MIKHA 5:3 - Khumi Common Language Bible

³ Hunai deaungkho y Areng ly neampachy my chapo tapen nai neng tym pa-rei, mymy i khumichi ai paleung ka-echi teng y khai su ai. Naibaly pri palara avum nai khumichi ly mymychi i nupaichi hawi amkawm u teang ai.

MIKHA 5:3 Iomraidhean Croise

1 ARENG KEH 14:16

Jeroboam ly kamngo sa i, Israela chengchi ai py kamngo lam mang y pahawi nai deaungkho y, Areng ly Israela pri khai su ai,” napi.

2 NENG SATANG 30:7

Nangchi ly Areng Tameuh i leu atangai y nai amsi pajochi hawi, takhra Israela chengchi kamta so u moh. Nangchi pany u nai kamta mymy ly huni khumichi ai pajeng nai ne.

SAM 67:3

Aw Tameuh, khumi bawibawichi ly nang ai palo u sy; khumi cheng bawibawichi py, nang ai palo u sy!

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

JEREMIA 23:5

Areng my, “Davida i hawi nai katu chanau leaungrei ai samrang y palyn nai neng tym takengkei ai. Huni samrang ly cheng parai naimy peang iy, pri verei y leu meitang adyh adawi naimy sa pi ai.

JEREMIA 31:1

Areng my, “Kai ly Israela cheng bawibawichi i Tameuh lawm iy, nichi py kai i khumichi lawm u ai nai neng kani ly tym dudu bo.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

HOSEA 2:14

Hunai deaungkho y kai ly ni ai daichi ka-vym mang y hawi ali teang iy, huni meingtym y kai teng y ali teang ai nai, tamen nai leu hawi kapahawi ai.

HOSEA 2:9

Hunai deaungkho y kai ly choh tyn nai neng khala, kai i chohpui chomaw hawi kreip hang py, ni ateaung ai nai kai i pei nai beram mui hawi kalang py, kala pi ali teang ai.

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

MIKHA 4:4

Khumi luteng ly mymychi i kreip akho, mymychi i thaidu keung akho theung y jei y naimy, tlamsa nai awm ai nai nga u ai. Hini ly ati cheaungkhang sa thai nai Areng my pei nai leu ka-deu ne.

MIKHA 4:7

Nichi ly kheu tabai naimy, yhm i dengdairei kamlora y tym u nai ne. Na i py kai ly dei kamthumchi ai atho awm nai khumichi lawm hai ai. Kai ly Zion mawi salo y nichi ai, vai i dengdairei deungtasa khrairei ka-peang ai,” napi.

MIKHA 5:7

Dei kamthum Israela chengchi ly Areng my tla hai nai kadam kamta, pri neangneangchi ai atho awm hai ai. Thengthai keungchi salo y, nai hai nai kanitui kamta lawm ai. Hunichi ly khumichi i leu tangai y i, Tameuh i leu naini tangai khyh nai ne.

MIKHA 5:8

Daichi mawi kanghu theung y tym nai khrangsi kamta py, beram kanghuchi theung y tym nai khrangsi kamta py, dei kamthum Israela chengchi ly cheng takhrachi theung y tym ai. Khrangsi ly beram kanghuchi theung y kun iy, beramchi ai kei piupa ai i, ami my py atleu pajau ai ny y.

MIKHA 6:14

Nangchi ly teicha teinei cha teu i py, kajeu kawi u ai ny y; alam naimy awm u jojo ai. Nangchi i ko nai yhmtheaung katuichi pateung u pajau ai ny y. Pateung achu nai yhmtheaung katuichi ai py, tavai takai hawi taphra vui ai.

MIKHA 7:13

Na i py huni pri khumichi kamngo nai molam y, nichi i awm nai meingtymchi ly khumi by y nai daichi ka-vym lawm ai.

ZEKHARIAH 10:6

“Kai ly Juda khumichi ai atho awm hai iy, Israela khumichi ai atleu ai. Kai ly nichi ai pahen iy, mychi i saleaung khuteng mang y pahawi teang ai. Nichi ly kaimy mana khala py khai su vai y nai khumichi kamta lawm ai. Kai ly nichi i Areng Tameuh ne iy, nichi i chiu sa nai pathang pi ai.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

MATTHAI 12:50

“Khen cham, kai i amhm hawi kai i amjo amnauchi ly! Ati mana nai mo nabaly ami py kani pri mang i Ngaai i kangai sa nai ngierei ly kai i amjo amnau hawi, kai i tuicho hawi, kai i amhm py ne,” napi.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

ROM AVANGCHI TENG Y PAWLA I CHA PA NAI 8:29

Ati mana nai mo nabaly mymy i Chapo ly amjo amnau neangneangchi theung y chalu lawn thai ai nai Tameuh ly mymy i pany rym naichi ai ly mymy i Chapo kamta khyp awm teang ai nai ang khai rym nai ne;