MIKHA 5:2 - Khumi Common Language Bible

² Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MIKHA 5:2 Iomraidhean Croise

ATITI AWM ANGCHEI NAI 35:16

Jakob hawi yhm dengtheungchi ly Bethela i nai theu iy Ephrath mary hawi palo rawm nai meingtymra tym baly, Rakeli ly deaungdi tapen ai nai achai i khri pa-rei kajeu no nai ne.

ATITI AWM ANGCHEI NAI 35:19

Rakeli ly dei bo i, veu ai ly Ephrath mary mang y chei nai lam teng y up bo; vai ly huni meingtym ai ly Bethlehem, napi.

ATITI AWM ANGCHEI NAI 48:7

Kai ly ngamhm Rakeli i molam y hina nai kamta sa pi nai ne. Mesopotamia pri dengdairei kang vawi ali teang nai khala y, Kanan pri Ephrath mary ahawi y ni ly dei i, kai ly khri pa-rei paleung si parai. Kai ly ni ai Ephrath mary mang y chei nai lam teng y up nai ne,” napi. (Vai ly Ephrath napi nai ai ly Bethlehem, nanai palau nai ne.)

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

1 NENG SATANG 2:54

Bethlehem mary ai palum nai keung Salmah ly Netophath, Ataroth Beth Juaba hawi Zori cheng theaungchi i amsi pajo ne. Zori cheng theaungchi ly Manaha cheng theaung nyhreichi theung i harei ne.

1 NENG SATANG 5:2

Juda cheng theaung ly atho awm keh nai lawm i, cheng theaung bawibawichi i vui samrang amthawn nai ne.)

SAM 132:6

Bethlehem mary y Leu Maikawm Pawm satang achi thai i, huni Pawm ai ly Jarim adym y niu u nai ne.

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

THEU NAI 18:21

Huni bo y nang ly khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchi ai lu sa pajau nai khumichi ai vawi takhra; huni khumichi ly Tameuh ai jei kaji iy, ka-ym awm nai, un cho y naichi lawm ai nai tla.

THEU NAI 18:25

Israela chengchi theung i lu sa pajau naichi ai vawi takhra iy, khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchira y lu sa ai nai khai bo.

ISAIA 11:1

Samrang Davida i kangpreang ly paliu vui nai dengkeaung keung hawi atawm. Na i py dengkeaung miukhiura i chethe kangpho pati nai kamta, Davida kangpreang theung i, samrang kangtha leaungrei amthawn ai.

ISAIA 53:2

Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

ISAIA 55:4

Kai ly ni ai khumi cheng cheaungkhangchi i tavailu areng kehra y khai iy, kai i sa thai naira ly khumichi i mo y, pany hai pi ai.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

JEREMIA 30:21

Nichi ai peang ai nai khumi ly mychi theung i nai theu ai. Nichi i samrang py mychi theung i nai theu ai. Kaimy palau nai khala, huni khumichi ly kai teng y ang jeu tapai ai. Kaimy palau y naimy, ami nai ly kai teng y jeu vam ai mo? Nichi ly kai i khumichi lawm u iy, kai py nichi i Tameuh lawm ai. Hini ly kai Areng i thui nai leu ne,” napi.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

MIKHA 4:10

Jerusalem mary i khumichi awi, vaimy nangchi ly mary khai su iy, daichi theung y awm u ai nai deaungkho y, deaungdi tapen nai neampachy kamta, tlang a-i-eng iy tangam naimy awm u. Nangchi ly Babulon pri mang y chei u ai nai tla ai. Na i py huni meingtym y Areng ly nangchi ai paleung ka-echi teng i nai atleu ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MATTHAI 2:1

Naibaly samrang Heroda peang nai thym khala y Judai pri i Bethlehem avang y Isu ai tapen i, khen cham, nisi mang i dengdairei khumi kachengchi ly Jerusalem avang y tym u i,

MATTHAI 2:6

amo my ly, ‘Judai pri i Bethlehem avang awi! Nang ly Judai pri i avang theung y theang keh y leang! Kai i khumi Israelachi ai typ nai keung lawn ai nai, Nang theung i dengdairei peang nai keung leaungrei theu ai,’ nanai hina nai tajiu,” napi.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

LUKA 23:2

Naibaly nichi ly, “Hini khumi ly kaichi i cheng ai taphra ai nai Kaisara teng y akeu cheaung ai nai py paka i, Krista, samrang amlawn, nanai kaichi pany,” nanai seu amteaung bo.

LUKA 23:38

Naibaly mymy i salo mang y ly, “Hini khumi ly Judachi i Samrang ne,” nanai cha awm.

