MIKHA 4:4 - Khumi Common Language Bible

⁴ Khumi luteng ly mymychi i kreip akho, mymychi i thaidu keung akho theung y jei y naimy, tlamsa nai awm ai nai nga u ai. Hini ly ati cheaungkhang sa thai nai Areng my pei nai leu ka-deu ne.

MIKHA 4:4 Iomraidhean Croise

1 ARENG KEH 4:25

Ni i heng nai ryrei Juda pri hawi Israela pri verei y awm nai khumichi ly mychi yhm dengtheungchi i kreip akho hawi thaidu keung akhochi ra y tlamsa naimy awm u nai ne.

1 ARENG KEH 5:5

Areng ly kai i ampo teng y, ‘Nang bo y samrang lyn nai nang i chapo ly kai i vui Achura Yhm sa ai,’ nanai adeu bo. Naibaly vai, kai ly kai i Areng Tameuh ai chiu ai nai molam Achura Yhm sa ai nai dawn bo.

JOBA 11:19

Nang ly mani paleung ka-e ai py, jei hyn ai ny y. Khumi mipuichi malawn py, nang teng y kasabawmra hnei u ai.

SAM 72:3

Pri theung y tlamsa iy, leu meitang adyh adawi naimy peang sy.

LEU KACHENG 3:25

Nang ly khumi hawi y naichi i tlang tleaung y ali kamchai kamta, vaimy tym miu reng nai patangra ly avum ai, nanai paleung mawn moh.

ISAIA 1:20

Na i py kai i leu tangai ai nai akhi vui iy, kai ai amtang u lawh ai nabaly nangchi ly myh kang u ai. Hini ly kai Areng my leu pei nai ne,” napi.

ISAIA 17:2

Suria mary ly khumi angso savai tlang jojo nai mary lawm ai. Huni marychi ly beramchi hawi si, painochi i vui sui tlai naira lawm ai. Huni tawnbawichi ai paryh pawn ai nai khumi awm ai ny y.

ISAIA 22:25

Hina nai tym nai khala y amchyh lei y na pa-rei tahen nai khangmui ly ahyn lengkau iy, atlym vui ai. Hunira y bang nai ngiereichi py phra pawn ai,” nanai Areng my leu pei nai ne.

ISAIA 26:16

Aw Areng, nang ly nangmy i khumichi ai pajeng nai deaungkho y, nichi ly khri pa-rei paleung bi naimy, nang teng y chiu sa u nai ne.

ISAIA 32:17

Khumi bawibawichi ly kateng sa u nai deaungkho y, deungtasa tlamsa nai hawi chymme naimy awm u ai.

ISAIA 36:16

Hezekia i leu tangai u moh! Mary theung i nai theu iy apasum ai nai, nangchi ai Asuria empara samrang my leu pei nai awm. Nangchi ai empara samrang ly nangchi i pri hawi atawm nai pri, chohpui chomaw chohnei hawi kreip hang kangtha, meaungkaten hawi kreip akho nawi nai pri mang y tha y rai nai thym khala y, nangmychi i kreip keungchi hawi thaidu keungchira i athaichi cha hai iy, nangmychi i tuikanchira i tui py nei ai nai pei ai.

ISAIA 40:5

Huna nai khala y Areng i nang parai nai ly amteng ai i, khumi angso bawibawichi ly huni nang parai nai niu u ai. Huna nai tym ai nai Areng mymy kypkyp my adeu pi nai ne,” nanai aeu bo.

ISAIA 54:14

Nang ly hawi nai reita ai sangum khai nai deaungkho y, khaw jo ai. Ana nai hawi jei hyn nairachi tama ai.

ISAIA 58:14

kai ai chiu naira i nga ai ataing nai paleung awmnem naira nga u ai. Kai ly nangchi ai khaileaung pri verei y tahm awm hai ai. Nangchi py nangmychi i amsi pajo Jakob teng y pei nai pri y, amo theu parai naimy awm u ai. Hini ly kai Areng i thui nai leu ne,” napi.

JEREMIA 23:4

Kai ly nichi ai kry ai nai peang nai keungchi kakhai pi ai. Kai i khumichi ly jei hyn u ai ny y. Kai ly nichi ai kapajeng ali bi ai ny y. Hini ly kai, Areng i thui nai leu ne,” napi.

JEREMIA 30:10

“Kai i khumichi awi, jei u moh; Israela khumichi awi, jei nai kaso theu u moh. Langheng y hawi iy nangchi awm u nai pri, huni pri kamlo dengdairei, nangchi ai kaimy atleu ai. Nangchi ly vawi teang iy tlamsa naimy awm u ai. Ami my py nichi ai pajei ai nai nga ai ny y.

Ezekiela 34:25

Nichi i vui ka-ym awm ai nai kai ly nichi hawi aly nai Leu Maikawm asa ai. Ka-jei awm nai mawi kasi bawibawichi ai pri theung i nai patheu pawn ai. Huna khala naini kai i beramchi ly chymme naimy thengreung theung y awm u ai i, daichi theung y i u ai.

Ezekiela 34:28

Khumi cheng cheaungkhangchi ly nichi ai mo mang y mana khala py tiu u bi ai ny y. Mawi kasichi my py kei bi ai ny y. Nichi ly chymme naimy awm u ai. Ami my py nichi ai pajei ai ny y.

Ezekiela 38:11

Jeaungmang nai pri harei ai tiu ai nai paleung adawn ai. Huni pri i khumichi ly apai pahi y nai marychira y tlamsa naimy awm u nai khumichi ne.

Ezekiela 39:26

Nichi ly mymychi i pri y pajei pahyn ai nai khumi by y i, tlamsa naimy awm u nai khala, kai i tlang tleaung y ka-ym by y nai deaungkho y tahm phra u nai bo, nanai tami pajau y ai.

Levi 26:6

“Kai ly nangchi i pri y tlamsa hai nai deaungkho y, nangchi ly vum y ka-jeira molam paleung mawn naira by y naimy, i nem ai nai nga u ai. Kai ly nangchi i pri i nai mawi kasichi paryh pi pawn ai. Tavai takai ly avum bi ai ny y.

MIKHA 5:3

Hunai deaungkho y Areng ly neampachy my chapo tapen nai neng tym pa-rei, mymy i khumichi ai paleung ka-echi teng y khai su ai. Naibaly pri palara avum nai khumichi ly mymychi i nupaichi hawi amkawm u teang ai.

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

ZEKHARIAH 3:10

Huni neng kani tym nai khala, nangchi bawibawi ly kreip akhochi hawi thaidu keungchi pajyn iy, tlamsa naimy awm u thai ai nai, nangmychi i yhm deaungpachi palau u ai,” napi.