MIKHA 6:12 - Khumi Common Language Bible

¹² Yhmtheaung katui nang nai khumichi ly khumi kamawnchi tlang tleaung y thi pajawp u bo. Nangchi bawibawi ly tapawp nai khumichi ne.

MIKHA 6:12 Iomraidhean Croise

SAM 120:2

Aw Areng, ka-chawi thui reng naichi hawi tapawp hyp reng nai khumichi kiu i nai kai ai atleu kyh ba.

SAM 35:20

Nichi ly adyh adawi hai ai nai leu katheu y naimy, adyh adawi ai ngai nai khumichi satang ai, tengtang y naimy phym iy thui u bo.

SAM 78:36

Na i py nichi ly mymy ai labeaung mang palo hawp iy, palai hawi tapawp naimy hnei u nai ne.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 3:8

Jerusalem mary ly taham si lawh ly! Juda pri py phra lawh bo ly! Nichi i sa nai ngiereichi hawi, thui nai ngiereichi ly Areng hawi ka-awi naini lawm nai ne. Nichi ly Tameuh kypkyp ai mei aniu y nai sa nai ly amthang leaung na bo.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

JEREMIA 9:8

Nichi i palai ly dei asi kaleu nai thailiho chyn hawi atawm. Nichi ly li-tapawp nai leu avawrei katheu u nai ne. Khumi luteng ly amy i yhm deaungpachi teng y leu katui katheu reng teu i py, katheu tatang nai ly nichi i vui deaung pateung pi nai leu ne.

HOSEA 7:1

“Kai i khumichi ai nang chawn hai teang iy, Israela khumichi i no-na tama hai ai ngai nai tleirei y, kai ly nichi i hawi y nai hawi kamngo sa nai ai naini kaniu nai ne. Nichi ly mychi tengtawi atapawp u leungtang nai ne. Yhmchi ateng vau iy yhmtheaung katuichi paviu u. Lam aki aleaung naichi teng i py lawm u bo.

HOSEA 7:13

“Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

AMOS 2:4

Areng my, “Juda pri khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kai i leu pei naichi niu ngai y iy, kai i pei nai reita leuchi patawm u y. Mychi i amsi pajochi ahihawi iy, chiu nai teng y nai tameuhchi mang y mychi naimy abang i, lam tamang u bo.

AMOS 6:4

Kasai nuh kadangchira y aseaung nai khumichi awi, beramcho, sichochi i ngan kanau cha iy, pangpaho nibai tleaung y aseaung naimy akeng anam pataw nai khumichi awi, nangchi i vui ka-jei awm nai neng kani lawm ai!

ZEPHANIAH 1:9

Myn y chiu nai khumichi kamta sa naichi ai py, mychi i yhmkeung yhmy lawm nai vawnsaichi nga angym hai ai nai molam, khumichi ai padei naichi ai py, kaimy tamyh pawn ai,” napi.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

AMTAW 24:9

Naibaly Judachi py, “Huni leu ly hunai kamta ne,” nanai asa hai teang.

ROM AVANGCHI TENG Y PAWLA I CHA PA NAI 3:13

Mymychi i tao ly am-eaung nai angawm ne; Mymychi i palai ly tapawp naira y teaung u, Mymychi i labeaung theung y ly pavui thailai awm;