MIKHA 3:11 - Khumi Common Language Bible

¹¹ Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 3:11 Iomraidhean Croise

LEU KACHENG 17:23

Sa nai sai teng y nai ai tara chih nai keungchi ly kangviu y pei nai un langseaungchi talam u reng. Hunai deaungkho y, kateng lam tara chih pi thai y.

ISAIA 1:23

Nang i miteaung kehchi py langmeang thau naichi, kangviu ai atho pei naichi lawm u bo. Nangchi ly un langseaungchi la u teu i py, Tara jeungra y nuro nukai chochi ai amo hai u y. Lumai cheaungtichi i ka-jo ka-thuichi ai py, tangai iy chih pi y.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

ISAIA 5:23

Na i py nangchi ly un langseaung nga lawh teu baly, sa tamang nai khumichi ai pajeng y naimy patleaung vui iy, tamang y nai khumichi ai ly kataw kateng chih pi u y.

ISAIA 56:11

Nichi ly cha nai paleung anyp pajau y, ngai ala nai uichi hawi atawm. Nichi ly ati sai py ka-dawn by y nai lu sa naichi ne. Mychi kangai sa akyhkyh iy, amy i vui y kamran hau u khyh naichi ne.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

JEREMIA 26:7

Pathyp pi nai keungchi, amochi hawi khumi bawibawichi ly Achura yhm theung y, kai i thui pi nai leuchi thai u nai ne.

JEREMIA 5:12

Areng i khumichi ly mymy i satang tengtang y naimy thui u nai ne. Nichi my, “Mymy ly ati sai py ang dawn hai ai ny y. Achi py ngari kamtang avum u ai ny y. Tavai ka-jeira hawi takang py avum ai ny y,” nanai thui u.

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 7:4

Achi ly chymme na a! ‘Hini Achura yhm ly Areng i Achura yhm ne, Areng i Achura yhm ne, Areng i Achura yhm ne!’ nanai thui naichi i tapawp nai leu ym u moh.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

Ezekiela 22:27

Achora miteaung kehchi ly amso mawichi ai kei piupa nai kasuichi hawi atawm. Nichi ly mymychi nang chawn ai nai molam y khumi ai padei u nai ne.

Ezekiela 34:2

Mymy ly “Nang khumicho awi, Israela chengchi i beram typ nai keungchi ai thui tamawn ba. Nichi teng y sa thai naira angym nai kai, Areng i leu pei nai thui pi ai nai ly nangchi Israela chengchi i beram typ nai keungchi awi, nangchi ly taham si. Nangchi ly nangmychi ai apacho apanei teu i py, beramchi ai ly kry u y.

HOSEA 4:18

Nichi ly kreip hang nei ala iy, bima kalopra y amo theu u nai ne. Nichi ly tahm awm nai kalop tleaung y, kangji nga nai kalop ai ngai u keh.

HOSEA 4:8

Nangchi ly kai i khumichi kamngo sa nai molam y, nang u nai ne. Hunai deaungkho y nangchi ly nichi kamngo sa ra ai nai atho pei u bo.

AMOS 5:14

Nangchi ly tlang heng ai nai molam y hawi y naichi khai su iy, kahawi naini hau ly so u. Hunaibaly nangchi thui nai kamta, kani pri tavailuchi i Areng Tameuh ly nangchi hawi vanrei awm takengkei ai.

AMOS 9:10

Kai i khumichi theung i, ‘Tameuh ly achi ai kamtang pei ai ny y,’ nanai thui nai kamngo awm nai ngiereichi ly tavai keung y dei u ai.”

MIKHA 3:5

Paisa tangka pei pajau nai khumichi teng y tlamsa ai nanai py, paisa tangka pei pajau y nai khumichi teng y, tavai takai patang naira tym hai ai nanai py, thui reng nai amochi i li-tapawp nai ly kai i khumichi avum u bo. Areng my, huna nai amochi teng y,

MIKHA 7:3

Nichi ly hawi y sa ai naira y kawp nai khumichi ne. Miteaung kehchi hawi tara chih nai keungchi ly un langseaung hnei u reng nai ne. Sa thai naira haidau awm nai khumi i kangai abang iy, nichi ly hawi y nai katau vanrei dawn u bo.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

ZEPHANIAH 3:4

Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

MALAKHI 2:9

Hunai deaungkho y kai ly Israela chengchi teng y, nangchi ai amso ngai hai ai. Ati mana nai mo na baly nangchi ly kai i kangai so u y, kai i khumichi ai leu patiu nai khala, meimai katheang kalen khen u nai deaungkho y ne,” napi.

Kati Nai 16:15

Hunaibaly Mosi ly nini i tlang tleaung y khri pa-rei kado theu i Areng teng y, “Hini khumichi i talam nai kapathyprachi ly kawn pi mo kyh. Kai ly nichi theung i leaungrei ai py hawi y nai kaso y leang. Nichi teng i keaungngo kano kasau harei py kalo pi vai y leang,” napi.

Kati Nai 22:7

Naibaly Moba cheng hawi Midian chengchi ai lu sa nai keungchi ly amsawi vang tangka syn iy Balam teng y chei u. Naibaly Balek i leu saichi ni teng y amti pi bo.

MATTHAI 3:9

nanai paleung theung y adawn u moh; Tameuh my hini lengseaungchi ai ly Abraham i kangpreang y angdo hai thai na a, kang napi.

I TIMOTHEI 3:3

patiu nai sai py kawp nai, kreip athai hang pavui y nai, khumi ai tabeang y nai, neaung hawi nai, jo sei y nai, tangka paleung no y nai,

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

I PETERA 5:2

Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

JUDA 1:11

Nichi ly taham si! Mymychi ly Kaina i lam y tako i, vang nga ai nai Balam i tamang naira y angpreng lengleang naimy, korah i aei naira y ly tama nai bo.

1 SAMUELA 8:3

Na i py nini ly ampo i lawi hui y; paisa tangka nga ai nai mang y naini paleung apei khyh; hunai deaungkho y unchi talam i, leu meitang tara chih pi vai y leang bo.