MIKHA 5:12 - Khumi Common Language Bible

¹² Kai ly nangchi i teaung nai atam, laphawichi ai taphra pi pawn nai deaungkho y, nangchi theung y leung sara awm ai ny y.

MIKHA 5:12 Iomraidhean Croise

ISAIA 2:20

Huni neng kani tym nai khala y, khumichi ly mychi i sa nai muku, tangka mynchi ai thangbui hawi phanglauchi sala y aphi iy khai su ai.

ISAIA 27:9

Myn chiu naira maicham lengseaung ngierei ly lengseaung kangleung kamta, deng piupa iy, Aser tameuh nu i mynchi, ti y baly mui katuichi leng patlum nai maichamchi pipi by y na pa-rei khei pi pawn nai khala, Israela chengchi ly mychi kamngora i nai law tleaung naira nga u ai.

ISAIA 44:17

Huni bo y ni ly takhra dengkeaung kamlai hawi myn harei sa i, lu meung naimy huni myn teng y, “Nang ly kai i tameuh ne; kai ai atleu kyh ba!” nanai chiu sa nai ne.

Ezekiela 16:41

Nichi ly nang i yhmchi ai mai leang pawm iy, nang i pajeng naira avum nai sai ai, neampachy neangneangchi teng y patei ai. Nang i bima kalop hawi neampachochi teng y langseaung pei nai py, kaimy anawn hai ai.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

Leu Thui Nai 18:14

Naibaly Mosi my, “Nangchi peang ai nai pri y awm yb nai khumichi ly dawi kawp nai, leung khen kawp nai khumichi teng y atitichi deng u reng moh. Na i py nangchi i Areng Tameuh ly huna nai atitichi deng ai nai pei y.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.