MIKHA 4:8 - Khumi Common Language Bible

⁸ Tameuh my angdeangra mang dengdairei, mymy i khumichi ai beram typ keung kamta kry nai meingtym Jerusalem mary awi, nang ly hini pri i mary pui lawm reng nai kamta, vai py mary pui lawm ai.

MIKHA 4:8 Iomraidhean Croise

ATITI AWM ANGCHEI NAI 35:21

Naibaly Jakob ly hu i nai asyh iy, Eda yhm ka-sang palem mang y meingtym sa bo.

2 SAMUELA 5:7

(Na i py Davida ly Zion lengseaung apai ai tiu pajau vui nai deaungkho y, huni ly Davida i mary, nanai amthang bo.)

NEHEMIA 3:25

Uzai i chapo Palal ly mary apai taki hawi, tamcheaung typ nai yhm apai sahawi i samrang yhm angdeangra dengdai amteaung iy, mary apai phyrei ai sa; Parosh i chapo Pedaiah ly huni bo i phyrei ai, nisi mang i tui apai pa-kho hawi Achura yhm tamcheaung typ nai angdeangra sahawi y tym pa-rei sa. (Hini meingtym ly Achura yhm kalop sa naichi awm nai Jerusalem mary i Ophel, napi nai saleaung y awm nai ne.)

SAM 24:7

Mary apai katheu pa-khochi paeaung u; jangni i katheuchi py paeaung u; nang parai nai samrang kun ai.

SAM 48:3

Huni mary pui i amtangrachi theung i mymy teng y chymme naira awm, nanai Tameuh my patei pi bo.

SAM 61:3

Nang ly paleung ka-echi teng i nai kai ai ama hai nai keung, kai i vui khaw parai nai khengsi apai ne.

Solomon i khulym 4:4

Apu parai nai pahu leang awijawn nai nang i kaneaung ly khupui sangrei bang hau nai Davida i lengseaung yhm hawi atawm nai ne.

ISAIA 1:26

Jangni i kamta nang teng y lu sa naichi hawi tau pei nai bangtangchi kang pei ai. Hunaibaly Jerusalem mary ai khumi kahawichi i reita angym nai mary, ka-ym awm nai mary, nanai amyn pathi ai,” napi.

ISAIA 10:32

Paleung ka-echi ly vaini Noba mary y awm u bo. Nichi ly huni mary i dengdairei, Zion mawi hawi Jerusalem mary ai kiu pahyn u nai ne.

ISAIA 5:2

Ni ly khaileaung tai piu iy lengseaungchi akhui pawn i, khai patyp nai di kahawi kreip keungchi ui bo. Ni ly huni keungchi typ ai nai angdeangra chang sa. Kreip athaichi ati ai nai angawm py sa. Ni ly kreip athai myn nai neng ajeng; Na i py kreip athai bawibawichi ly tho nai ne.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 7:18

Na i py tahm asang parai nai Tameuh i khumichi ly samrang i sa thai naira haiho nga u iy, deungtasarei peang u jojo ai,” napi.

OBADIA 1:21

Eaung pawi nga nai Jerusalem mary i khumichi ly Edom pri y tiu i peang u ai. Huna nai khala Areng mymy kypkyp ly huni pri y samrang lawm ai.”

MIKHA 2:12

“Kai ly nangchi theung y awm rai nai Israela cheng bawibawichi ai pangym ai. Hai theung y vawi ali teang nai beram kamta, nangchi ai kapangym ai. Sui tlai naira y beram neangneang angym iy, teicha tlai nai kamta, nangchi i pri y khumi neangneang awm u teang ai,” nanai pathang pi teang bo.

ZEKHARIAH 9:10

Areng my, “Kai ly Israela pri i tavai keaungngo ka-richi paheng pi vui iy keaungngochi ai Jerusalem mary mang y pahawi ai; Tavai keung y teaung nai thailihochi ai py, kataphra pawn ai. Nangchi i samrang ly pri tleireichi hawi, tavai atiu y ai nai sa chum baly, pangli harei dengdairei, takhra pangli mang py, Euphrat tavo dengdairei, khaileaung pri katem mang y khrairei py peang ai,” napi.

ZEKHARIAH 9:12

Nangchi pri pala naira avum nai khumichi awi, vawi u ali teang; athang khai naira awm u bo. Nangchi ly phrumai by y nai meingtym y vawi u teang. Nangchi i avum nai ngari kamtang tleaung y amtheaung naira phy nyhrei nangchi teng y kang pei ai, nanai vai, kaimy kang thui pi bo.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

Kati Nai 24:19

Israela pri ly paleung ka-echi ai taphra iy leaungrei py takhawi y na pa-rei tamyh vui ai, napi.

MATTHAI 21:33

“Pata nai leu takhra tangai u: Yhmkeung leaungrei mo awm i kreip akho sa, naibaly, apai akawm i, kreip athai ati ai nai angawm tai iy, chang ka-sang sa bo; naibaly mymy ly akho kry nai keungchi teng y hlau ai nai vang pei iy, pri takhra y chei vui.

MARKA 12:1

Naibaly mymy ly nichi teng y pata nai leu takhra takhra thui amteaung i, “Ami mo kreip akho sa i, apai akawm iy, kreip athai ati ai naira angawm py tai: naibaly chang ka-sang sa i, akho kry nai keungchi teng y hlau ai nai vang pei iy, pri takhra y chei vui.

EPHESI 1:21

mymy ai ly areng naira hawi, aly peang naira hawi, atiti sa thai naira hawi, peang naira bawibawi, hini khaileaung pri y harei khyh ny y naimy, vai pri tym ai naira y py amyn pathi nai cheaungkhangchi i salo kangteng y kani pri y mymy i lamtang mang y ateh hai bo.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.