JOHAN 7:42

Krista ly Davida i kangpreangchi theung i nai, Davida i awm naira avang Bethlehem i nai theu ai nai tla, nanai Tameuh i cha-iu y tajiu nai ny y a?” napi.

Leu Thui Nai 1:15

Huna nai deaungkho y kai ly nangmychi cheng theaung theung i lulip pany nai luchi vawi iy kang khai pi bo. Phyreichi ai ly leaung sangrei, phyreichi ai ly leaung chungvairei, phyreichi ai ly leaung vui pangrei, phyreichi ai ly leaung horei peang ai nai khai pi nai ne. Huni bo y nangchi cheng theaung bawibawichi i vui takhra miteaung kehchi ai py kang khai pi bo.

KOLOSA 1:17

Naibaly mymy ly ati cheaungkhang by y rai khala y awm angchi yb nai ne i, mymy y ly ati cheaungkhang awm nai ne. Ni ly tlang i lu; huni ly palau takhra kamkawm ne:

HEBRAI 13:8

Isu Krista ly jangdyh py, vaini py, deungtasa khrairei py huna jojo.

HEBRAI 7:14

Achi i Areng ly Juda cheng theung i nai ne, nanai hawihai amteng veng; huni cheng molam y Mosi my pathyp pi nai keung i satang sai py thui y leang.

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly:

AMTENG HAI NAI 19:16

Naibaly mymy i kanih hawi phai tleaung y ly, “Samrangchi i Samrang, Arengchi i Areng,” nanai amyn tajiu angchi ne.

AMTENG HAI NAI 2:8

“Naibaly Sumurna avang palau takhra kamkawm i kani pri i amtaw thau nai teng y hinai kamta tajiu: “Kangman keh nai hawi kangkhym keh nai, dei iy heng ali teang nai keung i leu thui nai ly hini ne he;

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

TARA CHIH NAI KEUNGCHI 17:7

Huni neng khala y Juda pri Bethlehem mary y awm nai Levi theaung thawndeang leaungrei ly

RUTHI 1:1

Jangni Israela pri y samrang by y nai deung khala, tahum takang theu nai ne; Hunai deaungkho y Juda pri Bethlehem mary i Elimeleka ly aju Naomi hawi chapo Mahalon, Khilion ai hawi iy, Moba pri y awm daw ai nai ang pyn u bo. Nichi ly Ephraim nupaichi ne. Moba pri y awm nai thym kha y,

RUTHI 4:11

Mary i miteaung kehchi hawi hu y awm nai khumichi my py, “Kaichi ly pany hai nai keungchi ne mang. Nang i aju ai py Jakob i vui cho chanau neangneang tapen pi nai Rakeli hawi Leah nini ai kamta, Areng my lawm hai sy. Nang ai py Ephrath nupai theung y nang chawn naimy Bethlehem y amyn amthang nai khumi lawm sy.

1 SAMUELA 10:19

Kai ly nangchi i Tameuh, ngari kamtangchi hawi rai naichi theung i, nangchi ai atleu nai Tameuh ne. Na i py nangchi ly kai ai khai su iy, kai teng y samrang hnei u bo. Hawi mang, nangchi ly Areng i mo y cheng theaung ka-thui, nupai ka-thui angym u,’ nanai leu pei bo,” napi.

1 SAMUELA 17:12

Davida ly Juda pri Bethlehem mary i khumi Jesai i chapo ne. Jesai ly chapo leaung tajarei awm; Sawla samrang sa nai neng y, Jesai ly khri pa-rei miteaung cheang na bo.

1 SAMUELA 17:18

Tavai lu areng i vui kanu katho phi horei py syn iy pei pi; ngamjochi noso hawi mo, hawi y mo, nanai khen ly no hawi nai sai pany ai nai saisairei syn iy vawi hai ba.

1 SAMUELA 23:23

Ni i aheu nai meingtym hawihai palai khen u patyp ly kai teng y satang thai hai praw; naibaly kai py nangchi hawi vanrei chei iy hau ai. Davida ly Juda pri y awm rai baly, kai ly Juda pri verei y kahau ai i, kapatiu ai,” napi.

1 SAMUELA 8:12

Ni ly phyreichi ai khumi leaung sangrei peang nai tavailu areng, phyreichi ai khumi leaung vuipangreichi ai peang nai tavai lura y ang khai ai; nangchi i chapochi ly samrang i lichi thawn iy chohchi tyn ai nai tla ai; ni i tavai ateaungchi, tavai ka-ri ateaungchi sa u ai nai tla ai.