MIKHA 3:2 - Khumi Common Language Bible

² hawi nai kalop ai niu ngai y iy, hawi y nai kalop ai ly khrei u. Nangchi ly kai i khumichi ai kangheng tang my peih lei iy, hiura i bawichi tli u bo.

MIKHA 3:2 Iomraidhean Croise

1 ARENG KEH 21:20

Ahab ly Elija ai niu nai khala, “Kai i paleung ka-e awi, nang ly kai ai ka-vum sa nai a?” nanai deng. Elija my, “Avum bo, nang ly Areng i mei ka-niu y kamngo sa ai nai, nangmy ai nangmy akhai takhra nai deaungkho y, avum ai nai kang jeu nai ne,” napi.

2 NENG SATANG 19:2

Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

SAM 15:4

Nichi ly Tameuh my khai su nai khumichi ai paso i, Areng i leu tangai nai khumichi ai ly tahm khai iy palo reng; mana tanrei amy i vui sum naira tym lawh teu i py, amy i leu adeu nai kamta sa jojo reng.

SAM 53:4

Tameuh my, “Nichi ly pany pacha y nai khumichi lawh a? Hini khumi hawi y naichi ly pany thai naira by y naichi lawh a? Nichi ly kai i khumichi teng i lawm iy, heng u naichi ne. Kai teng y py chiu so u y,” nanai leu pei bo.

LEU KACHENG 28:4

Tara leu reita ai tahm khai y nai khumi ly khumi hawi y naichi mang y asa hai naichi ne. Na i py tara leu reita ai tahm khai nai khumi ly huni khumi ai tiu nai khumi ne.

ISAIA 3:15

Nichi teng y kai i khumichi ai ana ai nai, khumi kamawnchi tlang tleaung y neng ka-pe dyp ai nai py sa thai naira by y. Huni ly ati cheaungkhang sa thai nai keung kai, Areng my pei nai leu ne,” napi.

ISAIA 5:20

Nangchi ly taham si! Kahawi ai ly hawi y, hawi y nai ai ly kahawi, nanai nangchi thui u reng. Kaveng ai kangvang palawn, kangvang ai kaveng palawn u reng. Nangchi my katui ai kakho, kakho ai katui palawn hai u reng nai ne.

ISAIA 57:12

Nangchi ly nangmychi i sa nai kalop ly teng, nanai athang khai u. Na i py nangchi i sa nai kang tapheaung nai khala y, nangchi i mynchi ly nangchi ai asa hai pajau ai ny y.

Ezekiela 11:7

“Hunai deaungkho y sa thai naira awm nai Areng my leu pei nai ly hini mary ly Seng-y-kang pangdai ne khyp. Na i py mawi ly atichi mo? Nangchi i kiu y dei nai veuchi ne lawh ly! Naibaly kai ly nangchi ai mary angam mang y patheu pawn ai!

Ezekiela 22:27

Achora miteaung kehchi ly amso mawichi ai kei piupa nai kasuichi hawi atawm. Nichi ly mymychi nang chawn ai nai molam y khumi ai padei u nai ne.

Ezekiela 24:4

nganbawi hawi keh naichi ai laawm theung y thiu; paleang hawi phaichira i hawi keh nai bawi kahawichi ai py laawm kawi pa-rei thiu teang ba.

Ezekiela 34:3

Nangchi ly kanu nei, beram mui akhiu iy veung hawi nai beramchi tleh u, cha u nai ne. Na i py beramchi ai ly kry u y.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

MIKHA 2:8

Huna nai khala Areng my, “Nangchi ly kai i khumichi ai paleung ka-e palawn iy tiu u. Tavai keung i dengdairei yhm mang y chymme naimy vawi nai khumichi i salo baichuchi ai, nangchi my leng u vui bo.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

JOHAN 18:40

Naibaly nichi ly aeu u bi i, “Hini khumi ai ne moh sy, Baraba ai phai sy,” napi. Baraba ly damra khumi ne.

JOHAN 7:7

Khaileaung prichi my nangchi ai ly niu ngai y ai nai awm thai y leang mang; kai naini nichi i atiti sa naichi ly hawi y, nanai thui pi pachai reng nai deaungkho y nichi ly kai ai niu ngai y.

ROM AVANGCHI TENG Y PAWLA I CHA PA NAI 1:32

hunai ka-tawm atiti sa nai keungchi ly dei ai nai ataing, nanai Tameuh my khai rym nai ly pany u jo iy, mymychi my sa nai khyh py ny y naimy, khumi takhrachi i sa reng naira y py kawn u lawh.

ROM AVANGCHI TENG Y PAWLA I CHA PA NAI 12:9

Tamen naira ly tapawp naira abawi y nai ne sy. Kamngo mang y ly niu ngai u moh ly; kahawi mang y ly hawihai apatawm u.

II TIMOTHEI 3:3

chai y naichi, tapen ahawi nai tamen naira by y naichi, pahen nai paleung by y naichi, seu rumrang naichi, amkym pajau y naichi, khri pa-rei kado theu naichi, hawi naira pipi ngai y naichi, vaineng takan naichi, sa ngangau naichi, tahm apasang naichi,