MIKHA 5:8 - Khumi Common Language Bible

⁸ Daichi mawi kanghu theung y tym nai khrangsi kamta py, beram kanghuchi theung y tym nai khrangsi kamta py, dei kamthum Israela chengchi ly cheng takhrachi theung y tym ai. Khrangsi ly beram kanghuchi theung y kun iy, beramchi ai kei piupa ai i, ami my py atleu pajau ai ny y.

MIKHA 5:8 Iomraidhean Croise

ATITI AWM ANGCHEI NAI 49:9

“Juda awi, nang ly khrangsi atawm i, mawi ai kei naimy tapiu y ang vum teang iy, kheu thawije naimy ambeu bo. Ami py ni ai nam vam y leang.

SAM 104:20

Nang ly vum sa pi nai deaungkho y, veng nai thym khala daichi amso mawichi ly theu u bo.

SAM 44:5

Kaichi ly nang i sa thai naira molam y, paleung ka-echi ai pajau nai ne.

SAM 50:22

“Kai ai dawndan y nai khumichi awi, hini molam y adawn pasym u; ti y lawh baly kai ly nangchi ai kang tamyh pawn ai. Nangchi ai atleu ai nai khumi leaungrei py awm ai ny y.

LEU KACHENG 30:30

Amso mawichi theung y atho awm keh iy, ami ai py jei y nai khrangsi,

ISAIA 5:29

Nichi i aeu nai katyn ly mawi ai kei naimy ryh iy ni teng i nai ami py lawm pajau y ai nai amtang hai nai khrangsichi i hang nai katyn hawi atawm.

Ezekiela 39:10

Paleung ka-echi khai su nai tavai ateaungchi nga u ai i, nichi ly adym angdengra y theng ei ai nai hawi, daichi theung y dengkeaung paliu ai nai aly ngai ai ny y. Nichi ly mymychi ai tiu lawm nai khumichi ai tiu lawm u ali teang ai. Hini ly sa thai naira angym nai Areng my pei nai leu ne.

HOSEA 5:14

Kai ly khrangsi kamta Israela khumichi hawi Juda khumichi ai tiu ai. Kaimy kypkyp my nichi ai dei lawm na pa-rei sei piupa iy khai su ai. Kai ly nichi ai ryh vui nai khala y, ami py nichi ai atleu pajau ai ny y.

MIKHA 2:12

“Kai ly nangchi theung y awm rai nai Israela cheng bawibawichi ai pangym ai. Hai theung y vawi ali teang nai beram kamta, nangchi ai kapangym ai. Sui tlai naira y beram neangneang angym iy, teicha tlai nai kamta, nangchi i pri y khumi neangneang awm u teang ai,” nanai pathang pi teang bo.

MIKHA 4:13

Areng my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

MIKHA 5:3

Hunai deaungkho y Areng ly neampachy my chapo tapen nai neng tym pa-rei, mymy i khumichi ai paleung ka-echi teng y khai su ai. Naibaly pri palara avum nai khumichi ly mymychi i nupaichi hawi amkawm u teang ai.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

ZEKHARIAH 10:5

Juda khumichi ly lamchira i aneaung kapan theung y, paleung ka-echi ai chiu piupa nai tavaimichi kamta, eaung naira nga u ai. Areng ly nichi hawi vanrei awm nai deaungkho y, nichi ly paleung ka-e keaungngo atang nai risachi ai malawn py tiu nai pajau vui ai.

ZEKHARIAH 11:6

(Areng my, “Kai ly khaileaung salo y awm nai khumi amimi ai py, kapahen y leang bo. Kaimy khypkhyp my, khumi bawibawichi ai, mychi i samrangchi kiu y kaau ai. Huni samrangchi ly khaileaung pri ai taphra i py, kai ly atleu ai ny y,” napi.)

ZEKHARIAH 12:3

Na i py huni neng khala y kai ly Jerusalem mary ai, ji parai nai lengseaung pui kamta lawm hai ai. Huni lengseaung pui ai atho sa iy kateang nai khumichi ly no nga u ai. Khaileaung pri y awm nai khumi cheaungkhangchi ly huni mary ai katanmeuh iy tiu u ai.

ZEKHARIAH 14:18

Aikupta chengchi ly Taichy Pawi sa ai nai akhi u lawh teu baly, nichi ly huna nai akhi nai molam y, Areng my pato nai no kanghawi avum u ai.

ZEKHARIAH 9:15

Ati cheaungkhang sa thai nai Areng ly mymy i khumichi ai kry ai; nichi py paleung ka-echi ai eaung ai. Nichi ly cha nei ala nai khumichi kamta, tavai keung y aeu naimy paleung ka-echi ai padei u ai. Huni khumichi i thi ly rahumra i nai maicham salo y leih nai thi kamta leaung ai.

MALAKHI 4:3

Kai i tara chih ai nai neng kani khala y, khumi hawi y naichi ai eaung naira nga u ai. Nichi ly nangchi kheu padawi anui i spryh kamta lawm ai.

Kati Nai 24:9

Israela pri ly atho ham nai khrangsi hawi atawm; khrangsi i nai khala ami py ni ai palaw vam y. Israela chengchi ai amtheaung hai nai khumi ly amtheaungra nga ai; Israela chengchi ai pasawi nai khumi ly amsawi lawi teang ai,” napi.

MATTHAI 10:14

Naibaly ami py nangchi ai kawn y iy, nangchi i leu py tangai y baly, huni yhm i dengdairei mo, avang i dengdairei mo nangchi theu nai khala y ly nangchi i kheu padawi i spryh katheng u.

AMTAW 18:6

Na i py nichi my khri pa-rei paka i thui tamawn nai kha y Pawla ly mymy i kanih takhym i mymychi teng y, “Nangchi i thi ly nangmychi i lu y tym sy, kai ly chai bo; kai ly vai i dengdairei Cheng Takhrachi teng y kachei ai,” napi.

HEBRAI 12:25

Nangchi ly leu thui pi nai keung ai ngai y lawh na, nanai amkym u. Khaileaung pri y mymychi ai tau pei nai keung ai ngai y naira y malawn py pajeng naira tleaung u pajau y baly, achi, kani mang i dengdairei tau ang pei nai keung ai hi vui nai khumichi ly tleaung pajau y nai tleaung y tleaung pajau y ra ai.

HEBRAI 2:3

achi ly hina tanrei paheng naira aly len parai nai ai dawndan y baly mana tleaung thai rengrang ai mo? Huni paheng nai satang ly angchei khala y Areng ai teaung nai thui veng bo i, thai nai keungchi ly achi ai ang khaw pi;