MIKHA 5:4 - Khumi Common Language Bible

⁴ Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

MIKHA 5:4 Iomraidhean Croise

SAM 145:12

Hina nai y khumi bawibawichi ly nang i sa nai saichi ai py, nang i pri nang parai nai saichi ai py, pany u ai.

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 72:19

Amyn nang parai nai ai avawrei palo u! khaileaung pri verei y nang parai nai kawi hai sy. Amen! Amen!

SAM 72:8

Samrang ly pangli katem y tym pa-rei py, Euphrat tavo dengdai khaileaung katem khrairei py peang ai.

SAM 93:1

Areng ly samrang ne. Mymy ly nang parai nai phum-ang amthyp iy, sa thai naira khobai akawm bo. Mymy ly khaileaung khaw hai iy, huni ly amchyh lei y nai ne.

SAM 98:3

Mymy ly mymy i khaw parai nai tamen naira hawi ka-ym awm nai hawimy, Israela chengchi teng y adeu nai leu ly khaw hai bo. Meingtym tleirei y awm nai khumi bawibawichi ly achi i Tameuh i eaung nai niu u nai ne.

THEU NAI 23:21

Ni ai tahm khai iy ni i leu tangai u. Ni ai kaimy pato nai ne i, ni ai tiu u moh; ni ly huna nai tiu nai ai ly pahen pi ai ny y.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 49:5

Amhm taku theung y awm nai thym khala my, Areng ly kai ai vawi takhra bo. Mymy ly mymy i khumichi ai hawi ali teang ai nai, ahei dan nai Israela chengchi ai hawi ali teang ai nai py, kai ai miseaung y ang khai nai ne. Areng ly kai ai tahm ang khai iy, kai i atho pakeung sangum ne.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 52:13

Areng my, “Kai i miseaung ly my i sa nai kalopra y cheng parai naimy sa ai. Ni ly palo nai avum iy tahm pasang naira nga ai.

ISAIA 8:7

Kai, Areng ly Asuria empara samrang hawi, ni i tavaimi risachi ai palau iy Juda pri y tiu hai ai. Nichi ly Euphrat tavo tui lem nai kamta, hubai pui hawi tavai amsa u ai.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

ZEKHARIAH 9:10

Areng my, “Kai ly Israela pri i tavai keaungngo ka-richi paheng pi vui iy keaungngochi ai Jerusalem mary mang y pahawi ai; Tavai keung y teaung nai thailihochi ai py, kataphra pawn ai. Nangchi i samrang ly pri tleireichi hawi, tavai atiu y ai nai sa chum baly, pangli harei dengdairei, takhra pangli mang py, Euphrat tavo dengdairei, khaileaung pri katem mang y khrairei py peang ai,” napi.

MALAKHI 1:5

Israela chengchi ly mychi kypkyp naimy, hini atitichi niu u nai deaungkho y, “Areng ly Israela pri angam mang y malawn py, sa thai naira phum-ang awm na lawh ly!” nanai thui u ai.

MATTHAI 16:18

Naibaly kang thui pi, nang ly Petera ne, naibaly hini lengseaung pui tleaung y ly kai i palau takhra kamkawm kapadyh kalau ai i, tavau kho i apai katheu pa-kho my ly huni ai pajau y ai.

MATTHAI 2:6

amo my ly, ‘Judai pri i Bethlehem avang awi! Nang ly Judai pri i avang theung y theang keh y leang! Kai i khumi Israelachi ai typ nai keung lawn ai nai, Nang theung i dengdairei peang nai keung leaungrei theu ai,’ nanai hina nai tajiu,” napi.

MATTHAI 25:31

“Na i py Khumi i Chapo ly kani pri i amtaw thau nai bawibawichi hawi, mymy i nang parai naira amthyp naimy ang jeu nai neng khala y ly, mymy i nang parai nai atehra y ateh ai;

LUKA 1:32

Mymy ly khumi kalen lawn ai i, salo kangteng i Chapo napi ai; Areng Tameuh my mymy i amsi Davida i areng atehra ly pei ai;

JOHAN 10:38

Na i py kai ly sa nai ne baly, Ngaai ly kai teng y awm nanai hawi, kai ly Ngaai teng y awm, nanai py nangchi tangai iy pany thai ai nai, kai ai ym u y i py kai i atiti sa nai ly ym u,” nanai pathang.

JOHAN 20:17

Naibaly Isu my ni teng y, “Kai ai amkhaw moh; kai ly vai khrairei Ampo teng y kalau y leang rai; na i py kai i amjo amnauchi teng y chei iy nichi teng y, ‘Ngaai hawi nangchi i Ampo kai i Tameuh hawi nangchi i Tameuh teng y kai kalau ai,’ napi tapi ba,” napi.

EPHESI 1:3

Achi i Areng Isu Krista i Tameuh hawi Ampo ai ly palo nai awm sy. Ni my kani pri mang y ly Krista y phailo mang i amtheaung naira cheaungkhang y achi ai amtheaung hai bo;

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

JUDA 1:1

Juda, Isu Krista i miseaung hawi Jakob i amnau ly, Ampo Tameuh my tamen nai hawi, Isu Krista i vui y khai pi rym nai palau naichi teng y ly:

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.