MIKHA 2:4 - Khumi Common Language Bible

⁴ Huna nai neng tym nai khala y khumichi my, nangchi patang naira avum nai leaungsai molam y, thui achih jo ai. Nangchi i heng nai deung y avum nai py, hina nai paleung si paleung mawn ai hawi nai khulym thui u ai: Achi ly angchi khyp, taham si i phra phro bo! Areng ly achi i pri ai, achi kiu i nai ang la pi veng iy, achi ai patiu nai khumichi kiu y au vui nai ne.

MIKHA 2:4 Iomraidhean Croise

2 SAMUELA 1:17

Davida ly Sawla hawi Jonathan nini i vui y, paleung si nai khulym hawi, hina nai vo hai bo.

2 NENG SATANG 35:25

Amo Jeremia ly samrang Josia molam y vo khulym harei tajiu iy, khulym kawp nai neampacho, neampachychi my, Josia dei nai i vui y paleung si nai ka-ma-ra, hini khulym thui u. Hina nai khulym thui nai ly Israela chengchi i reita lawm i, huni vo khulym ly vo khulym cha-iu pui theung y abawi nai ne.

JOBA 27:1

Ati cheaungkhang sa thai nai heng nai keung Tameuh i amyn y, kai, vaineng abeu bo. Tameuh ly kai i sa nai sai ai kahawi chih pi y naimy, kai i heng nai ai hawi hai y nai keung ne.

ISAIA 14:4

Huna nai kamta mymy sa nai khala y, nichi ly Babulon samrang ai panui hai iy, “Pahyp y naimy ana nai samrang ly dei bo! Ni ly vai mo mang y amimi ai py ana ai nai nga bi ai ny y!

ISAIA 24:3

Khaileaung ly ahei seaungkhrang naimy phra ai. Hini ly Areng i leu pei nai ne i, hina nai kamta lawm ai.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 14:18

Adym angdeang mang y kachei nai khala y, tavai keung y dei nai khumi tlaiveuchi kaniu nai ne. Mary theung y kun nai khala y, kajeu kanglam y dei nai kaniu bo. Amochi hawi pathyp pi nai keungchi ly mymychi ati sa mo, nanai tamang tyh naimy mychi ngaingai sa u bo.”

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 6:12

Nichi i yhmchi, li hlauchi hawi ajuchi ly ami i kiu y tym ai. Kai ly hini pri i khumichi ai kiu pheu iy pajeng ai.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:16

Kai ly nichi hawi nichi i amsi pajochi malawn py thai vai y nai khumi chengchi theung y, nichi ai ahei hai ai. Hunaibaly nichi phra be ai nai pa-rei tiu ai nai tavaimichi kapato ai,” napi.

Ezekiela 16:44

Areng my, “Aw Jerusalem, khumichi ly nang i satang molam y, ‘Amhm i sa nai adui nai chaniu,’ nanai thui achih nai leu teaung u ai.

Ezekiela 2:10

Huni kiu ly cha aeang lam nai khala, phei nyhreira y cha mawi awm mei nai kaniu. Huni cha aeang phei nyhreira y, paleung si vo tangam nai chachi abawi nai ne.

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 1:8

Nangchi khumichi awi, angam yb nai juvo dei pi veng nai deaungkho y vo tangam nai anglo kamta, vo tangam u.

AMOS 5:1

Aw Israela khumichi awi, nangchi ai veu pavum ai nai, kai i thui nai hini vo khulym tangai u.

AMOS 5:17

Kreip akhochi dengdairei vo raawichi thai ai. Kai ly nangchi ai pajeng ai nai kang jeu nai deaungkho y, hina nai tym ai,” nanai Areng my leu pei nai ne.

MIKHA 1:15

Maresa mary i khumichi awi, Areng ly nangchi i mary ai, paleung ka-echi teng y au vui ai. Israela lu sa naichi ly Adulam tapiu theung y preang iy aheu u ai.

MIKHA 1:8

Naibaly Mikha my, “Huni molam y kai ly vo tangam ai. Kai ly paleung si nai sai patei ai nai phainai amchiu y, baichu amchiu y naimy amki ai. Kai ly khiva kamta a-u iy kula-iu tavo kamta tangam ai.

MIKHA 2:10

Angthau ly tako u; hini pri ly nangchi i vui chymme naira meingtym ny y leang bo. Nangchi i kamngo nai molam y hini pri ly phra bo.

HABAKKUK 2:6

Tavai sum nai khumichi ly tavai eaung nai khumichi tlang tleaung y, paleung no-ei nai leu katheu iy, khumi aniu y nai sa u ai. Nichi my, “Amychi peang y nai yhmtheaung katuichi ai lawm u nai nangchi ly taham si u bo. Nangchi ly mana tanrei kakra, nangmychi i kalai keungchi ai tapawp iy, nangmychi nang chawn ai nai sa u veangveang ai mo?” nanai thui u ai.

ZEPHANIAH 1:2

Areng my, “Kai ly khumichi, tawnbawichi, tavochi hawi ngochi py takhawi y, khaileaung pri y awm nai ngiereichi tamyh pawn ai. Khumi hawi y naichi ai atlym hai ai. Khumi bawibawichi ai kaimy taphra ai. Dei y naimy leaungrei py tleaung ai ny y. Hini ly kai, Areng my kang thui pi nai leu ne.

Kati Nai 23:18

Naibaly Balam ly hina nai kamta amo leu thui pi: “Zipor i chapo Balek awi, kai teng y jeu ly kaimy kang thui pi ai nai leu tangai ba.

Kati Nai 23:7

Naibaly Balam ly hina nai kamta amo leu thui pi nai ne: “Moba pri samrang Balek my Suria pri nisi mang i mawi aheungchi dengdairei kai ai ang palau bo. Samrang my, ‘jeu ly Jakob i kangpreangchi ai pasawi ba,’ ‘jeu ly Israela chengchi ai thui tamawn ba,’ ang napi.

Kati Nai 24:15

Naibaly Balam ly hina nai kamta amo leu thui nai ne: “Beora i chapo Balam i amti pi nai amo leuchi ly Chai pyn pa-rei niu thai nai keung i leuchi ne.

Kati Nai 24:3

ni ly amo leu hawi, hina nai kamta thui pi: “Hini ly Beora i chapo Balam my thui pi nai amo leu, chai pyn pa-rei niu thai nai keung i leuchi ne.

MARKA 12:12

Naibaly nichi ly mymy ai patiu ai nai sai hau: na i py khumi mipuichi ai jei; huni pata nai leu ly nichi ai padeang nai leu ne, nanai pany u bo.

Leu Thui Nai 28:29

Kani thuntang y my patham mengmang nai mei kamju kamta, nangchi ly lam niu ai ny y; sa nai tleirei eaung ai ny y. Nangchi i tlang tleaung y ana nai, lawm naichi avawrei avum ai i, nangchi ai ami my py sabawm ai ny y.