u ai. Israela khumichi awi, hini ly tym takengkei ai!

Levi 26:16

kai ly nangchi ai kang pajeng ai; asi sa iy hawi thai y nai no-na mo, mei paju hai nai hawi atho di hai nai no-na mo, nangchi teng y kang tym hai ai. Nangchi ly amti amjangchi pati i py, kamran by y ai; ati mana nai mo na baly nangchi i paleung ka-echi ly nangchi ai tiu nai pajau ai i, nangchi i pati nai amti amjangchi cha u pawn nai deaungkho y ne.

MIKHA 1:9

Samari mary i tamo nga naichi ly kahawi so thai y leang. Juda pri py huna nai taham kasi avum ai. Kai i khumichi awm nai Jerusalem mary apai katheuchira y ka-jeira tym ai,” napi.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

MIKHA 7:13

Na i py huni pri khumichi kamngo nai molam y, nichi i awm nai meingtymchi ly khumi by y nai daichi ka-vym lawm ai.

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.